St Matthew 7:1 - Ottawa New Testament Penteteuch and Psalms 1874

¹ Kagoo tebahkoonegakagoon, kenuhwah dush ween chetebahkoonegoosewag.

St Matthew 7:1 Iomraidhean Croise

St Matthew 7:2

Me mahween ewh tebahkoonegawin kaëzhetebahkoonegawagwan, me nahsaub kaëzhetebahkoonegooyag: kuhya ewh tebahegawin kaëzhetebahegawagwan, me suh nahsaub kaëzhetebahahmahgooyag.

St Matthew 7:5

Anuhmeäkahzooyun, netum wabenun ewh metik pamahquahahmook emuh tebenuhwa keshkinzhegoong; me dush uhpe chemenwahbeyun chekechepetoowud owh kejekewa oopezenewin.

ST. LUKE 6:37

Kagoo ween tebahkoonewakagoon, kah dush kenuhwah kegahtebahkoonegooseem: kagoo ween nahneboomewakagoon, kah dush kenuhwah kegahnahneboomegooseem: ahbwayanjegag, kenuhwah dush kegahahbwayanemegoom.

ST. LUKE 6:41

Ahneshwin wahbunduhmoowud ewh panzenegood kejekewa, kah dush ween kewahbunduhmahdezooseen ewh metik pamahquahmook emuh tebenuhwa keshkinzhegoong?

ST. JOHN 8:7

Uhpe dush menuhwah kahkuhgwajemegood enewh, keöombetah, oo‐oo dush keënaud, Ahwagwan majeëzhe wabezesigwan kenuhwah anduhcheyag mahnoo netum oogahpemoosenuhaun.

JAMES 3:1

Nejekewaëdoog, kahween kegahbahtuhyeënseem kakenooähmahgayag, kekanduhmag nenuhwind kakenooähmahgayaung ahwahshema chetebahkoonegooyaung.