St Matthew 7:14 - Ottawa New Testament Penteteuch and Psalms 1874

¹⁴ Ahgahsahdayah mahween ewh eshquaundam, kuhya ahgahsahdamoo ewh meekun emuh bemahdezewining anenuhmoog, pungeshawuggezewug dush egewh makungig.

St Matthew 7:14 Iomraidhean Croise

PSALMS 16:11

Kah mah kegahnuhguhnahse ninjechaug ewede ahnahmahkumming: kah dush kegahpuhgedenahse owh pahnezid sahyahgeüd cheähyaud emuh nishwuhnahdezewining.

St Matthew 20:16

Me suh dush ashquayandahgoozejig kanegaunandahgoozewaud, kuhya nahgaunandahgoozejig kaïshquayandahgoozewaud: bahtuhyeënwug muh egewh nandoomindjig, pungeshawuggezewug egewh kagegenindjig.

St Matthew 22:14

Nebewah muh nundoomahwug, pungeshawuggezewug dush atuh wuhyanahbuhmindjig.

St Matthew 7:13

Peendegayook suh emuh ewh agahsahdayaug eshquaundam: keche‐munguhdayah muh ewh eshquaundam, kuhya munguhdamoo ewh meekun emuh neshwahnahdezewining aneenuhmoog, bahtuhyenoowug dush egewh paundegajig emuh:

St Matthew 7:15

Meweshkahwik egewh wuhyazhenga‐aunwahjega‐wenenewug, pahmahneshtahnesheweöojig pahnaunzekoonagoog, peenjenah dush muhkundwashke‐maheengunewewug.

ST. MARK 8:34

Uhpe dush kahnundoomaud enewh ahnishenahban kuhya enewh ookekenooahmahgunun, oo‐oo oogeënaun, Ahwagwan kawenoopenuhzhegwan mahnoo suh oogahahgoonwayandaun tebenuhwa weyow, kuhya oogahoodahpenaun oodahzhekayahtikoom, ningahnuhnoopenik dush.

ST. LUKE 12:32

Kagoo sagezekagoon, pangeshawugezeyag mahnishtahnishedoog, enandum suh owh Koosewah chemeenenag ewh oogemahwewin.

ST. JOHN 16:2

Kegahoonjesahgeje‐wabenegoowaug emuh ooduhnuhmeä‐weguhmigoowaung: kagate, suh tahpuhgummeähyahmahgud, ewh uhpe ahwagwan kanesenenoowagwan, ninduhnookeetahwah Kesha‐Muhnedoo, tahenanindezoo.

ST. JOHN 16:33

Kegeëzheguhnoonenim oonoo, ewh dush nuh pezaunewawin cheähyahmag neen oonje. Emuh uhkeeng kegahahyahnahwah ewh megooshkahjeëwawin: bahpenanduhmook suh goo; neen ningemahmauzhetoon ewh uhkee.

OODEZHECHEGAWINEWAH 14:22

Keäunwahjeähwaud enewh kekenooähmahgunun, kuhya kekuhgekemahwaud cheminjemanduhmenid ewh dabwayanduhmoowin, chenundahwandahgoozeyung emuh nebewah kooduggegezewining cheöonjepeendegayung emuh oodogemahwewining owh Kesha‐Muhnedoo.

ROMANUN 12:2

Kagoo ween azhewabuk oomah uhkeeng nahsaub ezhewabezekagoon: quak‐ezhewabezeyook, ewh aunjesing kedenanduhmoowinewaun, chepuggukkanduhmag ewh oodenanduhmoowin owh Kesha‐Muhnedoo ewh wanisheshing, kuhya manwandahgwuk kuhya quayukwandahgwuk.

ROMANUN 9:32

Ahneeshwin? Kahween emuh dabwayanduhmoowining oogeëzhenunduhwanduhsenahwah, emuh suh ween dush tebahkoonegawine‐ahnookeewining. Kepukkittashinoog muh emuh pukkittashine ahsineeng;