St Matthew 5:22 - Ottawa New Testament Penteteuch and Psalms 1874

²² Neen dush ween kedenenim, Ahwagwan penesekah nashkanemahgwan enewh wejekewaün tahenandahgooze chetebahkoonind: ahwagwan dush kaënahgwan enewh wekahnesun, Raca, tahenandahgooze cheëzhewenind emuh anduhzhe‐kekedoong: ahwagwan dush kaëkedoogwan, Kekuhkebahdiz, tahenanduhgooze cheähpuggenind emuh mujje‐iskootang.

St Matthew 5:22 Iomraidhean Croise

GENESIS 37:4

Uhpe dush wekahnesun kakanduhmenid ewh ween ahwahshema kesahgeëgood oosewaun kuhkenuh dush ween wekahnesun, oogesheenganemahwaun, kah dush oogekushketoosenahwah bakah cheguhnoonahwaud.

GENESIS 37:8

Oo‐oo dush oogeëgoon enewh wekahnesun, Kagate enuh kegahoogemahkundahwememim? gamah kagate enuh kegahdebanememim? Ashkum dush oogesheenganemahwaun oonje oodenahbunduhmoowinun, kuhya oonje oodekedoowinun.

PSALMS 109:3

Oonje kesahgeügwah ningesheenganemegoog: neen edush nindahnuhmeäh.

PSALMS 14:1

Owh kakebahdezid enene keëkedoo emuh oodaïng: Kahween ahweyah Kesha‐Muhnedoo.

PSALMS 25:3

Wahbundaheshin kemeekunun, O Jehovah: kuhya kekenooähmahweshin kemeekaunsun.

PSALMS 35:19

Kahween tahmoojegezesewug egewh penesekah mahgahzhejig oonje mahmauzheëwaud: kah dush tahbahpesewug egewh ahneshah shaunganemejig.

PSALMS 37:8

Wabenun nishkahdezewin kagoo dush minjemandunkan nishkahdezewin: kagoo kushkandunkan koonemah kedahgeweekoojeëgoo chemujje‐ezhechegayun.

PSALMS 49:10

Oowahbuhmaun mah nabwahkahnejin cheneboonid kuhya kakebahdezejig kuhya kakanjegasegoog tahbahnahdezewug kuhya oogahnuhgudduhmoowahwaun ootebenuhwawezewinewaun enewh bakahnezenejin.

PSALMS 69:4

Ahwahshema bahtuhyeïnwug egewh pahneshe-sheenganemejig dush ween nenesesissun, mushkahwezewug egewh wahbahnahjeëjig: wuhyazhingashkejig mahgahzhejig, ewh kahmahmoosewaun nenunduhwanemegoo chetebuhegayaun.

PSALMS 7:4

Kishpin kahmujjedoodahwahwugan wah‐owh kahmenoo‐doodahwid: (kagate ningebemahjeäh peneshe shaunganemid).

PSALMS 92:6

Owh ahwaseeng azhewabezid enene kahween oonahnahgahdahwanduhseen oo‐oo; kah kuhya owh kakebahdezid enene oonesittootunseen.

St Matthew 10:17

Aungwahmezeyook gagoo chedoodoosenagwah egewh enenewug: kegahpuhgedenegoowaug muh emuh anduhzhe-mahmahwe‐tebahkoonegawaud, kuhya kegahpuhzhunzhaöogoowaug emuh oodahnuhmeä‐weguhmegoowaung.

St Matthew 10:28

Kagoo kuhya koosahkagoon egewh natoojig ewh weyowemah, kushketoosegwah chenesahwaud oojechaugoomaun: ahwahshema dush koosik owh kasketood chebahnahjeäud enewh oojechaugoomaun kuhya weyowemaun emuh mujje‐ishkootang.

St Matthew 12:24

Uhpe dush egewh Phariseeg kahnoonduhmoowaud, oo‐oo keëkekoowug, Kahween oosahgejewabenahseen enewh mujje‐muhnedoon, enewh suh ween Beëlzebubun oodoogemahmewaun mujje‐muhnedoog oowedookahgoon.

