St Matthew 7:21 - Ottawa New Testament Penteteuch and Psalms 1874

²¹ Kahween kuhkenuh anduhchewaud egewh Tabanengayun, Tabanengayun azheguhnoozhejig, tahpeendegasewug emuh keche‐kezhegoong duhzhe oogemahwewining; wah‐owh suh atuh mahkindung ewh azhemenwandung owh Noos keche‐kezhegoong ayaud.

St Matthew 7:21 Iomraidhean Croise

St Matthew 12:50

Ahwagwan suh kaëzhechegagwan ewh oodenanduhmoowin owh Noos keche‐kezhegoong ayaud, mesuh owh nekahnis, kuhya nindahwamah kuhya ninguh.

St Matthew 16:17

Jesus dush oogenuhquatuhwaun oo‐oo keëkedood, Keshahwandahgooz Simon Barjona: kah mahween weyaus kuhya mesque kegewahbundahegooseen oo‐oo, owh suh ween Noos keche‐kezhegoong ayaud.

St Matthew 18:10

Aungwahmezeyook suh cheneshebahpenoodahwahsewag pazhik oogoo agahsheëjig; oo‐oo muh kedenenim, Ewede keche‐kezhegoong oodangenemewaun ahpena oowahbundahnahwah oodangwy owh Noos keche‐kezhegoong ayaud.

St Matthew 18:19

Menuhwah kedenenim, Keshpin neezheyag, nuhyanzh dush goo mahmahwe enanduhmag oomuh uhkeeng wagoodoogwan kanundooduhmoowagwan, mesuh kadoodoonag ewh Noos keche‐kezhegoong ayaud.

St Matthew 18:3

Oo‐oo dush keëkedoo, Kagate kedenenim, Keshpin aunjeëgoosewag, kuhya ahbenoojeëeng ezhewabezesewag, kahween kegahpeendegaseem emuh keche‐kezhegoong oonje oogemahwewining.

St Matthew 18:35

Mesuh kuhya nahsaub kadoodoonag owh Noos kezhe‐kezhegoong ayaud, kishpin suh emuh kedaëwaung kuhkenuh wabenuhmahwahsewagwah egewh kejekewaëwaug ewh menik kemujje‐doodoonagwah.

St Matthew 19:24

Menuhwah dush oo‐oo kedenenim, Nahwuj wanepunud owh pagwahwegung cheshahbooweed emuh pahgoon-ayahnig ewh shahboonegun, owh dush ween kache‐tebenuhwawezid enene chepeendegapun emuh oodoogemahwewining owh Kesha‐Muhnedoo.

St Matthew 25:10

Ahpetandewaud dush ahwekeshpenahtoowaud, ketuhgwishin owh nahaungish, egewh dush kahtakezhetahjig oogeühneweejpeendegamahwaun emuh anduhzhe‐wewekoodahdewine‐wekoonding, kekebahquahegahda dush ewh ishquaundam.

St Matthew 25:21

Oo‐oo oogeëgoon enewh oodoogemahmun, Wawane manoo‐ezhewabezeyun kuhya ahyaungwahmezeyun bameetahguneweyun: kegeäungwahmenahnun enewh punge kahguhnuhwanduhmunin, kegahmeenin nebewah cheoogemahkunduhmun: peendegan emuh oodoonahnegoozewining owh kedoogemaum.

St Matthew 26:39

Menuhwah ahwahshemashish keëzhah, keoojecheengwasad, keahnuhmeäud, oo‐oo keëkedood, Noosa, keshpin enandahgwuk, mahnoo ningahkuhbekahgoon maunduh mene quahjegun: Kah nindahwah neen ananduhmaun tahezhe wabussenoon, keen suh atuh ananduhmun.

St Matthew 26:42

Menuhwah kemahjaud, me goo ewh neezhing keähnuhmeäud, oo‐oo dush keëkedood, Noosa, keshpin enandahgwussenook chekuhbekahgooyaun maunduh menequahjegun pwah‐menequayaun, mahnoo keen ananduhmun tahezhewabud.

