St Matthew 6:25 - Ottawa New Testament Penteteuch and Psalms 1874

²⁵ Oo‐oo suh dush kedenenim, Gagoo oondummandunkagoon ewh kebemahdezewinewah, wagoodoogwan kameejewagwan, gamuh kamenequawagwan; kuhya keyowewah kaëzhekoonuhyamahgudoogwan; kah nuh ween ewh bemahdezewin ahwahshema enandahgussenoon ewh dush ween mejim, kuhya ewh weyowemah ewh dush ween ahgwewin?

St Matthew 6:25 Iomraidhean Croise

PSALMS 55:22

O puggedenuhmahwik owh Jehovah ewh pamoonduhmun, kegahpemenik edush: kah dush wekah oogahpuggedenahseen enewh manoo‐ezhewabezenejin chepungeshinenid.

St Matthew 10:19

Uhpe dush kepuggedenegooyag, kagoo oondummandunkagoon ewh kaëkedooyag; ewh suh uhpe kegahmeenegoom ewh kaëkedooyag.

St Matthew 13:22

Owh dush kahsuhswawabenegahzood emuh magwa‐menasahgahwunzhekaug mesuh owh nwaundung ewh ekedoowin, oonzaumandung maunduh uhkee, kuhya ewh azhewuhyazhingamahguk ewh wahnuhdezewin oonje bahquanishkoojechegahda ewh ekedoowin, kah dush menewese.

St Matthew 6:31

Kagoo dush oondummandunkagoon, oo‐oo cheëkedooyag, Wagoonan kameejeyung? gamuh, Wagoonan kamenequayung? gamuh wagoonan kaähgweyung?

St Matthew 6:34

Kagoo suh dush oondummandunkagoon ewh wahbung: tahnahnahgahdahwanduhmahdezoomahgud gooshah ewh wahbung wahtabezemahguk; tabesamahgud anduhsoo‐kezheguk maje‐uhyeëeweshewung.

ST. MARK 13:11

Uhpe dush ezheweenenagwah kuhya puggedenenagwah, kagoo kezhah nahnahgahdahwandunkagoon ewh kaëkedooyag, kagoo kuhya kezhah nundahkekandunkagoon: wagoodoogwan dush kameenegoowagwan ewh uhpe cheëkedooyag, mesuh kaëkedooyag: kahween kenuhwah kegahkekedooseem, me atuh owh Pahnezid Oojechaug.

ST. MARK 4:19

Azhebahbahmanduhmoowaud maunduh uhkee, kuhya azhewuhyazhemegoowaud wahnuhdezewin, kuhya oonzaum‐anduhmoowaud ahnooj gagoo pakaunukin uhyeëen noonda‐oondoomeëgoonahwah, medush neboodamahgudenig ewh ekedoowin, kah dush menewunsenoon.

ST. LUKE 12:11

Uhpe ezhewenenagwah emuh oodahnuhmeä‐weguhmigoowaung, kuhya emuh anuhsuhmuhbewaud egewh tebahkoonega‐wenenewug, kuhya oogemaug, kagoo nahnahgahdahwandunkagoon ewh kaëzhenuhquatuhmoowagwah, gamuh ewh kaëkedooyag:

ST. LUKE 8:14

Ewh edush magwa menasahgahwunzhekaug kahpungesingin mesuh egewh uhpe kahnoonduhmoowaud, suhyahguhungig, oonduhmeëgoowaud enewh oonzaumanduh-duhmoowinun kuhya kechetwahwezewinun kuhya maunduh bemahdezewine‐oonahnegoozewinun, kah dush wawane tamenewesewug.

ROMANUN 8:32

Owh muh kahsahgetuhmoosenoowung tebenuhwa oogwissun, kepuggedenaud dush ween kuhkenuh kenuhwind oonje, ahneen dush kaöonje‐meenissenoowung mahmahwe wanepuzh ahnooj gagoo?

I. CORINTHIANUN 7:32

Kenunduhwanemenim muh cheähpeche‐bahbahman-duhsewag gagoo. Owh suh wahwesig oobahbahmandaun enewh uhyeëen tabandungin owh Tabaningad, kaëzheminwanemegood enewh Tabaninganejin:

PHILIPPIANUN 4:6

Kagoo oojahnemandunkagoon gagoo; ahnooj dush gagoo azhenunduhwanduhmagoon weenduhmahwik Kesha‐Muhnedoo emuh ahnuhmeähwining kuhya nundoodahmahgawining mahmahwe kuhya mahmooyahwuhmik.

II. TIMOTHEUSUN 2:4

Kahween ahweyah mahgahzood oobahbahmanduhsenun enewh uhyeëen dabandahgwukkin maunduh bemahdezewining, cheöonje‐minwanemegood enewh kahwuhwanahbuhmegoojin cheshemahgunishewid.

I. PETER 5:7

Puggedenahmahwik Kesha‐Muhnedoo kuhkenuh kedoojahnemanduhmoowinewah; kepahbahmanemegoowah muh.