St Matthew 17:5

Magwah dush kayahbe kekedood, benuh waysayahnuhquud oogeähgahwahtashkahgoonahwah: Benuh dush emuh ahnuhquuhdoong keöonjebahmahgud ewh ahnemetahgoozewin oo‐oo keëkedoomahguk, Mesuh wahowh ningwis kache‐sahgeüg, mesuh manwanemug; bezendahwik suh.

St Matthew 18:21

Medush kepenaunzekahwaud owh Peter, oo‐oo keënaud, Tabaningayun, ahneen duhcheeng maje‐doodahwejin nejekewa kaähbwayanemugebun? nahnauzh nuh goo neezhwahching?

St Matthew 18:35

Mesuh kuhya nahsaub kadoodoonag owh Noos kezhe‐kezhegoong ayaud, kishpin suh emuh kedaëwaung kuhkenuh wabenuhmahwahsewagwah egewh kejekewaëwaug ewh menik kemujje‐doodoonagwah.

St Matthew 23:15

Kekuhgwahnesuggandahgoozeem kenuhwah, oozhebeëga‐wenenewedoog kuhya Pharisewedoog, anuhmeäkahzooyag! kekewetaushkahnahwah muh ewh kechegumme kuhya ewh puhyangwuhkummegaug uhkee chewekoojeäg pazhig kawedookoonag azheahmeähyag, uhpe dush kahkushkeïnd, neezhing ahwahshema kedoozheähwah emuh mujje‐muhnedoonaung chedebandahgoozid ewh dush ween kenuhwah azheähyahyag.

St Matthew 23:33

Kanabegooweyag, mujje‐kenabegoong pahoondahdezeyag, ahneen kaëzheöozhinduhmag ewh mujje‐ishkootawine‐nahneboomegoowin?

St Matthew 25:41

Medush oo‐oo kaënaud emuh oonuhmunjenikaung ayahnejin, Ahwus nuhguhnuhzheshig kenuhwah kagwahnesuggandahgoozeyag, emuh kahgega‐ishkootang, kahwahwazhetahmahwindepun owh mujje‐muhnedoo kuhya enewh oomezhenahwamun.

St Matthew 26:59

Egewh dush keche‐sahsahgewejega‐wenenewug, kuhya egewh katezejig, kuhya egewh mahyahwunjeëdejig, oogenundahwandahnahwah ewh kuhkenuhwishke‐tebahjemoowin cheoonje‐nesahwaud enewh Jesusun;

St Matthew 3:17

Benuh dush keche‐kezhegoong keönzetahgwud ewh enwawin oo‐oo akedoomahguk, Mesuh wah‐owh ahyahwid suhyahgeüg ningwis kahmenoonahwaïd.

St Matthew 5:34

Neen dush ween kedenenim, Kagoo kuhnuhga mushkahwe‐kekedookan chetuhgoo‐weenduhmun ewh keezhik, me suh ewh oodoogemah‐wuhbewin owh Kesha‐Muhnedoo.

St Matthew 5:44

Neen dush ween kedenenim, Sahgeïk egewh shaunganemenagoog kuhya menoo‐guhnoonik egewh maje‐guhnoonagoog; menoo‐doodahwik egewh shaunganemenagoog kuhya ahnuhmeätuhmahwik egewh majeduhzhemenagoog kuhya egewh quatuhgeënagoog.

ST. MARK 14:55

Egewh dush keche‐sahsahguhwewejega‐wenenewug kuhya kuhkenuh egewh kahmahwunje‐enahkoonegajig oogenundahwandahnahwah cheähnahmuhmemind Jesusun cheoonje‐nesahwaud; kah dush oogemekunsenahwah.

