St Matthew 6:10 - Ottawa New Testament Penteteuch and Psalms 1874

¹⁰ Kedoogemahwewin tahtuhgweshenoomahgud; azhenunduhwanduhmun tahdoodaum oomah uhkeeng, debeshkoo ewede keche‐kezhegoong.

St Matthew 6:10 Iomraidhean Croise

PSALMS 2:6

Neen dush ween ningahahsah nindoogemaum: nekechetwah‐wahjewing Zion aduhming.

PSALMS 40:8

Sahsahgewejegawin kuhya puggejegawinun kahween kegenundahwanduhsenun kegepahgahkoonuhmow netuhwuggoon.

St Matthew 12:50

Ahwagwan suh kaëzhechegagwan ewh oodenanduhmoowin owh Noos keche‐kezhegoong ayaud, mesuh owh nekahnis, kuhya nindahwamah kuhya ninguh.

St Matthew 16:28

Kagate suh kedenenim, Ahnind suh ahyahwug oomah nahbahwejig kataungoonduhsegoog ewh neboowin, nahnauzh chewahbuhmahwaud enewh Enene oogwissun peëzhahnid emuh oodoogemahwandahgoozewining.

St Matthew 26:42

Menuhwah kemahjaud, me goo ewh neezhing keähnuhmeäud, oo‐oo dush keëkedood, Noosa, keshpin enandahgwussenook chekuhbekahgooyaun maunduh menequahjegun pwah‐menequayaun, mahnoo keen ananduhmun tahezhewabud.

St Matthew 3:2

Akedood, Aunwanindezooyook, zhuhyegwah muh keche‐keezhegoong oonje oogemahwewin pashoo peähyahmahgud.

St Matthew 4:17

Me dush uhpe kemahje‐kuhgequad owh Jesus, akedood, Aunwanindezooyook, zhuhyegwah muh kechekezhegoong oogemahwewin pashoo peähyahmahgud.

St Matthew 7:21

Kahween kuhkenuh anduhchewaud egewh Tabanengayun, Tabanengayun azheguhnoozhejig, tahpeendegasewug emuh keche‐kezhegoong duhzhe oogemahwewining; wah‐owh suh atuh mahkindung ewh azhemenwandung owh Noos keche‐kezhegoong ayaud.

ST. MARK 11:10

Tahminwahjinjegahdamahgudene ewh oodoogemahwewin owh koosenaun David, ewh tagwishenoomahguk emuh oodezhenekahzoowining owh Tabaningad; Hosannah ewede keche‐ishpeming.

ST. MARK 3:35

Ahwagwan muh kadooduhmoogwan oodenanduhmoowin owh Kesha‐Muhnedoo, mesuh wah‐owh nejekewa, kuhya ninduhwamah, kuhya ninguh.

ST. LUKE 19:11

Magwah egewh ahnishenahbag noonduhmoowaud oonoo, menuhwah oogeguhnoonaun keähwajegad, pashoo uhneähyaud emuh Jerusaleming, kenunduhwanduhmoowaud dush bahbega chepenahgwuk ewh oodoogemahwewin owh Kesha‐Muhnedoo.

ST. LUKE 19:38

Oo‐oo keëkedoowaud, Shahwandahgooze owh Keche‐oogemah tagwishing emuh oodezhenekahzoowining owh Tabaningad, pezaunewawin ewede keche‐kezhegoong, kuhya wahwezhanduhmoowin ewede keche ishpeming.

ST. LUKE 22:42

Oo‐oo keëkedood, Noosa, kishpin enanduhmun, ekoonuhmahweshin maunduh menequahjegun; ninduhwauj kahween neen uhyenanduhmaun, keen atuh uhyenanduhmun, tahezhechegam.

ST. JOHN 4:34

Jesus dush oo‐oo oodenaun, Mesuh ewh neen nemeejim cheëzhechegayaun azhenunduhwandung owh kahpeëzhenahzhahood, kuhya chekezhetooyaun ewh ooduhnookewin.

ST. JOHN 6:40

Mesuh oo‐oo uhyenandung owh kahpeëzhenahzhahood, ahwagwan wuhyahbuhmahgwan enewh Wagwissemindjin, duhyabwayanemaud dush, cheähyaung ewh kahgega‐bemahdezewin: cheähbejebahug dush uhpe keïshquah‐kezheguk.

ST. JOHN 7:17

Kishpin ahweyah weëzhechegad azhenunduhwandung owh kahezhenahzhahood, oogahkekandaun ewh kekenooähmahgawin, kishpin Kesha‐Muhnedoong wanjebahmahgudoogwan, gamuh neen ahyenanduhmaun azhekekedoowaunan.

OODEZHECHEGAWINEWAH 13:22

Uhpe dush kahwabenaud enewh, oogepuhsegwindenahmahwaun enewh Davidun chekeche‐oogemahwemegoowaud: me suh enewh kahdebahjemahjin, oo‐oo keëkedood, ningemekahwah David oogwissun owh Jesse, enene kahminwanemug emuh nindaïng, me suh kadebishkoosetood kuhkenuh nindenanduhmoowin.

OODEZHECHEGAWINEWAH 21:14

Uhpe dush duhyabwatunsig, ningepoonemahnaun oo‐oo keëkedooyaung, Anandung owh Tabaningad mahnoo tahezhewabud.

OODEZHECHEGAWINEWAH 22:14

Oo‐oo dush keëkedoo, Wakesha‐Muhnedoomegood enewh kooseminahbuneen kegewahwanahbuhmik, chekekanduhmun oodenanduhmoowin, kuhya chewahbuhmud owh Qunhyukwahdezid, kuhya chenoonduhmoowud anwamahgudenig oodoon.

ROMANUN 12:2

Kagoo ween azhewabuk oomah uhkeeng nahsaub ezhewabezekagoon: quak‐ezhewabezeyook, ewh aunjesing kedenanduhmoowinewaun, chepuggukkanduhmag ewh oodenanduhmoowin owh Kesha‐Muhnedoo ewh wanisheshing, kuhya manwandahgwuk kuhya quayukwandahgwuk.

EPHESIANUN 6:6

Kahween emuh ooshkinzhegoo‐buhmeetahgawining, debishkoo egewh manwanduhmeähjig enewh enenewun, debishkoo atuh egewh bameetahwahjig enewh Christun, dooduhmag oodenanduhmoowin Kesha‐Muhnedoo emuh oonje kedaëwaung;

COLOSSIANUN 1:13

Owh kahpuggedenenung kedebandahgoozeyungoobun emuh azhemushkahwezemahguk ewh puhsuhgish‐tebekud, kuhya kahezheäunjeënung emuh oodoogemahwewinening enewh suhyahgeähjin Oogwissun:

COLOSSIANUN 1:9

Me suh oo‐oo oonje kuhya nenuhwind, uhpe ewh kezheguk kahnoonduhmaung nahnauzh egoo noongoom, kahween nepoonetahsemin ahnuhmeätuhmahgooyag kuhya nuhduhwanduhmaung chemooshkenashkahgooyag ewh kekandahsoowin azhekekanjegahdag oodenanduhmoowin emuh kuhkenuh nebwahkahwining kuhya oojechaugoowine nesittootuhmoowining;

THESSALONIANUN 4:3

Me muh azhenunduhwanemenag Kesha‐Muhnedoo chemenoo‐ezhewabezeëgooyag, chemekinduhsewag pezhigwahdezewin:

THESSALONIANUN 5:18

Ahnooj gagoo oonje‐mahmooyahwayook; me muh azhenunduhwanemenag Kesha‐Muhnedoo emuh Christ Jesusing.

HEBREWUN 1:14

Kah nah ween kuhkenuh oogoo bameetahgajig oojechaugoomaug ahwesewug, ezhenahzhahoondwah chebuhmeetahwahwaud enewh kadebanduhmenejin kahgega‐bemajjeëwawin?

