St Matthew 6:2 - Ottawa New Testament Penteteuch and Psalms 1874

² Uhpe dush keen mahgewayunin, kagoo ween ahnookeekan chenegaune‐muhtwawatoong ewh pootahjegun, azhechegawaud ween goo egewh anuhmeäkahzoojig, emuh oodahnuhmeä‐weguhmegoowaung kuhya emuh oomeekunahwaung, cheöonjekechetwahwanemegoowaud enewh enenewun: Kagate kedenenim ahzhe ketakezhekuhwahwug.

St Matthew 6:2 Iomraidhean Croise

PSALMS 112:9

Kesuhswawabenega, oogemeenaun enewh katemahgezenejin: kahgenig duhgoomahgudene ooquuhyukwahdezewin; oodashkun tahoombenegahdane oonje kechetwahwandahgoozewin.

PSALMS 37:21

Egewh maje‐ezhewabezejig oodahtaunganahwah gagoo kah dush tebuhegasewug: shahwanjega suh owh manoo‐ezhewabezid, kuhya keshawahdeze.

St Matthew 15:7

Anuhmeäkahzooyag, quuhyuk keäunwahjega owh Ezaias, kenuhwah kahduzhemenag, oo‐oo keëkedood.

St Matthew 16:3

Kakezhabahwahgukin dush goo, Tahneshkahje‐kezhegud suh noongoom: mesquukwud muh kuhya nungwahnuhquud. Kenuhwuh anuhmeäkahzooyag, ahnoo kekekandahnahwah chenesittootuhmag ewh azhenahgwuk kezhik, kah dush kenesittootunsenahwah ewh noongoom azhekekenoowahjechegunewung?

St Matthew 22:18

Jesus dush oogekekandaun oomujje‐ezhewabezewinewah, oo‐oo dush keënaud, Ahneshwin kuhgwajeëyag, anuhmeäkahzooyag?

St Matthew 23:5

Chewahbuhmegoowaud enewh enenewun wanje-enuhnookeewaud kuhkenuh oodahnookewinewaun; oomechewessetoonahwah oophylacterymewaun, kuhya oomechahwesetoonahwah ewh azhetuhtebegwahdanig enewh oopuhpensekahwahgunewaun,

St Matthew 23:6

Oosahgetoonahwah enewh negaunuhbewinun uhpe wahkoondingin, kuhya enewh kechetwahwuhbewinun emuh ahnuhmeä‐weguhmigoong,

St Matthew 24:51

Chetaushkekahegood dush, kuhya cheähpuggenegood emuh ahyahnid enewh anuhmeäkahzoonejin: medush emuh kaduhzhe‐mahwing kuhya kaduhzhe‐muhmahtwayahbetasang.

St Matthew 5:18

Kagate suh kedenenim, peenish egoo kemahjahmahguk ewh kezhik kuhya ewh uhkee, kahween kuhnuhga pazhik I gamuh pazhik chuhgebeëgunans tahmahjahmahgussenoon tebahkoonegawining oonje chepwah kuhkenuh ketebishkoosag.

St Matthew 6:16

Uhpe dush pakuddaëdezooyagoon, kagoo ween nuhneenuhweengwaëdezookagoon, azhechegawaud egewh anuhmeäkahzoojig: mahnahjengwaëdezoowug muh, pukkuhdaëdezoongin cheëzhenahgoozewaud emuh anahsuhmuhbenid enenewun: Kagate kedenenim, Ahzhe ketakezhekahwahwug.

St Matthew 6:3

Uhpe dush keen mahgewayunin keshahwanjega-meegewawenun, kahween ewh kenuhmunjenik oogahkekanduhseen ewh azhechegamahguk kekechenik.

St Matthew 6:5

Uhpe dush anuhmeähyunin, kagoo ween ezheähyahkan ewh azheähyahwaud egewh anuhmeäkahzoojig, oomenwandahnahwah muh nebahwewaud emuh ahnuhmeä-weguhmegoong kuhya emuh nuhneengeduhwuhmook enewh meekunun cheduhzhe‐ahnuhmeähwaud, chewahbuhmegoowaud enewh enenewun; Kagate kedenenim, ahzhe ketakezhekahwahwug.

St Matthew 7:5

Anuhmeäkahzooyun, netum wabenun ewh metik pamahquahahmook emuh tebenuhwa keshkinzhegoong; me dush uhpe chemenwahbeyun chekechepetoowud owh kejekewa oopezenewin.