ST. MARK 15:1

Kazhetena dush kakezhabahwahguk, egewh keche‐sahsahgewejega‐wenenewug kekahkedoowug keweedookahgoowaud enewh katezenejin kuhya oozhebeëga‐wenenewun kuhya kuhkenuh enewh tebahkoonega‐wenenewun, oogeminjemahpenahwaun dush enewh Jesusun, kuhya kemahjewenahwaud, kuhya keühnepuggedenahmahwahwaud enewh Pilateün.

ST. LUKE 12:5

Kegahweenduhmoonenim suh dush kakoosag: koosik owh kashketood, keneeshewad cheähpuhgezhewad emuh mujje‐ishkootang; kagate, kedenenim, koosik suh wah‐owh.

ST. LUKE 22:66

Uhpe dush wuhyahbunenig, egewh ahnishenahbag ooketezemewaun kuhya egewh keche‐sahsahguhwejega‐wenenewug, kuhya egewh oozhebeëga‐wenenewug kepemahoonjeëdewug kuhya oogeëzhewenahwaun emuh kahduhzhe‐kahkekedoowaud, oo‐oo dush keëkedoowaud,

ST. JOHN 11:47

Egewh dush keche‐sahsahgewejega‐wenenewug kuhya egewh Phariseeg oogemahwunzoomahwaun enewh kuhyahkekedoonejin, oo‐oo dush keëkedoowug, Ahneen azhechegayung? keche nebewah muh wah‐owh enene oodezhecheganun enewh mahmaundahwejegunun.

ST. JOHN 15:25

Oo‐oo suh ezhewabud, ewh ekedoowin chedebishkoosag emuh ootebahkoonegawinewaung wazhebeëgahdag, Ningepeneshe‐sheenganemegoog.

ST. JOHN 7:20

Egewh dush ahnishenahbag oogenuhquatuhwahwaun oo‐oo keënahwaud, Kekekishkahwah suh mujje‐muhnedoo: ahwanan nunduhwandung chenesik?

ST. JOHN 8:48

Egewh dush Jewyug oogenuhquatuhwahwaun oo‐oo keënahwaud, Kah nuh ween quuhyuk nindekedoosemin, keSamaria‐wenenewh, kuhya dush kedahyahwah mujje‐muhnedoo?

OODEZHECHEGAWINEWAH 17:18

Ahnind dush nebwahkah‐wenenewug Epicureänug, kuhya Stoickug, oogeähgoonwatahwahwaun. Ahnind dush keëkedoowug, Ahneen kaëkedood mahbuh kakebahje‐kezhwad? menuhwah dush ahnind, Enootahgooze debishkoo debahjemaud mayuggezenejin muhnedoon, oonje kedebahjemootahwaud Jesusun, kuhya ewh ahbejebahwin.

OODEZHECHEGAWINEWAH 22:30

Wuhyahbung dush, keënandung wawane wekekandung wagoodoogwan kahoonjeähnahmemigoogwan enewh Jewyun, oogeähbahahmahwaun enewh ootuhkoobezoowinene, keëkedoo dush enewh keche‐sahsahgewejega‐wenenewun kuhya enewh ookekedoo‐wenenemewaun chepenahgoozenid, oogepeenaun dush enewh Paulun, keähsaud dush emuh anahsuhmenid.

OODEZHECHEGAWINEWAH 23:1

Paul dush, keühyeenzahbuhmaud enewh kahkekedoo‐wenenewun, oo‐oo keëkedoo, Enenewedoog wejekewaëmahdoog, Ningeëzhebemahdez menik kahezhekekanduhmaun wanesheshing emuh nindenanduhmoowining anuhsuhmuhbid Kesha‐Muhnedoo nahnauzh egoo noongoom kezheguk.

OODEZHECHEGAWINEWAH 24:20

Mahnoo tahtebahjemoowug oogoo oomah nahbahwejig, kishpin kemekahwewahgwan gagoo mujje‐ezhechegayaun nebahweyaunbaun anahsuhmuhbewaud egewh kekedoo‐wenenewug,

OODEZHECHEGAWINEWAH 4:15

Uhpe dush kahenahwaud ningooche cheëzhahnid emuh anduhzhe kahkekedoong, kekeche‐guhnoonedewug.

