St Matthew 6:30 - Ottawa New Testament Penteteuch and Psalms 1874

³⁰ Keshpin dush owh Kesha Muhnedoo oo‐oo azhekoon-uhyawetood enewh mezhushkoon emuh ketegauning noongoom kezheguk ayaungin, kuhya wahbung kaähpuggejegahdagin emuh buhquazkegunekauning, kah nuh ween ahwahshema kegahahgweëgoosewah, Oh kenuhwah ahgahwah tuhyabwayanduhmag?

St Matthew 6:30 Iomraidhean Croise

PSALMS 92:7

Uhpe suhyahgukkewahjin egewh maje‐ezhewabezejig debishkoo mushkoosewining: uhpe dush mahyahjegewahjin kuhkenuh egewh mahkindungig mujje‐ezhewabezewin: chekahgega‐bahnahdezewaud mesuh wanjeëzhewabuk: keen atuh Jehovah kemahmahwe‐ishpandahgooz kahgenig.

St Matthew 14:31

Kazhetena dush Jesus kezhebenekane, kenuhwuhdenaud, oo‐oo dush keënaud, Ahgahwah duhyabwayanduhmun, ahneshwin kahahnuhwanemooyun?

St Matthew 16:8

Jesus dush kekanemaud oo‐oo oogeënaun, Ahneshwin guhnoonendeyag kenuhwah ahgahwah duhyabwayanduhmag, oo‐oo akedooyag, mesuh ewh kepenahsewungwah buhquazhegunug?

St Matthew 17:17

Jesus dush oogenuhquatuhwaun oo‐oo keëkedood, Oh kenuhwah duhyabwayanduhsewag kuhya natah‐kuhgaunzetuhmag bamahdezeyag, ahneen menik kawejewenuhgoog? ahneen menik kabuhbemeweduhmoonenuhgoog? petuhmahweshig suh owh.

St Matthew 8:26

Oo‐oo dush oodenaun, Ahneshwin sagezeyag oh kenuhwah ahgahwah tuhyabwayanduhmag? Keooneshkah dush, kuhya oogenuhneebekindaun ewh noodin kuhya ewh kechegumme; kekeche‐aunwahtin dush.

ST. MARK 4:40

Oo‐oo oogeënaun enewh kekenooahmahgunun, Ahnishwin oo‐oo ezhesagezeyag? Wagoonash wanjedabwayanduhsewag?

ST. MARK 9:19

Ween dush oogenuhquatuhwaun, oo‐oo keëkedood, Oh tuhyabwayanduhsewag bamahdezeyag, ahneen menik kaweejewenuhgoog? ahneen menik mahnoo kaënaneme-nuhgoog? petahweshig.

ST. LUKE 12:28

Kishpin suh dush owh Kesha‐Muhnedoo oo‐oo ezhekoonuhyawetood enewh mezhushkoon, noongoom ayahmahgukin emuh ketegauning, wahbung dush kaähpuhgejegahdagin emuh buhquazhegunekauning, ahneen menik ahwahshema kegahdoodahgoowah kenuhwah, Oh ahgahwah, tuhyabwayanduhmag?

ST. LUKE 9:41

Jesus dush oogenuhquatuhwaun, oo‐oo keëkedood, Oh kenuhwah noongoom bamahdezeyag ahyahgoonwayanduhmag kuhya kagaunzetuhmag! Ahneen menik kaweejewenuhgoog kuhya kaminwahdanemenenuhgoog? Peezh kegwis oomuh,

ST. JOHN 20:27

Me dush oo‐oo keënaud Thomasun, Peëzheneenjenin, wahbundun dush enewh neneenjeen: peëzhenekanin dush kuhya ezheneenjeenin emuh noopemaweyowing: kagoo dush ween ahgoonwatunkan, dabwayandun suh goo.

HEBREWUN 3:12

Ahkahwahbeyook, nejekewaëdoog, koonemah ahweyah kenuhwah anduhsheyag oodahgeähyaun ahyahgoonwatahmoomahguk mujje‐oodaëmah chegenuhguhnaud enewh bamahdezenejin Kesha‐Muhnedoon.

I. PETER 1:24

Kuhkenuh muh weyausemah mushkoosewining enandahgwud, kuhya kuhkenuh oopeshegandahgoozewin enene debishkoo mushkoosewine‐wahwahsuhkoonang enandahgwudene. Ewh mushkoosewin neboodamahgud, kuhya mushkoosewine‐wahwahsuhkoonanun pungesinoon: