St Matthew 7:15 - Ottawa New Testament Penteteuch and Psalms 1874

¹⁵ Meweshkahwik egewh wuhyazhenga‐aunwahjega‐wenenewug, pahmahneshtahnesheweöojig pahnaunzekoonagoog, peenjenah dush muhkundwashke‐maheengunewewug.

St Matthew 7:15 Iomraidhean Croise

St Matthew 10:17

Aungwahmezeyook gagoo chedoodoosenagwah egewh enenewug: kegahpuhgedenegoowaug muh emuh anduhzhe-mahmahwe‐tebahkoonegawaud, kuhya kegahpuhzhunzhaöogoowaug emuh oodahnuhmeä‐weguhmegoowaung.

St Matthew 16:11

Ahneshwin nesittootunsewag kah suh ween buhquazhegunug nengeduhzhemahseeg ewh këenenuhgoog chemewetooyag oodoombesechegunewah egewh Phariseeg kuhya egewh Sadduceeg?

St Matthew 16:6

Jesus dush oo‐oo oogeënaun, Benuh mewetooyook oodoombesechegunewah egewh Phariseeg kuhya egewh Sadduceeg.

St Matthew 24:11

Nebewah dush wuhyazhenga‐aunwahjega‐wenenewug tahpenahgoozewug, oogahwuhyazhemahwaun dush nebewah bamahdezenejin.

St Matthew 7:14

Ahgahsahdayah mahween ewh eshquaundam, kuhya ahgahsahdamoo ewh meekun emuh bemahdezewining anenuhmoog, pungeshawuggezewug dush egewh makungig.

ST. LUKE 12:15

Oo‐oo dush oogeenaun, Aungwahmezeyook, kuhya mewetooyook owh shoobeëgoowin; Kah muh bahtuhenudenig ahweyah enene ootebenuhwawezewinun tahoonjebemahdezese.

ST. LUKE 6:26

Kedahnemezeem uhpe kuhkenuh enenewug menoo‐duhzhemenagwah! me muh nahsaub kahdoodahwahwaud enewh kakenuhwishke‐aunwahjega‐wenenewun.

ST. JOHN 10:12

Owh dush ween anooketahgunewid, mahyahnishtahnishe‐wenenewesig dush, tabanemahsig enewh mahnishtahnishun, oowahbuhmaun maheengunun peëzhahnid, oonuhguhnaun dush enewh mahnishtahnishun, oozhemood dush: owh dush maheengun oogekkumaun kuhya oosuhswashkahwaun enewh mahnishtahnishun.

OODEZHECHEGAWINEWAH 13:40

Ahyaungwahmezeyook dush, koonemah kegahpuhgummishkahgoonahwah ewh, kahduhzhinchegahdag emuh aunwahjegawining;

OODEZHECHEGAWINEWAH 13:6

Uhpe dush kahpahbahmahdezewaud anegookwaug kuhkenuh menis peenish egoo Paphosing, oogemekahwahwaun pazhik cheesuhkee‐wenenewun, kuhkeenuhwishke‐aunwahjega‐wenenewun, Jew‐enenewun, Bar‐jesus azhenekahzoonejin:

GALATIANUN 2:4

Oonje egewh wuhyazhinga‐wejekewaëmaug, keemooj kahpeendeguhnindjig, cheähkahwahbunduhmoowaud nindebanindezoowinenaun kahahyahmaung emuh Christ Jesusing, ahwahkaune eneneeng cheëzheähyahyaung.

EPHESIANUN 4:14

Menuhwah cheähbenoojewesewung, chequaquakebuhgezoosewung kuhya cheähyezheweenegoosewung kuhkenuh kuhgequawine noodin debe wandahnemudoogwan, oonje ewh ookuhkuhyanezewinewah egewh enenewug kuhya oowuhyazhingawinewaun, oonje ewh kahzoowaud chewuhyazhingawaud;

EPHESIANUN 5:6

Kagoo ahweyah kegahwuhyazhemegoosewah oonje enewh kuhkebahje‐ekedoowinun: me suh oonoo uhyeëen wanje‐oodissegoowaud oonishkahdezewin Kesha‐Muhnedoo egewh kagaunzetungig wanejahnesemindjig.