OODEZHECHEGAWINEWAH 5:21

Uhpe dush kahnoonduhmoowaud ewh, keekezhab kepeendegawug emuh keche‐ahnuhmeä‐weguhmigoong, kuhya kekekenooahmahgawaud. Kepeëzhah dush owh keche‐sahsahgewejega‐wenene, kuhya enewh kahweejewahjin, oogemahwunzoomahwaun enewh wahkekedoonejin, kuhya kuhkenuh ootebahkoonega‐wenenemewaun enewh oonejahnesun owh Israel, keähnookewug dush chenahnemind oonje kebahquahoode‐weguhmigoong.

OODEZHECHEGAWINEWAH 5:27

Uhpe dush kahpeenahwaud, oogeähsahwaun emuh anahsuhmuhbenid enewh kahkekedoonejin: owh dush keche‐sahsahgewejega‐wenene oogekuhgwajemaun,

OODEZHECHEGAWINEWAH 6:12

Oogeoömbahzoomahwaun enewh ahnishenahban, kuhya enewh katezenejin, kuhya enewh oozhebeëga‐wenenewun, kepenaunzekahwahwaud, ketuhkoonahwaud dush, kuhya kepeëzhewenahwaud emuh anduhzhe kahkekedoong,

OODEZHECHEGAWINEWAH 6:15

Kuhkenuh dush egewh namuhduhbejig emuh kahkekedoo‐weguhmigoong, kekeche‐guhnuhwahbuhmahwaud, oogewahbuhmahwaun dush angening cheëzhenahgwudenig oodangwyene.

OODEZHECHEGAWINEWAH 7:37

Me suh wah‐owh Moses, kahenaud enewh oonejahnesun owh Israel, Aunwahjega‐wenenewun suh kegahpuhsegwinduhmahgoowah owh Jehovah ke‐Kesha‐Muhnedoomewah pazhik kejekewaëwah, debishkoo neen; me suh owh kabezinduhwag.

ROMANUN 12:10

Menoo‐sahgeëdeyook debishkoo kaëzhesahgeëdewahpun wawejekewaïndejig; ahwahshema mamashquaud kechetwahwanindik, dush ween kenuhwah ananindezooyag;

I. CORINTHIANUN 6:10

Kuhya kamoodishkejig, kuhya egewh oonzaum nebewah gagoo nanduhwandungig, kuhya kawushquabishkejig, kuhya kakaungajig, kuhya wahyazhingashkejig, kahween oogahahyaunsenahwah oodoogemahwewin owh Kesha‐Muhnedoo.

I. CORINTHIANUN 6:6

Owh suh wejekewaëmah oodezheweenaun enewh wejekewaün emuh tebahkoonegawining anahsuhmuhbenid enewh duhyabwayanduhsenegoon.

DEUTERONOMY 15:11

Kah mah wekah tahishquahuhyahsewug egewh katemahgezejig emuh uhkeeng: me suh dush wanjekuhgaunzoomenaun, oo‐oo enenaun, Kegahtaseninjetuhwah owh kekahnis, egewh keketemahgezemug, emuh keduhkeeming.

DEUTERONOMY 16:18

¶ Tebahkoonega‐wenenewug kuhya tuhkoonewa‐wenenewug kegahoozheäug minze kedoodanaung, enewh mahnik Jehovah keKesha‐Muhnedoom, debe uhyahmuhgukkin kedenoodawezewinun: quuhyuk dush oogahtebahkoonahwaun enewh ahnishenahban.

THESSALONIANUN 4:6

Ahweyah emuh oo‐oo uhyeëeng chemujje‐doodahwahsig kuhya chewahyazhemahsig enewh wejekewaün: ween muh Kesha‐Muhnedoo ahzhittah kooduggeëwa oonoo uhyeëen oonje, debishkoo kezhah kahezhewahweendahmahgooyag kuhya kahezhedebahjemootahgooyag.

ENEWH TITUSUN 3:2

Chemujje‐duhzhemahsigwah ahweyah, chenetuh‐megahzoosigwah, chebakahdezewaud atuh, wahbundahahwaud kuhkenuh enenewun ewh bakahdezewin.

HEBREWUN 12:25

Ahyaungwahmezik cheähgoonwatahwahsewag owh kahkedood. Kishpin mahween ahbetakummig kekooduggeïndwah egewh kahahgoonwatahwahjig enewh kahkekedoonejin oomah uhkeeng, ahwahshema kegahoonje‐kooduggeëgoomin kishpin bezinduhwahsewung owh keche‐kezhegoong wanje‐kekedood.

HEBREWUN 5:9

Ewh dush kahkeche‐pezhegandahgoozid, keähwe owh wanje‐bemahjememind kuhkenuh enewh duhyabwatahgoojin chekahgega‐bemahdezenid.

JAMES 2:20

Kegahwekekandaun nuh kakebahdezeyun enene, ewh neboomahguk dabwayanduhmoowin ahyahsenook ahnookeewinun.

JAMES 3:6

Ishkoodang enandahgwud ewh oodanewemah, uhkeeng mesuh anegookwaug ewh mujjeëzhewabezewin wanjeemahguk emuh oodanenewhemaung: mesuh azhewabuk ewh oodanuhnewhemah emuh keyowenauning, oonje‐weenud ewh weyowemah kuhya oonje suhketag kuhkenuh ahnooj gagoo kahoozhechegahdag; kuhya ween oonje suhketamahgud emuh mujje‐ishkoodang.

I. PETER 2:23

Owh uhpe maje‐guhnoonind, kahween kemujje‐guhnoozhewase; uhpe quaduggeïnd kahween keneeshkahje-keezhwase: kepuggedenedezoo dush ween emuh ooneenjeeng owh quuhyuk tabahkoonewad:

I. PETER 3:9

Kagoo nahnahquekagoon uhpe maje‐doodahgooyagoon, kagoo kuhya ahzhittuh‐mujje‐guhnoonahkagoon egewh maje‐guhoonenagoog: nahwuj tahoonesheshin cheähnuhmeätuhmahwagwah: kekanduhmag oo‐oo keöonje‐nundoo-megooyag, cheähyahmag shahwandahgoozewin.

I. JOHN 2:9

Owh dush akedood, Wahsayahzewining nindahyah, kishpin sheenganemaud enewh wejekewaün, kayahbe emuh magwa kushke‐tebekuk ahyah.

I. JOHN 3:10

Mesuh wanje‐kekandahgoozewaud egewh wanejahnesemegoojig enewh Kesha‐Muhnedoon, kuhya egewh wanejahnesemegoojig enewh Mujje‐Muhnedoon; ahwagwan quuhyuk‐azhewabezesegwan kahween oodoonejahnesemegooseen enewh Kesha‐Muhnedoon, kuhya owh suhyahgeähsig enewh wejekewaün.

I. JOHN 5:16

Kishpin ahweyah wahbuhmaud enewh wejekewaün ezhecheganid gagoo mujje‐ezhechegawin naboowandahgwussenoog, tahguhnooduhmahga, tahpuggedenuhmah wah dush ween chebemahdezid owh maje‐ezhechegad ewh naboowandahgwussenook mujje‐ezhewabezewin. Ahyahmahgud ewh naboowandahgwuk mujje‐ezhechegawin: kahween nindekedoose cheähnuhmeätuhming ewh.

JUDE 1:9

Pooch owh Michael nahgahnezid‐angen uhpe ahyahgoonwatuhwaud enewh Mujje‐Muhnedoon keduhzhindung ewh weyow owh Moses, kahween kekushketoose chemujje‐guhnoonaud, oo‐oo atuh keëkedood, Kegahnuhnebekemik Tabaningad.

REVELATION 20:14

Neboowin dush kuhya ahnahmuhkummig keähpuggechegahdanoon emuh ishkoota sahguheguning. Mesuh neezhing neboong.