St Matthew 5:3 - Ottawa New Testament Penteteuch and Psalms 1874

³ Shahwandahgoozewug egewh katemahganemoojig, me muh egewh waduhyeemejig ewh keche‐kezhegoong duhzhe oogemahwewin.

St Matthew 5:3 Iomraidhean Croise

PSALMS 1:1

Kagate keche‐shahwandahgooze wah‐owh enene bamoosasig emuh ookuhgaundwawinewaung egewh maje‐ezhewabezejig, kuhya nahbahwesig emuh oomeekunahwaung egewh maje‐ezhechegajig; kuhya namuhduhbesig emuh oodahpuhbewinewaung egewh buhyahpenuhdungig ahnuhmeähwin.

PSALMS 112:1

Hallelujah! Shahwandahgooze enene quasaud Jehovahun: kache‐minwandung ookuhgequawinun.

PSALMS 128:1

Shahwandahgoozewug suh kuhkenuh egewh quasahjig enewh Jehovahun: kuhya bamoosajig emuh oodezhewabezewining.

PSALMS 146:5

Shahwandahgooze suh owh wahdookahgood enewh Jacob ooKesha‐Muhnedoomun: owh apanemaud enewh Jehovahun ooKesha‐Muhnedoomun.

PSALMS 2:12

Umba oojeemik owh Wagwissemind, koonemah tahgenishkahdeze, kenuhwah dush kedahgebahnahdezeem oonje meekunaung: wuhyebah mah tahpiskunane oonishkahdezewin; shahwandahgoozewug kuhkenuh egewh apanemahjig enewh.

PSALMS 34:18

Jehovah pashoo ahyah anduhzhe‐ahyahwaud ahyaunwanindezoojig: kuhya oobemahjeäun enewh agahsanemoonejin.

PSALMS 41:1

Shahwandahgooze suh owh nuhyahgahdahwanemaud enewh katemahgezenejin: oogahbemahjeëgoon Jehovahun uhpe ahyahnemezejin.

PSALMS 51:17

Oosahsahgewejegawinun owh Kesha‐Muhnedoo me ewh kesahdanduhming: ketemahgedaäwin kuhya kesahdanduhmoowin, O Kesha Muhnedoo, kahween kegahnishkahbundunseenun.

PSALMS 84:12

Jehovah dabanemudwah egewh waqueenoojig: shahwandahgooze owh enene apanemik.

St Matthew 11:25

Jesus dush ewh uhpe kenuhquatum, oo‐oo dush keëkedoo, Kemahmooyahwahmin, oh Noosa! Tabanduhmun ewh kezhik kuhya ewh uhkee, kekahdahmoowudwah oonoo uhyeëen egewh nabwahkahjig, kekekanduhmoonudwah dush egewh ooshke‐ahbenoojeyug.

St Matthew 11:6

Shawandahgooze dush owh, kaoösettahwanemesigwan.

St Matthew 13:16

Shahwandahgwudoon suh kenuhwah keshkinzhegoowaun, ewh enahbemahguk, kuhya ketahwuggahwaun ewh noonduhmoomahguk.

St Matthew 19:14

Oo‐oo dush keëkedood owh Jesus, Mahnoo ningahpenaunzekahgoog egewh agahsheëjig ahbenoojeüg, kagoo oonjeähkagoon, me muh oogoo denoowug emuh keche‐kezhegoong duhzhe oogemahwewining ayahjig.

St Matthew 24:46

Shahwandahgooze suh owh buhmeetahgun, uhpe petuhgwishing oodoogemahmun kamekahgood ewh cheëzhechegad.

St Matthew 25:34

Medush uhpe owh keche‐oogemah kaënaud enewh ookechenikaung ayahnejin, Oondahshahyook kenuhwah shawanemenag owh Noos, oodahpenahmook ewh oogemahwewin kahwahwazhetahmahgooyag, uhpe mahyahje‐oozhetoong oo‐oo uhkee.

St Matthew 3:2

Akedood, Aunwanindezooyook, zhuhyegwah muh keche‐keezhegoong oonje oogemahwewin pashoo peähyahmahgud.

St Matthew 8:11

Kedenenim suh dush, nebewah wahbunoong kuhya apungeshemook tahoonjebahwug, oogahweeduhbemahwaun dush enewh Abrahamun kuhya Isaacun kuhya Jacobun emuh Keche‐kezhegoong duhzhe oogemahwewining.