HEBREWUN 10:36

Kenunduhwandahgoozim gooshah shuhsheebanduhmoowin cheähyahmag, uhpe dush kedooduhmag ewh oodenanduhmoowin Kesha‐Muhnedoo, cheoödahpenuhmag ewh kahwahweenduhmahgooyagoobun.

HEBREWUN 10:7

Me dush oo‐oo keëkedooyaun, Benuh, nepeöonje‐tuhgwishin (emuh keche‐muzzeneëguning oozhebeëgahda duhzhemegooyaun) cheëzhechegayaun ewh ananduhmun O Kesha‐Muhnedoo.

HEBREWUN 13:21

Keche‐menoo‐ezhewabezeënag emuh kuhkenuh menoo‐ahnookewining cheähnookeetuhmag ween oodenanduhmoowin, kuhya cheöozhetoomoonag emuh keyowewaung ewh manwandahgwuk emuh ooshkinzhegoong, oonje Jesus Christ; owh kapezhegandahgoozid kahgenig kuhya kahgenig. Amen.

I. PETER 2:15

(Me muh uhyenanemenag Kesha‐Muhnedoo ewh menoo‐ezhewabezeyag chepezauneägwah egewh kakebahdezejig enenewug kuhnuhga gagoo kakanduhsegoog)

I. PETER 4:2

Kayahbe dush cheëzhebemahdezesig emuh mujje‐ezhewabezewining menik kabemahdezegwan, nahsaub azheahyahnig oomujje‐nunduhwanduhmoowinewaun enenewug, nahsaub atuh azheähyahnig oodenanduhmoowin Kesha‐Muhnedoo.

REVELATION 11:15

Kuhya akoo neeshwahchewaud angen kepootahjega, kuhya keähyahmahgudoon keche‐inwawinun ewede kezhegoong, oo‐oo keëkedoomahguk; Zhuhyegwah owh Tabanemenung kuhya ooChristemun oodebandahnahwah oomah uhkeeng duhzhe oogemahwewinun; kahgenig dush tahoogemahkundahga.

REVELATION 12:10

Ningenoondaun dush ewh keche‐inwawin keche‐kezhegoong oo‐oo akedoomahguk, Ahzhuh ketuhgwishenoomahgud bemahjeëgoozewin, kuhya mushkahwezewin, kuhya Kekesha‐Muhnedoomenaun oodoogemahwin, kuhya oomushkahwezewinene Oo‐Christemun; Owh mahween buhyahtahmaud enewh kejekewaënahnin neesewabenegahzoo, owh kahbahtahmaud enewh anahsuhmid Kesha‐Muhnedoo kahzhegudenegin kuhya tabekudenegin.

REVELATION 19:6

Ningenoondaun debishkoo oodinwawinewah nebewah mahyahwunjeëdejig, kuhya azhemuhtwajewung nebewah neebeen, kuhya anwawaud keche‐ahnemikeeg, oo‐oo keëkedoomahguk, Alleluia; oogemahwe muh owh Tabaningad, Kesha‐Muhnedoo Mahyahmahwe‐mushkahwezid.

REVELATION 20:4

Ningewahbundaunun dush enewh oogemah‐wuhbewinun, kuhya ningewahbuhmaug namuhduhbejig emuh, tebahkoonegawin dush kemeenahwug: ningewahbuhmaug dush oojechaugoowaun egewh kahkishkequaöondjig oonje oodebahjemoowin Jesus, kuhya oonje oodekedoowin Kesha‐Muhnedoo, kahoojecheengwunetahwahsegoog enewh ahwaseeün, kuhya enewh oomuzzenenememe, kuhya kahkekenoowahjechegahzoosegoog ookekenoowahjechegunene emuh ookuttikoowaung gamuh emuh ooneenjewaung; oogeweeje-bemahdezemahwaun kuhya oogeweej‐oogemahwemahwaun Christun metauswauk kekenoonoowinun.