St Matthew 7:11 - Ottawa New Testament Penteteuch and Psalms 1874

¹¹ Keshpin dush kenuhwah majeëzhewabezeyag, kekanduhmag wanesheshengin meegewawinun chemeenagwah egewh kenejahnesewaug, keche ahwahshema suh ween owh Koosewah keche‐kezhegoong ayaud wanesheshingin oogahmeenaun enewh nandoodahmahgoojin.

St Matthew 7:11 Iomraidhean Croise

GENESIS 6:5

¶ Kesha‐Muhnedoo dush oogewahbundaun azhekeche-mujjeëzhewabezenid enenewun emuh uhkeeng, kuhya uhpena mujjeëzhewabudenig kuhkenuh oonahnahgahdahwanduhmoowinene azhenahnahgahdahwanduhmenid emuh oodaëning.

GENESIS 8:21

Jehovah dush keweeshkoobemaunjega; oo‐oo dush keëkedoo owh Jehovah emuh oodaïng, kahween menuhwah ningahkuhgwahnesugganduhseen uhkee oonje enene oodezhewabezewin; kuhkenuh mah enene oodenanduhmoewinun anandungin emuh oodaïng uhpena mujje‐ezhewabudoonatuh pahahkoo‐ooshkenegid; kah dush menuhwah ningahpukketawahseeg kuhkenuh bamahdezejig, debishkoo ahzhe kahezhechegayaun.

PSALMS 84:11

Nekezisoon kuhya nindushwewin mah ahwe owh Jehovah Kesha‐Muhnedoo: Jehovah oogahmeegewan shahwandahgoozewin kuhya kechetwahwandahgoozewin: kahween oogahsahgetoomahwahseen enewh bamoosanejin emuh quuhyuk meekunaug gagoo wanesheshing.

PSALMS 85:12

Jehovah oogahmeegewan ewh wanesheshing: kuhya tahkechenetahwugin keduhkemenaun.

PSALMS 86:15

Keen, O Tabaningayun, kashawahdezid kuhya shawanjegad muhnedoo kedow: keshuhshebandum, kuhya bahtuheïnudoon keshahwanjegawin kuhya kedabwawin.

PSALMS 86:5

Keen mah Kesha‐Muhnedoo kekeshawahdiz kuhya kenetah‐shahwanjega: kuhya kekeche‐shahwanemaug egewh anuhmeätookig.

St Matthew 23:9

Kagoo kuhya Noosa ezheweenahkagoon ahweyah oomah uhkeeng: pazhigoo muh koosewah, mesuh owh keche‐kezhegoong ayaud,

St Matthew 7:10

Gamuh keshpin dush gegooyun nundoodahmahgood, kenabegoon nuh oodahmeenaun?

ST. JOHN 3:16

Kahahpeech‐shahwandung owh Kesha‐Muhnedoo ewh uhkee oogeöonjemeegewanun tebenuhwa oogwissun nuhyatahwezenejin, ahwagwan dush duhyabwayanemahgwan chebahnahdezesig, cheähyaung suh dush ewh kahgega‐bemahdezewin.

ROMANUN 3:19

Nekekandahmin gooshah nuhmunj akedoomahgudoogwan ewh tebahkoonegawin, ewh oodegoonahwah egewh dabandahgoozejig emuh tebahkoonegawining: kuhkenuh enewh oodoonemaunun chekebahkoosinenig, chekekandahgoozewaud mujje‐ezhewabezewaud dush kuhkenuh ayahjig oomah uhkeeng emuh anahsuhmuhbid Kesha‐Muhnedoo.

ROMANUN 3:9

Ahneen dush? nahwuj nuh kenuhwind kedahpeetandahgoozemin wenuhwah dush ween? Kah bah bahpish: ahzhuh muh kegewahbundahewamin, ewh kuhkenuh Jewyug kuhya mayuggezejig mujje‐ezhewabezewaud;

ROMANUN 8:32

Owh muh kahsahgetuhmoosenoowung tebenuhwa oogwissun, kepuggedenaud dush ween kuhkenuh kenuhwind oonje, ahneen dush kaöonje‐meenissenoowung mahmahwe wanepuzh ahnooj gagoo?

GALATIANUN 3:22

Ewh nuh kechetwah‐oozhebeëgun ekedoomahgud kuhkenuh mujjeëzhewabezewaud, egewh dush duhyabwayandungig chemeenindwahpun ewh wahweendahmahga in oonje dabwayanemind Jesus Christ.

JAMES 1:17

Kuhkenuh wanesheshingin meegewawinun kuhya kuhkenuh manwandahgwukkin meegewawinun ishpeming oonjemahgudoon, emuh anduhzhe ahyaud owh Wayoosemegood enewh wahsayahzewinun, owh wekah ahyaundahkoonegasig kuhya quakezhewabezesig.

I. JOHN 3:1

Benuh gooshah, azhekeche‐sahgeënung owh Wayoosemind, kenuhwind cheëzhenekahnegooyung Kesha‐Muhnedoon wagwissemegoojig; kah sah dush kekekanemegoosenahnig egewh uhkewejig, kah muh ookekanemahsewaun.

I. JOHN 4:10

Mesuh oo‐oo sahgeëwawin, kahween kenuhwind kegesahgeähsewahnaun Kesha‐Muhnedoo, ween atuh kegesahgeëgoonaun, kuhya oogepeëzhenahzhahwaun enewh oogwissun chepeëkoonuh‐wabenuhnoonenung enewh kemujje‐ezhewabezewinenahnin.