St Matthew 7:13 - Ottawa New Testament Penteteuch and Psalms 1874

¹³ Peendegayook suh emuh ewh agahsahdayaug eshquaundam: keche‐munguhdayah muh ewh eshquaundam, kuhya munguhdamoo ewh meekun emuh neshwahnahdezewining aneenuhmoog, bahtuhyenoowug dush egewh paundegajig emuh:

St Matthew 7:13 Iomraidhean Croise

GENESIS 6:12

Kesha‐Muhnedoo dush oogeguhnuhwahbundaun uhkee, benuh dush kekuhgwahnessugge‐mujje‐ezhewabud; kuhkenuh mah wahyausewejig oogekuhgwahnesugetoonahwah oodezhewabezewinewah emuh uhkeeng.

GENESIS 6:5

¶ Kesha‐Muhnedoo dush oogewahbundaun azhekeche-mujjeëzhewabezenid enenewun emuh uhkeeng, kuhya uhpena mujjeëzhewabudenig kuhkenuh oonahnahgahdahwanduhmoowinene azhenahnahgahdahwanduhmenid emuh oodaëning.

St Matthew 23:13

Kekuhgwahnesuggezeem kenuhwah, oozhebeëga‐wenenewedoog kuhya Phariseewedoog, anuhmeäkahzooyag! kekebahquahahmahwahwaug muh egewh enenewug ewh keche‐kezhegoong duhzhe oogemahwewin; kah muh kepeendegaseem kenuhwah, kah dush kepuggedenuhmah-wahsewaug egewh wahpeendegajig chepeendegawaud.

St Matthew 25:41

Medush oo‐oo kaënaud emuh oonuhmunjenikaung ayahnejin, Ahwus nuhguhnuhzheshig kenuhwah kagwahnesuggandahgoozeyag, emuh kahgega‐ishkootang, kahwahwazhetahmahwindepun owh mujje‐muhnedoo kuhya enewh oomezhenahwamun.

St Matthew 25:46

Medush oogoo kaëzhahjig emuh kahgega‐kooduggezewining: egewh dush quuhyuk‐azhewabezejig emuh kahgega bemahdezewining.

St Matthew 3:2

Akedood, Aunwanindezooyook, zhuhyegwah muh keche‐keezhegoong oonje oogemahwewin pashoo peähyahmahgud.

St Matthew 3:8

Mekoogetooyook enewh aunwanindezoowene‐meenewenun.

St Matthew 7:14

Ahgahsahdayah mahween ewh eshquaundam, kuhya ahgahsahdamoo ewh meekun emuh bemahdezewining anenuhmoog, pungeshawuggezewug dush egewh makungig.

ST. LUKE 14:33

Ahwagwan dush kenuhwah anduhcheyag kawabenunsegwan kuhkenuh enewh ooduhyeemun, kahween ningahookekenooähmahgunesenun.

ST. LUKE 9:33

Kepuhgummeähyah dush, Jesus magwahnuhguhnegood enewh enenewun, oo‐oo oogeëgoon enewh Peterun, Nindoogemaum keche oonesheshin oomuh ahyahyung: ningahoozhetoonahnin neswe wegewaumun; pazhik keen chedahyun, Moses dush pazhik, kuhya Elias pazhik; kah muh oogekekanduhseen ewh kahekedood.

ST. JOHN 10:9

Neen suh nindow ewh ishquaundam: kishpin ahweyah emuh neen oonjepeendegad, tahbemahjeäh, tahpuhpeendega dush kuhya tahsuhsahguhum, kuhya oogahmekaun wesenewin.

ST. JOHN 14:6

Jesus dush oo‐oo oodenaun, Neen nindow ewh meekun, ewh dabwawin, kuhya dush ewh bemahdezewin, kahween ahweyah oopenaunzekahwahseen enewh Wayooseminjin, oonje atuh neen.

OODEZHECHEGAWINEWAH 3:19

Aunwanindezooyook dush ween kenuhwah, cheäunjeëgooyag, chekuhseebeähmahgooyag dush enewh kemujje‐ezhewabezewinewah, cheöonjedebishkoosag enewh aunwabewine‐kezhegudoon oonje anahsuhmuhbid owh Kesha‐Muhnedoo;

ROMANUN 9:22

Kishpin Kesha‐Muhnedoo, enandung wewahbundahewad oonishkahdezewin, kuhya cheöonje‐kanjegahdanig oomushkahwezewin, kinooäzh keminwahdandung enewh nishkahdezewine‐oonahgunun chebahnahjechegahdag anandahgwukin:

II. CORINTHIANUN 4:4

Egewh duhyabwayanduhsigoog kekuhkepeengwa-egoowaud emuh oodenanduhmoowinewaung enewh oomah uhkeeng duhzhe muhnedoon, cheöonje‐wahsashkahgoosigwah ewh Christ oominwahjemoowine‐wahsayahzewin, owh oodezhenahgoozewin Kesha‐Muhnedoo ahyahwid.

II. CORINTHIANUN 6:17

Benuh dush, oonje sahguhuhmoog anduhzhe‐ahyahwaud, kuhya nuhguhnik, ekedoo owh Tabaningad, kagoo taungenunkagoon ewh mahyahnahduk; kegahoodahpinenim edush.

GALATIANUN 5:24

Egewh dabandahgoozejig emuh Christing oogenetoonahwah ewh weyausemah kuhya kuhkenuh azhesahgeewamahguk kuhya azhenunduhwanduhmoomahguk.

PHILIPPIANUN 3:19

Egewh kabahnahdezejig, egewh wakesha‐Muhnedoomejig oomesudahwaun, kuhya mamequahzoojig oonje enewh uhyeëen kageähguddanduhmoowahpuneen, mahkindungig dush oomah uhkeeng duhzhe uhyeëen.)

I. JOHN 5:19

Kekekandahmin suh kenuhwind wanejahnesemenung Kesha‐Muhnedoo, kuhkenuh dush uhkee shingeshinoomahgud emuh mujje‐ezhewabezewining.

REVELATION 12:9

Owh dush keche‐mujje‐kenabig kesahgeche‐wabenah, owh kata‐kenabig, Mujje‐muhnedoo azhenekahzood, kuhya Satan; me suh owh wuhyazhindung kuhkenuh anegookookummegaug uhkee: uhkeeng dush keëzheähpuggechegahzoo, kuhya mahmahwe kedahgoo‐sahgeje‐wabenegahzoowun enewh oodangenemun.

REVELATION 13:8

Kuhkenuh dush egewh anduhnuhkeejig emuh uhkeeng oogahoojecheengwuhnetahwahwaun, menik anduhshewaud wazhebeëgahdasenenig oodezhenekahzoowinewaun emuh oobemahdezewine‐muzzenuheguning owh Mahnishtahnisheens kahnesind oonje kahmahje‐oozhetoong ewh uhkee.

REVELATION 20:15

Ahwagwan kahmekahmoowahsewindan oodoonoozoowin wazhebeëgahdanig emuh bemahdezewine‐muzzenuheguning, keähpuggejegahzoo emuh ishkoota sahguheguning.

REVELATION 20:3

Kuhya oogeähpuggenaun emuh keche‐wahnekauning ewh wuhyaquaundemahsenook, oogekebahquahwaun dush kuhya oogeähtoon ewh ahkookewussegun emuh ahyahnid, menuhwah chewuhyazhemahsig enewh ahnishenahban nahnaush keïshquahsag enewh metauswauk kekenoonoowinun: keïshquahsanig dush wanebik tahahbahegahzoo.