ST. MARK 3:35

Ahwagwan muh kadooduhmoogwan oodenanduhmoowin owh Kesha‐Muhnedoo, mesuh wah‐owh nejekewa, kuhya ninduhwamah, kuhya ninguh.

ST. MARK 9:47

Kishpin dush kishkinzhik oonjemujje‐ezhechegayun, kejebetoon; oonisheshin ewh pazhikooshkinzhegwayun chepeendegayun emuh oodoogemahwewining owh Kesha‐Muhnedoo, ewh dush ween ahnoo neezhooshkinzhegwayun cheähpuggenegooyunbun emuh mujje‐ishkootang:

ST. LUKE 11:28

Oo‐oo dush keëkedoo, Kagate ahwahshema shahwandahgoozewug egewh nwaundungig Kesha‐Muhnedoo oodekedoowin, kuhya ganuhwandungig.

ST. LUKE 13:25

Uhpe dush kapuhsegweed owh wawegewaumid, kuhya kakebahquahung ewh ishquaundam, kamahjenebooweyag emuh ahgwahcheeng, kuhya chepahbahgahquahuhmag ewh ishquaundam, oo‐oo dush cheëkedooyag, Tabaningayun, Tabaningayun, nesahkoonuhmahwishenaum; ween dush kegahnuhquatahgoowah oo‐oo kaënenag, Kahween kekekanemesenoonim tebe wanjebahwagwan:

ST. LUKE 18:25

Nahwuj wanepunud owh pagwahwegung weshahbooshkung ewh puhgoona‐ahyahnig shahboonegauns, owh dush ween kache‐tebenuhwawezid enene chepeendegad emuh oodoogemahwewining owh Kesha‐Muhnedoo.

ST. LUKE 6:46

Ahneeshwin ezheyag, Tabaningayun, Tabaningayun, ezhechegasewag dush enewh akedooyaunin?

ST. JOHN 14:7

Kishpin kekekanemeyagoobun kedahgekekanemahwah kuhya owh Noos; noongoom dush oonje kekekanemahwah kuhya kegewahbuhmahwah.

ST. JOHN 15:23

Owh suh shaunganemid oosheenganemaun kuhya enewh Noosun.

ST. JOHN 3:5

Jesus dush oogenuhquatuhwaun, Kagate, kagate, kedenin, Kishpin ahweyah negesig emuh nebeeng kuhya emuh Keche‐Oojechaugoong, kahween tahkushketoose chepeendegad emuh Kesha‐Muhnedoo oodoogemahwewining.

ST. JOHN 5:17

Jesus dush oogenuhquatuhwaun, Noos ahnooke nahnauzh egoo noongoom, kuhya neen ninduhnookee.

ST. JOHN 6:40

Mesuh oo‐oo uhyenandung owh kahpeëzhenahzhahood, ahwagwan wuhyahbuhmahgwan enewh Wagwissemindjin, duhyabwayanemaud dush, cheähyaung ewh kahgega‐bemahdezewin: cheähbejebahug dush uhpe keïshquah‐kezheguk.

ST. JOHN 7:17

Kishpin ahweyah weëzhechegad azhenunduhwandung owh kahezhenahzhahood, oogahkekandaun ewh kekenooähmahgawin, kishpin Kesha‐Muhnedoong wanjebahmahgudoogwan, gamuh neen ahyenanduhmaun azhekekedoowaunan.

OODEZHECHEGAWINEWAH 14:22

Keäunwahjeähwaud enewh kekenooähmahgunun, kuhya kekuhgekemahwaud cheminjemanduhmenid ewh dabwayanduhmoowin, chenundahwandahgoozeyung emuh nebewah kooduggegezewining cheöonjepeendegayung emuh oodogemahwewining owh Kesha‐Muhnedoo.

ROMANUN 12:2

Kagoo ween azhewabuk oomah uhkeeng nahsaub ezhewabezekagoon: quak‐ezhewabezeyook, ewh aunjesing kedenanduhmoowinewaun, chepuggukkanduhmag ewh oodenanduhmoowin owh Kesha‐Muhnedoo ewh wanisheshing, kuhya manwandahgwuk kuhya quayukwandahgwuk.

