St Matthew 7:22 - Ottawa New Testament Penteteuch and Psalms 1874

²² Ewh uhpe kekezheguk nebewah oo‐oo nengahegoog, Tabanengayun, Tabanengayun, kah nuh nengeäunwahjegasemin emuh kedezhenekahzoowining? kuhya emuh kedezhenekahzoowining nengeoonjesahgechewabenahnahnig mujje‐muhnedoog? kuhya emuh kedezhenekahzoowining nebewah mahmaundahwejegunun nengëezhechechegamin?

St Matthew 7:22 Iomraidhean Croise

NUMBERS 24:4

Keëkedoo owh kahnoondung Kesha‐Muhnedoo oodekedoowinun, owh kahwahbunduhegood enewh Muhyahmuhwe‐mushkuhwezenejin uhnooj gagoo, oodissegood muhmaunze-nuhmoowin, pahkahkoosenenig dush ween ooshkeenzhigoon:

NUMBERS 31:8

Oogeduhgoonesahwaun kuhya enewh Midian duhzhe kecheöogemaun, uhpe nasahwaud enewh ahnind; Evi, kuhya Kekem, kuhya Zur, kuhya Hur, kuhya Keba, nahnun Midian duhzhe kocheöogemaug; oogenesahwaun kuhya Balaamun oogwissun Beor uhshuhwashk keuhyoowaud.

St Matthew 10:15

Kagate kedenenim, nahwuj puhbanug tahdoodahchegahda ewh Sodom kuhya Gomorrah duhzhe uhkee uhpe tebahkoonewa‐kezheguk, ewh dush ween oodanah.

St Matthew 24:36

Uhpe dush ween goo ewh chekezheguk kuhya kaähpeeche‐kezheguk kahween ahweyah ookekanduhseen, kah kuhnuhga egewh keche‐kezhegoong duhzhe‐angenug, owh atuh Noos.

St Matthew 25:11

Nahgujeesh dush kuhya wenuhwah ahnind kegaungooquag kepeëzhahwug, oo‐oo keëkedoowaud Tabanengayun, Tabanengayun, pahkahkoonuhmooweshenaum.

St Matthew 7:21

Kahween kuhkenuh anduhchewaud egewh Tabanengayun, Tabanengayun azheguhnoozhejig, tahpeendegasewug emuh keche‐kezhegoong duhzhe oogemahwewining; wah‐owh suh atuh mahkindung ewh azhemenwandung owh Noos keche‐kezhegoong ayaud.

ST. LUKE 10:12

Kedenenim suh, Nahwuj puhbanug tahdoodahjegahda ewh Sodom, ewh uhpe kekezheguk, dush ween ewh oodanah,

ST. JOHN 11:51

Kahween ween tebenuhwa oodekedoowin keähwunsenoon oo‐oo kahekedood; kekeche‐sahsahgawejega‐wenenewe ewh uhpe kekenoonoowining, keäunwahjegad ewh wenebootahwaud owh Jesus oonoo ahnishenahban.

THESSALONIANUN 5:4

Kenuhwah dush ween nejekewaëdoog, kahween emuh magwa kushke‐tebekuk kedahyahseem cheühdemegooyagoobun ewh kezhegud debishkoo owh kamoodishkid.

II. THESSALONIANUN 1:10

Uhpe tagwishing chepeshigandahgooïnd oonje enewh bameetahgoojin, kuhya chekechetwahwanemind oonje kuhkenuh egewh duhyabwayandungig (oonje kedabwatuhmag nindebahjemoowinenaun kahwahweenduhmahgooyag) ewh uhpe kekezheguk.

II. TIMOTHEUSUN 1:12

Me suh wanje‐kooduggeëgooyaun oonoo kooduggedoowinun: kah suh nindahgujjese: nekekanemah muh owh tuhyabwayanemug, kuhya nequuhyukwandaun ewh chekushketood cheguhnuhwandung ewh kahpuggedenuhmoowug nahnauzh egoo ewh uhpe kekezheguk.

II. TIMOTHEUSUN 1:18

Ahpagish chepuggedenuhmahgood enewh Tabaninganejin chemekung ewh shahwandahgoozewin oonje owh Tabaningad ewh uhpe kekezheguk: menik edush kahshahwanemid emuh Ephesusing, keen kequuhyukwandaun.

II. TIMOTHEUSUN 4:8

Noongoom dush nindahtahmahgoo ewh menoo‐ezhewabezewine pukkinahga‐wewuhquaun, ewh kameezhid owh Tabaningad quuhyuk‐azhewabezid tebahkoonega‐wenene, ewh uhpe kekezheguk: kahween atuh neen, kuhya kuhkenuh egewh manwandungig ewh oonahgoozewin, ahtahmahwahwug.