St Matthew 6:5 - Ottawa New Testament Penteteuch and Psalms 1874

⁵ Uhpe dush anuhmeähyunin, kagoo ween ezheähyahkan ewh azheähyahwaud egewh anuhmeäkahzoojig, oomenwandahnahwah muh nebahwewaud emuh ahnuhmeä-weguhmegoong kuhya emuh nuhneengeduhwuhmook enewh meekunun cheduhzhe‐ahnuhmeähwaud, chewahbuhmegoowaud enewh enenewun; Kagate kedenenim, ahzhe ketakezhekahwahwug.

St Matthew 6:5 Iomraidhean Croise

PSALMS 5:2

Bezinduhweshin anwayaun uhpe ahyahshequayaunin: nindoogemaum kuhya Nekesha‐Muhnedoom kegahahnuhmeätoon mah.

PSALMS 55:17

Wanahgooshingin, kuhya kakezhabahwahgukkin, kuhya nuhyahwuhquagin ningahnahnahgahdahwandum, kuhya ningahuhnemetahgooz: oogebezindaun dush ninduhnemetahgoozewin.

St Matthew 21:22

Kuhkenuh suh ahnooj gagoo kanundoodahmoowagwan uhpe anuhmeähyagoon, keshpin dabwayanduhmag, kegahmeenegoom suh goo.

St Matthew 23:13

Kekuhgwahnesuggezeem kenuhwah, oozhebeëga‐wenenewedoog kuhya Phariseewedoog, anuhmeäkahzooyag! kekebahquahahmahwahwaug muh egewh enenewug ewh keche‐kezhegoong duhzhe oogemahwewin; kah muh kepeendegaseem kenuhwah, kah dush kepuggedenuhmah-wahsewaug egewh wahpeendegajig chepeendegawaud.

St Matthew 23:5

Chewahbuhmegoowaud enewh enenewun wanje-enuhnookeewaud kuhkenuh oodahnookewinewaun; oomechewessetoonahwah oophylacterymewaun, kuhya oomechahwesetoonahwah ewh azhetuhtebegwahdanig enewh oopuhpensekahwahgunewaun,

St Matthew 23:6

Oosahgetoonahwah enewh negaunuhbewinun uhpe wahkoondingin, kuhya enewh kechetwahwuhbewinun emuh ahnuhmeä‐weguhmigoong,

St Matthew 6:1

Aungwahmezeyook chezhechegasewag enewh kemenoo‐ezhechegawinewah enahsuhmeähyahwaud enenewug, ewh chewahbuhmenagwah, keshpin oo‐oo azhechegayag kahween kegahshahwanemegoosewah owh Koosewah keche‐kezhegoong ayaud.

St Matthew 6:16

Uhpe dush pakuddaëdezooyagoon, kagoo ween nuhneenuhweengwaëdezookagoon, azhechegawaud egewh anuhmeäkahzoojig: mahnahjengwaëdezoowug muh, pukkuhdaëdezoongin cheëzhenahgoozewaud emuh anahsuhmuhbenid enenewun: Kagate kedenenim, Ahzhe ketakezhekahwahwug.

St Matthew 6:2

Uhpe dush keen mahgewayunin, kagoo ween ahnookeekan chenegaune‐muhtwawatoong ewh pootahjegun, azhechegawaud ween goo egewh anuhmeäkahzoojig, emuh oodahnuhmeä‐weguhmegoowaung kuhya emuh oomeekunahwaung, cheöonjekechetwahwanemegoowaud enewh enenewun: Kagate kedenenim ahzhe ketakezhekuhwahwug.

St Matthew 9:38

Nundoodahmahwik owh Tabandung ewh keshkezhegawin, chepeëzhenahzhahwaud anooketahganejin emuh ooketegauning.

ST. MARK 11:25

Uhpe dush nebahweyag ahnuhmeähyag, kishpin ningood wuhsittahwanemag ahweyah, wabenuhmahwik; cheoonje‐wabenuhmoonag enewh kemujje‐ezhewabezewinewah owh keche‐kezhegoong duhzhe‐Koosewah.

ST. MARK 12:38

Magwah dush kekenooähmahgad oo‐oo oogeënaun, Ahkahwahbuhmik egewh oozhebeëga‐wenenewug, minwanduhmoog suh chekuhgaunwabegekoonuhyawaud, kuhya cheähnemikahwindwah emuh anduhzhe‐ahtaunding.

ST. LUKE 11:43

Kekuhgwahnesuggandahgoozeem kenuhwah Phariseeweyag! kesahgetoonahwah muh enewh kache‐ishpandahgwukin ahbeewinun emuh ahnuhmeä‐weguhmigoong, kuhya ahnahmekoodahdewinun emuh ahtaundewining.

ST. LUKE 18:1

Keahwachega dush guhnoonaud chenunduhwandahgoozewaud moonzhug cheähnuhmeähwaud, kuhnuhga dush cheähnezheetunsigwah:

ST. LUKE 18:13

Owh dush mahwunjechega‐wenene wahsuh nahbahwid kahween kuhnuhga oogeoombenunsenun enewh ooshkeenzhegoon ewede kezhegoong, kepuhkedaähkegunaëdezoo oo‐oo keëkedood, Kesha‐Muhnedoo shahwanemeshin neen majeëzhewabezeyaun.

ST. LUKE 20:47

Ookedahnahwah enewh shegaun oowegewaumene, kuhya ahnuhmeäkahzoowaud keche kenooazh ahnemetahgoozewug: ahwahshema tahkuhgwahnesugge‐nahneboo-mahwug.

ST. LUKE 6:24

Kedahnemezeem suh kenuhwah wuhyahnuhdezeyag! noongoom muh ketaähyahnahwah ewh kemenoodaäshkahgoowinewah.

ST. JOHN 16:24

Kah muhshe gagoo kegenundoodahmahgaseem emuh nindezhenekahzoowining: nundoodahmahgayook, kegahmeenegoom dush, chemooshkenamahguk kemoojegezewinewah.

EPHESIANUN 6:18

Moonzhug cheähnuhmeähyag emuh kuhkenuh ahnuhmeähwining kuhya nundoodahmahgawining emuh Keche‐Oojechaugoong, kuhya emuh ahkahwahbeyook emuh kuhkenuh aunwahjewining, cheähnuhmeätuhmahwagwah kuhkenuh anuhmeähjig;

THESSALONIANUN 5:17

Moonzhug ahmuhmeähyook wekah chepoonetahsewag.

JAMES 4:6

Nahwuj nebewah shahwanjegawine‐wedookahgawin oopuggedenaun. Me suh wanje‐ekedood, Kesha‐Muhnedoo oomegahnaun enewh kachetwahwanemoonejin, kuhya ooshahwanemaun enewh agausanemoonejin.