ST. MARK 12:39

Kuhya chenegaun‐uhbewaud emuh ahnuhmeä‐weguhmigoong, kuhya chenegaun‐uhbewaud emuh anduhzhe‐wekoonding:

ST. MARK 7:6

Oogenuhquatuhwaun dush oo‐oo keënaud, Kagate quuhyuk keäunwahjega owh Esaias kenuhwah anuhmeäkahzooyag keduhzhemenag, oo‐oo azhebeëgahdag, Mahmig ahnishenahbag nepeshegandahgooëgoog emuh oodoonewaung, emuh dush oodaëwaung wahsuh ninduhyenanemegoog.

ST. LUKE 11:41

Meegewayook dush enewh meegewawinun menik ayahmagoon; benuh dush, kuhkenuh keduhyeemewah tahpeeneähyahnoon.

ST. LUKE 11:43

Kekuhgwahnesuggandahgoozeem kenuhwah Phariseeweyag! kesahgetoonahwah muh enewh kache‐ishpandahgwukin ahbeewinun emuh ahnuhmeä‐weguhmigoong, kuhya ahnahmekoodahdewinun emuh ahtaundewining.

ST. LUKE 12:33

Ahtahwayook enewh keduhyeemewaug, kuhya shahwaninga‐meegewayook; oozhetahmahdezooyook shooneyah‐mushkemoodoon kabahnahduhsenoogin, kuhya ahsunjegoon ewede keche‐kezhegoong kanoonda‐chahgenegahdasenoogig kaduhzhe‐peendegasig ahweyah kamoodishkid, kuhya kaduhzhe‐bahnahjechegasig ooguhwase.

ST. LUKE 12:56

Ahnuhmeäkahzooyag, kekekandahnahwah ewh azheoodangwyëwung ewh uhkee kuhya ewh kezhik; ahneen dush wanjenesittootunsewag oonoo kezhegudoon?

ST. LUKE 13:15

Owh Tabaningad oogenuhquatuhwaun oonoo enenewun oo‐oo dush keënaud, Anuhmeäkahzooyag kah nuh ween kenuhwah anduhcheyag kedahahbahahsewah kepezhekemewah gamuh kekemangishkuttaëmewah magwah aunwabe‐kezheguk, kuhya ningooche kedezhewenahsewah chemeenuhag.

ST. LUKE 20:46

Aungwahmezeyook chemewishkahwagwah egewh oozhebeëga‐wenenewug, nanduhwandungig chebemoosawaud ahgwewaud enewh kakaunwagudenejin ahgwewinun, kuhya cheähnemekahwindwah emuh anduhzhe‐ahtaunding, kuhya chenegaun‐uhbewaud emuh ahnuhmeä‐weguhmigoong, kuhya kache‐ahpetandahgwukin ahgweduhbewinun emuh anduhzhe‐wekoonding;

ST. LUKE 6:24

Kedahnemezeem suh kenuhwah wuhyahnuhdezeyag! noongoom muh ketaähyahnahwah ewh kemenoodaäshkahgoowinewah.

ST. LUKE 6:42

Ahneeshwin oo‐oo azheguhnoonud owh kejekewa, Tuhguh ningahkejepetoon ewh panzenegooyun, keen ween kuhnuhga wahbunduhsewun ewh metik pamahquahmook emuh keshkinzhegoong? Anuhmeäkahzooyun, netum sahgeje-wabenuhmahzoon ewh metik pamahquahmook emuh tebenuhwa keshkinzhegoong, me dush uhpe kaminwahbeyun chekejebetuhwud owh kejekewa ewh panzenegood.

ST. JOHN 13:29

Ahnind dush oo‐oo keënanduhmoog, Judas keguhnuhwandung ewh shooneäh‐mooshkemood, oo‐oo oogeöonjeënahdooganun owh Jesus, Kishpenetoon gagoo kamuh-nazeyung emuh wekoondewining; gamuh oo‐oo, Gagoo meezh egewh katemahgezejig.

ST. JOHN 5:41

Kahween nindoodahpenunseen ewh enene‐peshegan-dahgoozewin.

ST. JOHN 5:44

Ahneen dush kaëzhedabwayanduhmag ewh kenuhwah, mamashquaud wandenuhmahdeyag ewh peshegandahgoozewin, kah dush kenundahwanduhsenahwah ewh peshegandahgoozewin puhyazhegood Kesha‐Muhnedoong wanjebahmahguk?

ST. JOHN 7:18

Owh suh ween tebenuhwa ahyenandung azhekekedood nundahwandahmahdezoo tebenuhwa oopeshegandahgoozewin; owh dush nanduhwandung ewh oopeshegandahgoozewinene enewh kahezhenahzhahoogoojin, mesuh owh duhyabwad, kah dush ookekishkunseen ewh mujjeëzhewabezewin.

