St Matthew 6:19 - Ottawa New Testament Penteteuch and Psalms 1874

¹⁹ Kagoo ahtahmahdezookagoon enewh ahsunjegoowinun oomah uhkeeng, anduhzhe‐ooguhwasewung kuhya ahduhzhe‐ahgwahgwahbekesing, kuhya anduhzhe‐puhgoonabejegawaud egewh kamoodeshkejig kuhya kemoodewaud.

St Matthew 6:19 Iomraidhean Croise

PSALMS 39:6

Benuh kegeënahkoonega chetahquahbeguk nebemahdezewin, kah dush ningood enandahgwussenoon nebemahdezewin anahsuhmeyun: Kagate suh nuhneepenezewug kuhkenuh enenewug pooch manoo‐ahyahjig.

PSALMS 62:10

Ahbeting kekekedoo Kesha‐Muhnedoo, neezhing ningenoondaun oo‐oo: Kesha‐Muhnedoo, chedebandung mushkahwezewin.

EXODUS 22:2

¶ Kïshpin owh kamoodishkid mekuhwind begoobedood wegewaum, puhketaöond dush, ewh dush egoo oonje‐nebood, kahweentuhsegwabenegahdasenoon misque owh oonje.

St Matthew 19:21

Jesus dush oo‐oo oogeënaun, Keshpin nunduhwanduhmun chekeche‐quuhyuk‐wahdezeyunbun, mahjaun ahweähtahwahgan enewh ketebenuhwawezewinun, meezh dush egewh katemahgezejig, kegahahyaun dush tebenuhwawezewin emuh keche‐kezhegoong; penoopenuhzheshin dush.

St Matthew 6:20

Keche‐kezhegoong suh ahtahmahdezookagoon enewh ahsunjegoowinun, anduhzhe‐ooguhwasewunsenook kuhya ahduhzhe‐ahgwahgwahbekesing kuhya anduhzhe‐pahgoonabejegasegwah egewh kamoodeshkejig, kemoodesegwah dush:

ST. LUKE 12:21

Mesuh azheähyaud owh atahmahdezood enewh ahsunjegunun, ayaunsig dush Kesha‐Muhnedoo oowahnuhdezewin.

ST. LUKE 12:33

Ahtahwayook enewh keduhyeemewaug, kuhya shahwaninga‐meegewayook; oozhetahmahdezooyook shooneyah‐mushkemoodoon kabahnahduhsenoogin, kuhya ahsunjegoon ewede keche‐kezhegoong kanoonda‐chahgenegahdasenoogig kaduhzhe‐peendegasig ahweyah kamoodishkid, kuhya kaduhzhe‐bahnahjechegasig ooguhwase.

ST. LUKE 12:39

Oo‐oo kekanduhmook, kishpin kekekandungebun owh wawegewaumid apeeche‐tebikuk wetuhgwishing owh kamoodishkid, tahgeähkahwahbe, kah dush oodahgepuggedenunseen ewh oowegewaum chepegoobejegahdanig.

ST. LUKE 18:22

Uhpe dush Jesus kahnoondahwaud, oo‐oo oogeënaun, Kayahbe suh pazhik kenoondasa; ahtahwahgan kuhkenuh ketebenuhwawezewinun, meezh edush egewh katemahgezejig, kegahahyaun edush tebenuhwawezewin ewede keche‐kezhegoong, penoopenuhzheshin dush.

ST. LUKE 18:24

Jesus dush uhpe wuhyahbuhmaud kecheminjenuh-wazenid, oo‐oo keëkedoo, Kagate ahgahwah tahpeendegawug egewh kache‐tebenuhwawezejig emuh oodoogemahwewining owh Kesha‐Muhnedoo!

I. TIMOTHEUSUN 6:17

Ahyaungwahmim egewh kachetwahwezejig oomah uhkeeng duhzhe kechetwahwezewin, cheïshpanindezoosigwah, kuhya cheähpanemoosigwah ewh netuh‐wuhyazhingamahguk tebenuhwawezewin, cheähpanemoowaud atuh Bamahdezid Kesha‐Muhnedoo owh mahnenung gwaushkuhwud ahnooj gagoo meegewawinun wawane cheähyooyung;

HEBREWUN 13:5

Kahween tahduhgoomahgussenoon ewh shoobewezin emuh kedezhewabezewinewaung; tabuhganduhmook enewh uhyeëen ayahmagoon: oo‐oo mahween keëkedoo Kesha‐Muhnedoo, Kahwekah kegahnuhguhnissenoon, kah kuhya wekah kegahwabenissenoon.