St Matthew 6:1 - Ottawa New Testament Penteteuch and Psalms 1874

¹ Aungwahmezeyook chezhechegasewag enewh kemenoo‐ezhechegawinewah enahsuhmeähyahwaud enenewug, ewh chewahbuhmenagwah, keshpin oo‐oo azhechegayag kahween kegahshahwanemegoosewah owh Koosewah keche‐kezhegoong ayaud.

St Matthew 6:1 Iomraidhean Croise

PSALMS 112:9

Kesuhswawabenega, oogemeenaun enewh katemahgezenejin: kahgenig duhgoomahgudene ooquuhyukwahdezewin; oodashkun tahoombenegahdane oonje kechetwahwandahgoozewin.

St Matthew 16:27

Tahpeëzhah suh owh Enene oogwissun emuh oopezhegandahgoozewinening oosun chepeweejewegood dush oodangenemun; medush uhpe kameenaud kuhkenuh enewh bamahdezenejin debishkoo anandahgwudenig oodahnookewinene.

St Matthew 16:6

Jesus dush oo‐oo oogeënaun, Benuh mewetooyook oodoombesechegunewah egewh Phariseeg kuhya egewh Sadduceeg.

St Matthew 23:13

Kekuhgwahnesuggezeem kenuhwah, oozhebeëga‐wenenewedoog kuhya Phariseewedoog, anuhmeäkahzooyag! kekebahquahahmahwahwaug muh egewh enenewug ewh keche‐kezhegoong duhzhe oogemahwewin; kah muh kepeendegaseem kenuhwah, kah dush kepuggedenuhmah-wahsewaug egewh wahpeendegajig chepeendegawaud.

St Matthew 23:5

Chewahbuhmegoowaud enewh enenewun wanje-enuhnookeewaud kuhkenuh oodahnookewinewaun; oomechewessetoonahwah oophylacterymewaun, kuhya oomechahwesetoonahwah ewh azhetuhtebegwahdanig enewh oopuhpensekahwahgunewaun,

St Matthew 25:40

Owh dush keche‐oogemah oogahnuhquatuhwaun oo‐oo cheënaud, Kagate kedenenim, ewh menik oo‐oo kahdoodahwag kuhnuhga pazhik kache‐noondaush‐ahpetandahgoozid nejekewa neen suh kegedoodahwim.

St Matthew 5:16

Mahnoo suh ewh kewahsayahzewenewah tahezhewahsayahmahgud enahsuhme‐ahyahwaud egewh enenewug, chewahbunduhmoowaud enewh kemenoo‐ezhechegawenewaun, chepeshegandahgooähwaud dush Koosewah kechekezhegoong ayaud.

St Matthew 5:46

Keshpin muh sahgeägwah egewh suhyahgeënenagoog, wagoonan kaöondezeyag; kahnuh‐ween nahsaub ezhechegasewug egewh mahwunjechega‐wenenewug?

St Matthew 5:48

Wahweengazeyook azhewahweengazid owh Koosewah keche‐kezhegoong ayaud.

St Matthew 6:16

Uhpe dush pakuddaëdezooyagoon, kagoo ween nuhneenuhweengwaëdezookagoon, azhechegawaud egewh anuhmeäkahzoojig: mahnahjengwaëdezoowug muh, pukkuhdaëdezoongin cheëzhenahgoozewaud emuh anahsuhmuhbenid enenewun: Kagate kedenenim, Ahzhe ketakezhekahwahwug.

St Matthew 6:9

Oo‐oo suh goo ezheähnuhmeähyook kenuhwah; Wayoosemegooyun keche‐kezhegoong ayahyun; Tahkecheähpeetandahgwud kedezhenekahzoowin.

ST. MARK 8:15

Oogeäungwahmemaun dush, oo‐oo keëkedood, Aungwahmezeyook, chemeewetooyag ewh oodoombesechegunewaun egewh Phariseeg, kuhya oodoombesechegun owh Herod.

ST. LUKE 11:35

Nahnahgahdahwanindezoon koonemah ewh wahsayahzewin ayahmun puhsuhgishkahmahgud.

ST. LUKE 12:1

Magwah dush oo‐oo keëzhewabudenig, kahpemahwunjeëdenid quatahmegweenoonejin ahneshenahban, ewh apeech kesinsekoodahdewaud ketuhtuhkookahnedewug, netum oogemahje‐guhnoonaun enewh ookekenooähmahgunun, oo‐oo keënaud, Mewetooyook oodoombejeshke-wugesecheguuewaun egewh Phariseeg, me ewh ahnuhmeäkahzoowin.

ST. LUKE 12:15

Oo‐oo dush oogeenaun, Aungwahmezeyook, kuhya mewetooyook owh shoobeëgoowin; Kah muh bahtuhenudenig ahweyah enene ootebenuhwawezewinun tahoonjebemahdezese.

ST. LUKE 16:15

Oo‐oo dush oogeënaun, Kenuhwah kedahwim egewh manoo‐ezhewabezekahzoojig enahsuhmuhbewaud egewh enenewug; Kesha‐Muhnedoo dush ween ookekandaunun kedaëwaun: ewh mahween kache‐ishpandahgwuk emuh ahyahwaud enenewug, kuhgwahnesuhgandahgwud enahsuhmuhbid owh Kesha‐Muhnedoo.

ST. JOHN 12:43

Ahwahshema muh oogesahgetoonahwah ewh enene oowahwezhanduhmoowin dush ween ewh Kesha‐Muhnedoo oowahwezhanduhmoowin.

ST. JOHN 5:44

Ahneen dush kaëzhedabwayanduhmag ewh kenuhwah, mamashquaud wandenuhmahdeyag ewh peshegandahgoozewin, kah dush kenundahwanduhsenahwah ewh peshegandahgoozewin puhyazhegood Kesha‐Muhnedoong wanjebahmahguk?

OODEZHECHEGAWINEWAH 3:12

Uhpe dush owh Peter kahwahbundung, oogenuhquatuhwaun enewh ahnishenahban, Israel duhzhe enenewedoog, ahneeshwin mahmahkahdanduhmag oo‐oo? ahneeshwin oo‐oo azheguhnuhwahbuhmeyaung, debishkoo nenuhwind tebenuhwa nemushkahwezewinenaung gamuh penahdezewinenaung kahoonjeëzheüngid wah‐owh enene chebemoosad?

GALATIANUN 6:12

Kuhkenuh menik nanduhwandungig menoo‐ezhewabezing cheëzhenahgoozewaud emuh weyausemaung, ketwa kekuhgaunzoomegoowaug chekekenoowahje‐kishkezhegahzooyag, me atuh cheöonje‐kooduggeähsewindwah oonje ewh oodahzhedayahtikoom owh Christ.

DEUTERONOMY 24:13

Ahbedik kegahpuhgedenuhmuhwah menuhwah ewh uhpuhzenuhegun uhpe pungeshemood owh keezis, chenebaud dush nah ween tebenuhwa ooduhgwewining, cheshahwanemik dush: quuhyukezhewabeze kegahenanmegoo dush emuh anahsuhmeed Jehovah keKesha‐Muhnedoom.

HEBREWUN 11:26

Ahwahshema kekechetwahwandung ewh cheneshebahpenuhduhwind oonje enewh Christun dush ween enewh tebenuhwawezewinun emuh Egypting anduhgoogin: oogenunduhwandaun gooshah ewh shahwandahgoozewine‐tebahahmahgoowin

HEBREWUN 2:1

Benuh dush, kenundahwandahgoozemin ahwahshema chekeche‐bezinduhmung enewh uhyeëen kahnoonduhmungin; koonemah ningooding kedahgewuhnandahnaunin.

HEBREWUN 6:10

Kah suh ween mujje‐ezhewabezese Kesha‐Muhnedoo chewuhnandungebun kedahnookewinewah kahahnookeeyag oonje ewh sahgeäg, kahwahbunduhewayag oonje ewh oodezhenekahzoowin, keweedookahwagwah egewh anuhmeähjig kayahbe dush weedookahwagwah.

II. JOHN 1:8

Ahyaungwahmezeyook chewuhnetoosewung enewh uhyeëen kahkushketooyungoobuneen, kuhkenuh dush tebahahmahgoowin chetameenegooyung.