OODEZHECHEGAWINEWAH 10:2

Manoo‐ahnuhmeäud, quasaud enewh Kesha‐Muhnedoon kuhya kuhkenuh oowegewauming kahahyahjig, kahkeche‐shahwanemaud ahnishenahban, kuhya moonzhug kahahnuhmeätuhwaud enewh Kesha‐Muhnedoon.

OODEZHECHEGAWINEWAH 10:31

Oo‐oo dush keëkedoo, Cornelius, kebezinduhmahgoo kedahnuhmeähwin, kuhya keshahwanjega‐meegewawinun oomequandaunun owh Kesha‐Muhnedoo.

OODEZHECHEGAWINEWAH 10:4

Uhpe dush kahguhnuhwahbuhmaud, kesageze, oo‐oo keëkedood, Wagoonan, Tabaningayun? Oo‐oo dush oogeënaun, Kesha‐Muhnedoo suh oomequandaunun enewh kedahnuhmeähwinun kuhya enewh kemeegewawinun.

OODEZHECHEGAWINEWAH 11:29

Me dush keënahkoonegawaud egewh kekenooähmahgunug, anduhchid enene menik kashkechegad chenindahahwaud enewh wejekewaëmaun ewede Judæäïng anduhkeenejin ewh shahwanjegawin:

OODEZHECHEGAWINEWAH 24:17

Kahnebewah‐dussoo‐pepoon‐andeyaun ningepeëzhah petoomahwugwah neejahnishenahbag enewh shahwanjegawine‐meegewawinun kuhya cheähtooyaun enewh sahsahgewejegunun.

OODEZHECHEGAWINEWAH 9:36

Keähyah dush ewede Joppaïng pazhik kekenooähmahgun Tabitha azhenekahzood, mesuh ahnekenootuhming Dorcas: owh dush equa oogemooshkenashkahgoonun enewh menoo‐ahnookewinun kuhya shahwanjegawinun kahezhechegad.

ROMANUN 12:8

Owh kagequad tahkuhgequa; owh mahgewad, mahnoo tahmeegewa emuh quuhyukwanduhmoowining; owh wagemahkundahgad, tahminwaweze; owh shawanjegad emuh minwanduhmoowining tahezheshahwanjega.

I. CORINTHIANUN 13:3

Kuhya mesuhwah meegewayaun kuhkenuh enewh ninduhyeemun cheähshummugwahpun egewh katemahgezejig, kuhya puhgedenuhmaun ewh neyow chechahgezuhming, ahyaunsewaun dush ewh sahgeëwawin, kah gagoo nindoondezese.

GALATIANUN 2:10

Keënanduhmoog atuh chemequanemungidwah egewh katemahgezejig: ewh nahsaub uhpena kahenanduhmaun kuhya neen cheëzhechegayaun.

EPHESIANUN 4:28

Owh dush kahkeemoodid kahween menuhwah tahkeemoodese; ahwahshema atuh tahahnooke, enewh ooneenjeen cheähyood, gagoo wanesheshing chemeenahpun enewh katemahgezenejin.

THESSALONIANUN 2:6

Kahween kuhya ningenunduhwanduhsemin enenewug chekechetwahwanemeyungidwah, gamuh kenuhwah chekechetwahwanemeyag, kah kuhya pakahnezejig ningenunduhwanemahsenahnig chekechetwahwanemeyungidwah ahnahween goo ahpeetandahgoozeyaung chegekuhgaunzoomegooyagoobun, oodahpostleëmun muh Christ nindahwemin.

I. TIMOTHEUSUN 6:18

Chemenoo‐doodahgawaud, chebahtuhyeënuddenig oomenoo‐doodumoowinewaun, chenetuh‐meegewawaud, chekeshawahdezewaud;

PHILEMONUN 1:7

Nekeche‐moojegezemin kuhya nemenoodaämin oonje ewh kesahgeëwawin, oonje keche‐shahwanemudwah egewh anuhmeähjig, keen, wawejekewaëmegooyun.

HEBREWUN 13:16

Kagoo wuhnandunkagoon chemenoo‐doodahdeyag kuhya chemuhmeenedeyag: Kesha‐Muhnedoo muh oominwandaunun oonoo doowun sahsahgewejegunun

I. PETER 4:11

Kishpin ahweyah kekedood tahezhe‐kekedoo wahweendung oodekedoowinun Kesha‐Muhnedoo: kishpin ahweyah buhmeetahgad, mahnoo tahezhebuhmeetahga azhemeenegood enewh Kesha‐Muhnedoon ewh mushkahwezewin: chepeshegandahgooïnd Kesha‐Muhnedoo oonje kuhkenuh uhyeëen, oonje Jesus Christ, owh kamahmooyahwuhmind kuhya kaöogemahwandahgoozid kahgenig kuhya kahgenig. Amen.