PHILIPPIANUN 3:2

Mewetuhwik uhnemooshug, mewetahwik egewh mahkindungig ewh mujje‐uhyeweesh, mewetuhwik egewh kakenoowahjeïndjig.

COLOSSIANUN 2:8

Ahyaungwahmezeyook ahweyah chewuhyazhemesenoowag ewh nebwahkahwin kuhya wuhyazhingawin ningood anahbuttussenook, debishkoo enandahgwudenig ookuhgequawinewah egewh enenewug, kuhya oomah uhkeeng duhzhe ooshke‐kekenooähmahdewinun, kahween dush ookekenooähmahgawin Christ.

II. TIMOTHEUSUN 3:13

Egewh dush maje‐ezhewabezejig enenewug kuhya wahyazhingajig ashkum tahkuhgwahnesuggandahgoozewug, wuhyazhingawaud kuhya wuhyazhemindwah.

II. TIMOTHEUSUN 4:3

Tahtuhgwishenoomahgud suh ewh kezhegud, uhpe kaminwanduhsigwah wanesheshing kuhgequawin, nahsaub anandahgwudenig tebenuhwa oomujje‐nundahwanduhmoowinewaun oogahmeshenooähwaun kakenooähmahgoowahjin kesheebetahwuggawaud.

II. PETER 3:17

Kenuhwah dush suhyahgeënenuhgoog, kezhah kekanduhmag oonoo uhyeëen, ahyaungwahmezeyook, koonemah kedahgewuhneshemegoonahwah ewh oowuhneshemegoowinewaun egewh maje‐ezhewabezejig, chepungeshinagoobun emuh oonje anduhzhe soongekahbahweyag.

I. JOHN 4:1

Suhyahgeënenuhgoog, kagoo dabwayanemahkagoon kuhkenuh oojechaugoomaug, nunduhkekanemik dush egewh oojechahgoomaug kishpin Kesha‐Muhnedoong wanjebahwahgwan; nebewah muh egewh kuhkenuhwishke‐aunwahjega‐wenenewug ahzhuh kepeëzhahwug oomah uhkeeng.

JUDE 1:4

Ahnind mahween enenewug, keemooj kepepeendegawug, kuhyet kahenahkoonindjig oo‐oo cheëzhenahneboomindwah, enenewug quasahsegoog Kesha‐Muhnedoon, ezheäunjetoowaud ooshahwanjegawin owh Kekesha‐Muhnedoomenaun emuh peshegwahdezewining, kuhya ahgoonwatahwahwaud enewh puhyazhegoonejin Tabaninganejin Kesha‐Muhnedoon, kuhya Tabanemenung Jesus Christun.

REVELATION 16:13

Ningewahbuhmaug dush neswe wahnezejig oojechaugoomaug, oomukkukkeeng azhenahgoozewaud, peöonje‐sahguhumoowaudemuh oodooning owh keche‐mujje‐kenabig, kuhya oodooning owh ahwasee, kuhya oodooning owh kuhkenuhwishke‐aunwahjega‐wenene.

REVELATION 17:6

Ningewahbuhmah dush owh equa keöoshquabid kemenequad oomisqueemewah egewh manoo‐ahnuhmeähjig, kuhya oomisqueemewah egewh kahnesindjig oonje kedabwayanemahwaud Jesusun; uhpe dush wuhyahbuhmug ningekeche‐mahmahkahdandum.

REVELATION 19:20

Ketuhkoonah dush owh ahwasee kuhya owh kakenuhwishkid aunwahjega‐wenene, kahmahmaundahwejegad anahsuhmid owh ahwasee, kahwuhyazhemaud dush enewh kahkekenoowahjechegahzoonejin ookekenoowahjechegun owh ahwasee, kuhya enewh kahoojecheengwuhnetahwahnejin enewh oomuzzenenemene. Oogoo nuhyazh keähpuggenahwug magwah bemahdezewaud emuh wazahwushkookunag ishkoota sahguheguning.

REVELATION 20:10

Kuhya Mujje‐muhnedoo kahwuhyazhemaud enewh, keähpuggenah emuh wazahwushkookunag ishkoota sahgeëguning, anduhzhe‐ahyaud ahwasee kuhya kakenuhwishkid aunwahjega‐wenene, emuh dush tahduhzhe‐kooduggeähwug kahzhegudenegin kuhya tabekudenegin kahgenig kuhya kahgenig.