ROMANUN 2:13

(Kah muh egewh nwaundungig ewh tebahkoonegawin quuhyuk‐ezhewabezesewug emuh anahsuhmuhbid owh Kesha‐Muhnedoo, egewh dush atuh mahkindungig ewh tebahkoonegawin tahquuhyuk‐ezhewabezeähwug.

EPHESIANUN 6:6

Kahween emuh ooshkinzhegoo‐buhmeetahgawining, debishkoo egewh manwanduhmeähjig enewh enenewun, debishkoo atuh egewh bameetahwahjig enewh Christun, dooduhmag oodenanduhmoowin Kesha‐Muhnedoo emuh oonje kedaëwaung;

COLOSSIANUN 4:12

Epaphras kejekewaëwah, wabuhmeetahgunemegood enewh Christun kedahnemikaugoowah, anegook anuhmeätuhmoonag chenebahweyag, quuhyukwandahgoozeyag kuhya guhnuhwanduhmag oodenanduhmoowin Kesha‐Muhnedoo.

THESSALONIANUN 4:3

Me muh azhenunduhwanemenag Kesha‐Muhnedoo chemenoo‐ezhewabezeëgooyag, chemekinduhsewag pezhigwahdezewin:

THESSALONIANUN 5:18

Ahnooj gagoo oonje‐mahmooyahwayook; me muh azhenunduhwanemenag Kesha‐Muhnedoo emuh Christ Jesusing.

ENEWH TITUSUN 1:16

Nekekanemahnaun Kesha‐Muhnedoo, inwahzoowug; emuh dush oodahnookeewinewaung oodahgoonwayanemahwaun, kuhgwahnessuggandahgoozewug, kuhya kuhgaunzetuhmoog, kah dush kushkeöosewug chewuhwanahbunduhmoowaud gagoo wanesheshing ahnookewin.

HEBREWUN 13:21

Keche‐menoo‐ezhewabezeënag emuh kuhkenuh menoo‐ahnookewining cheähnookeetuhmag ween oodenanduhmoowin, kuhya cheöozhetoomoonag emuh keyowewaung ewh manwandahgwuk emuh ooshkinzhegoong, oonje Jesus Christ; owh kapezhegandahgoozid kahgenig kuhya kahgenig. Amen.

HEBREWUN 4:6

Benuh dush enandahgwud ahnind chepeendegawaud emuh, egewh dush netum kahwahweenduhmahwindjig kahween ketapeendegasewug oonje kedabwayanduhsigwah;

JAMES 1:22

Anahkoonegamahguk ewh ekedoowin ezhewabezeyook, kahween atuh goo chenoonduhmag, wuhyazhindezooyag.

I. PETER 2:15

(Me muh uhyenanemenag Kesha‐Muhnedoo ewh menoo‐ezhewabezeyag chepezauneägwah egewh kakebahdezejig enenewug kuhnuhga gagoo kakanduhsegoog)

I. PETER 4:2

Kayahbe dush cheëzhebemahdezesig emuh mujje‐ezhewabezewining menik kabemahdezegwan, nahsaub azheahyahnig oomujje‐nunduhwanduhmoowinewaun enenewug, nahsaub atuh azheähyahnig oodenanduhmoowin Kesha‐Muhnedoo.

REVELATION 2:27

Kuhya oogahoogemahkundahwaun enewh, peewahbikoo‐suhkuhoon kaähyood; debishkoo oodoonahgunun owh wahbegune‐oonahguneka‐wenene tahezhepoopookooshinoog: debishkoo kahezhepuggedenuhmahwid Noos.

REVELATION 22:14

Shahwandahgoozewug egewh kasebegenungig oodahgwewinewah cheöonje‐debanemahwaud enewh bemahdezewine metigoon, chepeendegawaud dush emuh kache‐ishquaundamewung keche‐oodanah.

REVELATION 3:5

Owh dush kamahmauzheëwad me suh owh kawahbishke‐koonuhyad, kah dush ningahkuhseebeühmahwahse oodoonoozoowin emuh bemahdezewine‐muzzenuheguning, ningahwahweendaun dush oodezhenekahzoowin anahsuhmid Noos kuhya enewh oodangenemun.