ST. MARK 10:14

Uhpe dush owh Jesus wuhyahbuhmaud, kewuhsittahwandum, oo‐oo dush keënaud, Puhgedenuhmahwik egewh ahbenoojeüg chepenaunzekahwewaud, kagoo dush kenahahmahwahkagoon; me muh oogoo denoowug debandahgoozejig emuh oodoogemahwewining owh Kesha‐Muhnedoo.

ST. LUKE 11:28

Oo‐oo dush keëkedoo, Kagate ahwahshema shahwandahgoozewug egewh nwaundungig Kesha‐Muhnedoo oodekedoowin, kuhya ganuhwandungig.

ST. LUKE 18:14

Kedenenim, wah‐owh enene anekewad keminwandahgooze, kah dush ween owh bakahnezid: kuhkenuh ashpanindezoojig tahtahbussandahgooähwug, owh dush katah-bussanindezood tahishpandahgooäh.

ST. LUKE 22:29

Kepuggedenuhmoonenim dush ewh oogemahwewin, debishkoo owh Noos azhepuggedenuhmoowid;

ST. LUKE 22:30

Cheweseneyag kuhya chemenequayag emuh ninduhdoopoowining ewede nindoogemahwewining, kuhya chenuhmuhduhbeyag emuh oogemah‐wuhbewining tebahkoonagwah egewh metahswe‐ahshe‐neezh puhkaun azheweenzoojig Israelitug.

ST. LUKE 4:18

Nekekishkahwah Jehovah Ookeche‐Oojechaugwun, ningenuhmuhkoonik muh chedebahjemootahwugwah egewh katemahgezejig ewh minwahjemoowin; ningepeähnoonik chenoojemooügwah egewh magooshkahjedaäjig, chedebahjemootuhwugwah egewh kabahquahegahzoojig ewh chepuggedenindwah, kuhya egewh kakepeengwajig chewahbeïndwah, chepuggedenindwah egewh banahsekahwindjig,

ST. JOHN 20:29

Jesus dush oo‐oo oodenaun, Thomas, kewahbuhmeyun, kedoonjedabwayandum: shahwandahgoozewug egewh kahwahbunjegasigoog, dabwayanduhmoowaud dush ween goo.

DEUTERONOMY 8:2

Kegahmequandaun kuhya kuhkenuh ewh meekun emuh kahbeëzhewenik Jehovah ke‐Kesha‐Muhnedoom emuh buhgwuhduhkummig nemeduhnuh dussoopepoon, weduhbusseïk, kuhya wekuhgwakekanemik, wekekandung ewh atag kedaïng, chewekuhnuhwanduhmoowunan ookuhgequawinun, gamah kuhya kah.

JAMES 1:10

Owh dush kachetwahwezid enene, oonje kedahbussanemooïnd: debishkoo muh mezhushkoo‐wahwahsuhkoonang tahezheïshquah‐nahgooze

JAMES 1:12

Shahwandahgooze suh owh enene swaungekahbahwid uhpe kagwatebanemindjin: uhpe muh keïshquah-kuhgwatebanemind oogahoodahpenaun bemahdezewine‐oogemah‐wewuhquaun, ewh Tabaningad kahwahweendahmahgad chemeenaud enewh suhyahgeëgoojin.

JAMES 2:5

Bezinduhweshig, suhyahgeënenuhgoog nejekewaëdoog, Kah nuh Kesha‐Muhnedoo oogewuhwanahbuhmahseen enewh katemahgezenejin oomah uhkeeng chekeche-twahwezenid emuh dabwayanduhmoowining, kuhya chedebanduhmenid ewh oogemahwewin kahwahweenduhmoowaud enewh suhyahgeëgoojin?

REVELATION 19:9

Oo‐oo dush ningeïk, Oozhebeün, Shahwandahgoozewug egewh wahkoomindjig emuh oowewekoodahdewine wesenewining owh Mahnishtahnisheens. Oo‐oo dush ningeïk, Mesuh oonoo ekedoowinun duhyabwamahgudenegin oodekedoowinun Kesha‐Muhnedoo.

REVELATION 22:14

Shahwandahgoozewug egewh kasebegenungig oodahgwewinewah cheöonje‐debanemahwaud enewh bemahdezewine metigoon, chepeendegawaud dush emuh kache‐ishquaundamewung keche‐oodanah.

REVELATION 3:17

Oonje oo‐oo ekedooyun, Newahnuhdiz, kuhya ashkum bahtuhyeënudoon netebenuhwawezewinun, kah dush gagoo nemuhnazeseen; kekanduhsewun dush cheähnemezeyun, kuhya ketemahgezeyun, kuhya kuhkepeengwayun, kuhya pingwuhshahgedeyun: