St Matthew 5:48 - Ottawa New Testament Penteteuch and Psalms 1874

⁴⁸ Wahweengazeyook azhewahweengazid owh Koosewah keche‐kezhegoong ayaud.

St Matthew 5:48 Iomraidhean Croise

GENESIS 17:1

Uhpe dush Abram kahshaungusse‐meduhnuh dussoo‐pepoon‐uhgezid ahshe shaungusswe, oogewahbuhmaun Jehovahun, oo‐oo dush keëgood, Neen nindow owh mahyahmahwe‐mushkahwezid Kesha‐Muhnedoo; bemoosan anahsuhmeyaun, kuhya quuhyuk ezhewabezin.

PSALMS 37:37

Nahnahguhduhwahbum quuhyuk azhewabezid, kuhya guhnuhwahbum owh manoo‐ezhewabezid: emuh pezaunezewining tahezhemahjah owh enene.

LEVITICUS 11:44

Neen mah Jehovah Kekesha‐Muhnedoomewah nindow: kegahpeeneëdezoom suh, kegahpeenezeem dush; nepeeniz mah kahween kegahweenetoosenahwah keyowewaun cheäumwagoobun ahweyah pamoodad oomuh uhkeeng.

LEVITICUS 19:2

Kuhnoozh kuhkenuh Israel oonejahnesun mahyahwunjeëdenejin, oo‐oo dush kegahenaug, Kegahpeenezeem: neen mah Jehovah ke‐Kesha‐Muhnedoomewah nepeeniz.

LEVITICUS 20:26

Keenuhwah dush ween kegahpeenezeem chebuhmeetuhweyag: neen mah Jehovah nepeeniz, kuhya kegepukka‐kahbuhweënim oonje ahyahwaud mayuggezejig ahnishenahbag, chedebaneminuhgoog.

St Matthew 5:16

Mahnoo suh ewh kewahsayahzewenewah tahezhewahsayahmahgud enahsuhme‐ahyahwaud egewh enenewug, chewahbunduhmoowaud enewh kemenoo‐ezhechegawenewaun, chepeshegandahgooähwaud dush Koosewah kechekezhegoong ayaud.

St Matthew 5:45

Me dush nuh cheöogwissemenag owh Koosewah keche‐kezhegoong ayaud; oodezheäun muh enewh ookezisoomun chemookesanid emuh ahyahnid enewh maje‐ezhewabezenejin kuhya enewh manoo‐ezhewabezenejin, kuhya ookemeewunetuhmahwaun enewh quuhyuk‐azhewabezenejin kuhya quuhyuk‐azhewabezesenegoon.

St Matthew 5:47

Keshpin dush kuhya atuh ahnahmekahwagwah egewh kejekewaëwaug, wagoonan kenuhwah ahwahshema azhechegayag? kahnuh ween nahsaub ezhechegasewug egewh mahwunjechega‐wenenewug?

ST. LUKE 6:36

Netuh‐shahwanjegag suh dush kenuhwah, nahsaub owh Koosewah kuhya ween azhe‐netuh‐shahwanjegad.

ST. LUKE 6:40

Owh kekenooähmahgun kahween ahwahshema apeetandahgoozese dush ween enewh kakenooähmahgoojin: kuhkenuh dush kache‐nebwahkahjig tahahpeetandahgoozewug apeetandakgoozenid enewh kakenooahmahgoowahjin.

II. CORINTHIANUN 13:11

Ishquauj, wejekewaëmahdoog, menoo‐duhnuhkeyook. Ahpeche menoo‐bemahdezeyook, menoo‐daäyook, mahmahwe nahsaub enanduhmoog, pezaun‐bemahdezeyook; owh dush Kesha‐Muhnedoo wazhetood ewh sahgeëwawin kuhya pezaunewawin kegahweejewegoowah.

II. CORINTHIANUN 13:9

Neminwandahmin suh uhpe suhyahgweweyaungoon, kenuhwah dush mashkahwezeyag: oo‐oo dush nenundahwandahmin cheähpeche‐menoo‐ezhewabezeyag.

II. CORINTHIANUN 7:1

Ahyahmung dush oonoo wahweendahmahgawinun, kache sahgeënenuhgoog, umba peneëdezoodah oonje kuhkenuh weenezewin emuh weyahsemaung kuhya emuh oojechaugoomaung, kezheetooyaung ewh menoo‐ezhewabezewin oonje koosung owh Kesha‐Muhnedoo.

EPHESIANUN 3:1

Mesuh oo‐oo, neen Paul kabahquahegahzooyaun oonje Jesus Christ, oonje kenuhwah mayuggezeyag.

DEUTERONOMY 18:13

Kegahpenahdiz emah anahsuhmeed Jehovah keKesha‐Muhnedoom.

DEUTERONOMY 27:10

Kegahnuhetaun suh dush ewh oodinwawin Jehovah keKesha‐Muhnedoom, kuhya kegahezhechega enewh ookuhgequawinun kuhya oodenahkoonegawinun, noongoom kezhiguk azhekuhgaunzoomenaun.

COLOSSIANUN 1:28

Me suh owh pabahdebahjemungid, kezhah guhnoonungidwah kuhya kekenooähmahwungidwah kuhkenuh enenewug ahnooj gagoo nebwahkahwin; cheöonje‐ezheüngidwah kuhkenuh egewh enenewug ahpeche‐quuhyuk‐azhewabezewaud emuh Christ Jesusing:

COLOSSIANUN 4:12

Epaphras kejekewaëwah, wabuhmeetahgunemegood enewh Christun kedahnemikaugoowah, anegook anuhmeätuhmoonag chenebahweyag, quuhyukwandahgoozeyag kuhya guhnuhwanduhmag oodenanduhmoowin Kesha‐Muhnedoo.

JAMES 1:4

Mahnoo ewh shuhshebanduhmoowin tahwahweengazemahgud cheöonje‐wahweengazeyag kuhya chetaminwandahgoozeyag, kuhnuhga gagoo noondasasewag.

I. JOHN 3:3

Auduhshid ayaung maunduh ahpanemoowin, peeneëdezoo debishkoo ween azhepeenezid.