St Matthew 6:4 - Ottawa New Testament Penteteuch and Psalms 1874

⁴ Chekemooduk enewh kemeegewawenun, owh dush Koos kemoodezewin wuhyahbundung, ween suh kegahtebahahmauk.

St Matthew 6:4 Iomraidhean Croise

PSALMS 139:12

Keen mah kedebandaunun peenjenuh neyowing atagin: keen kegeguhnuhwanim pooch emuh ninguh oomesudaung.

PSALMS 17:3

Kegekekandaun kuhya kegepenaunzekaun ninda magwah tebekuk: kegenundahkekanim, kah dush gagoo mujje‐uhyeweesh kegemekunse emuh neyowing: ahpeche mah nindenandum kuhnuhga wemujje‐kekedoomahgussenook nindoon.

PSALMS 44:21

Kishpin kahwuhnanduhmoowungan oodezhenekahzoowin owh keKesha‐Muhnedoomenaun gamuh kishpin kahahnuhmeätuhwungan bakahnezid muhnedoo: kahnuh ween Kesha‐Muhnedoo oogahmeekunseen: ween mah ookekandaunun enewh keemoodezewinun emuh kedaënahning.

St Matthew 10:42

Ahwagwan dush ningoo‐menequahjegauns tuhkegumme kameenahahgwan pazhik oonoo agahsheënejin emuh oodezhenekahzoowining owh kekenooahmahgun, kagate kedenenim, kah bahbahpish oogahwuhnetooseen ewh ootebahahmahgoowin.

St Matthew 6:18

Kah dush puhkuhdaëdezoongin cheëzhenahgoozesewun anahsuhmewaud egewh enenewug, owh suh atuh Koos keemooj ayaud; Koos edush keemoodezewin wuhyahbundung kegahmenoo‐doodaug.

St Matthew 6:3

Uhpe dush keen mahgewayunin keshahwanjega-meegewawenun, kahween ewh kenuhmunjenik oogahkekanduhseen ewh azhechegamahguk kekechenik.

St Matthew 6:6

Keen dush uhpe anuhmeähyunin, peendegan emuh kedahbenahsoowening, uhpe dush kekebahahmun kedesh-quaundam, ahnuhmeatow owh Koos emuh kemoodezewening; owh dush Koos kemoodezewin wuhyahbundung kegahshahwanemik.

ST. LUKE 14:14

Kegahshahwandahgooz dush ween; kah muh gagoo oodahyaunsenahwah chetebahahmookwah: kegahtebahahmahgoo suh goo uhpe ahbejebahwaud egewh manooëzhewabezejig.

ST. LUKE 8:17

Kah muh gagoo kahjegahdasenoon, mesuh atuh kamezheshuhwechegahdag; kah kuhya gagoo emuh kemoodezining ahchegahdasenoon, me atuh emuh wahsayahzewining cheähtag.

I. CORINTHIANUN 4:5

Me suh oo‐oo kaöonje‐tebahkoonunsewag gagoo chepwah oojechesag chetuhgwishing owh Tabaningad, ween suh kapewahsashkung enewh kuhyahjegahdagin emuh magwa puhsuhgish‐tebik, kuhya kamezheshuh‐wahbundahewad ananduhmoomahguk enewh oodaëmah: me dush uhpe anduhshid enene cheminwahjemegood enewh Kesha‐Muhnedoon.

HEBREWUN 4:13

Kuhkenuh menik kahoozhetoojin oowahbundaunun: kuhkenuh dush uhyeëen puhgukkandahgwudoon kuhya mezheshuh‐wahbuhmenahgwudoon emuh ooshkeenzhegoong owh kadebahjemootuhwung kedezhewabezewinenahnin.

JUDE 1:24

Owh dush kashketood cheguhnuhwanemenag cheoonje‐pungeshinsewag, kuhya chenebahweënag ningood mujje‐enanemegoosewag emuh anahsuhmeähyahnig oopeshegandahgoozewin emuh keche‐minwahnegoozewining.

REVELATION 2:23

Kuhya ningahnetuhmoowah oonejahnesun ewh neboowin; kuhya kuhkenuh egewh anuhmeähjig oogahkekandahnahwah neen ahweyaun owh kakandung enewh peenjenuh atagin kuhya oodaëmaun: kegahmeenenim kuhkenuh anduhsheyag debishkoo anandahgwuk kedahnookeewinewah.