St Matthew 5:39 - Ottawa New Testament Penteteuch and Psalms 1874

³⁹ Neen dush ween kedenenim, Kagoo nahnahkoonunkagoon ewh mujje‐uhyeëewesh, ahwagwan suh kapuhkedaoonoogwan emuh kekechenoowaung, quakenuhmowh ewh ahzhahwuhyeëe.

St Matthew 5:39 Iomraidhean Croise

LEVITICUS 19:18

¶ Kahween kegahahzhittahwahewase, kah kuhya kegahsheenganemahseeg keejahnishenahbag, kegahezhesahgeäh keejduhnuhkeewamahgun debishkoo azhesahgeëdezooyun: Neen nindow Jehovah.

St Matthew 5:40

Keshpin dush ahweyah weëzhewenik emuh tebahkoonegawining chemuhkuhmik ewh kebuhpesekahwahgun, meezh suh kuhya kekechepesekahwahgun.

ST. LUKE 22:64

Uhpe dush kahkuhkepeengwabenahwaud, oogepuhquahkooneenjetahwahwaun emuh oodangwyening, oo‐oo dush kekuhgwajemahwaud, Aunwahjegan, ahwanan kahpuhkettaöok?

ST. LUKE 6:7

Egewh dush oozhebeëga‐wenenewug kuhya egewh Phariseeg oogeähkahwahbuhmahwaun, kishpin wenoojemooahnegwan aunwabe‐kezhegudenig; chemekuhmoowaud gagoo kaoonje‐ahnahmemahwaud.

ST. JOHN 18:23

Jesus dush oogenuhquatuhwaun, Kishpin kahmujje‐kekedoowaunan, debahdoodun ewh mujje‐uhyeweesh: kishpin dush quuhyuk kahkekedoowaunan, ahneeshwin puhked-daöoyun?

I. CORINTHIANUN 6:7

Kagate suh kemujje‐doodahdim, tebahkoonedeyag mamashquaud. Ahneeshwin mahnoo ananduhsewag maje‐doodahgooyagoon? ahneeshwin mahnoo enanduhsewag wuhyazhemegooyagoon?

THESSALONIANUN 5:15

Ahyaungwahmezeyook ahweyah cheähzhittah‐mujje-doodahwahsig ahweyah enenewun; moonzhug noopenuhduhmook ewh wanesheshing, mamashquaud kadoodahdeyag kuhya kadoodahwagwah kuhkenuh enenewug.

HEBREWUN 12:4

Kahween muhshe kegeöonjegahtuhmahgooseem kemisqueemewah, megahduhmag ewh mujje‐ezhewabezewin.

JAMES 5:6

Kegemujje‐debahkoonahwah kuhya kegenesahwah owh manoo‐ezhewabezid; kah dush ningood kedoodahgoosewah.

I. PETER 3:9

Kagoo nahnahquekagoon uhpe maje‐doodahgooyagoon, kagoo kuhya ahzhittuh‐mujje‐guhnoonahkagoon egewh maje‐guhoonenagoog: nahwuj tahoonesheshin cheähnuhmeätuhmahwagwah: kekanduhmag oo‐oo keöonje‐nundoo-megooyag, cheähyahmag shahwandahgoozewin.