St Matthew 5:18 - Ottawa New Testament Penteteuch and Psalms 1874

¹⁸ Kagate suh kedenenim, peenish egoo kemahjahmahguk ewh kezhik kuhya ewh uhkee, kahween kuhnuhga pazhik I gamuh pazhik chuhgebeëgunans tahmahjahmahgussenoon tebahkoonegawining oonje chepwah kuhkenuh ketebishkoosag.

St Matthew 5:18 Iomraidhean Croise

PSALMS 102:26

Tahbuhnahdudoon oonoo, keen dush ween uhpena kedahyah; debishkoo suh ahgwewining tahezhekata‐uhyeëewunoon.

PSALMS 111:8

Minjemoosinenewun kahgenig kuhya kahgenig: emuh dabwawining kuhya quuhyukwahdezewining keënuhnookeem.

PSALMS 119:152

Kuhyet ningekekandaun oonje kedekedoowining: keminjemoosittooyun uhpena kahgenig.

St Matthew 10:15

Kagate kedenenim, nahwuj puhbanug tahdoodahchegahda ewh Sodom kuhya Gomorrah duhzhe uhkee uhpe tebahkoonewa‐kezheguk, ewh dush ween oodanah.

St Matthew 10:23

Uhpe dush noosoonooënagwah emuh pazhik oodanaung, pakahnuk ezhenezhemooyook; kagate muh kedenenim, Kahween kegahtachahgeshkunsenahwah enewh Israel duhzhe oodanahwun, chepwah tuhgweshing owh Enene oogwissun.

St Matthew 10:42

Ahwagwan dush ningoo‐menequahjegauns tuhkegumme kameenahahgwan pazhik oonoo agahsheënejin emuh oodezhenekahzoowining owh kekenooahmahgun, kagate kedenenim, kah bahbahpish oogahwuhnetooseen ewh ootebahahmahgoowin.

St Matthew 11:11

Kagate kedenenim, Anduhchewaud egewh equawun kahoonjenegejig kahween ahweyah ketuhgwishinse ahwahshema apetandahgoozid apetandahgoozid owh John Baptizewa‐wenene: owh dush ween kache noondaush ahpetandahgoozid emuh keche‐kezhegoong oonje oogemahwewining ahwahshema ahpetandahgooze dush ween wah‐owh John.

St Matthew 13:17

Kagate gooshah kedenenim, Nebewah aunwahjega‐wenenewug kuhya manoo‐ezhewabezejig oogenundahwandahnahwah chewahbunduhmoowaud enewh wuhyahbunduhmagoon, kah dush oogewahbundahsenahwaun; kuhya chenoonduhmoowaud enewh nwaunduhmagoon, kah dush oogenoonduhsenahwaun.

St Matthew 16:28

Kagate suh kedenenim, Ahnind suh ahyahwug oomah nahbahwejig kataungoonduhsegoog ewh neboowin, nahnauzh chewahbuhmahwaud enewh Enene oogwissun peëzhahnid emuh oodoogemahwandahgoozewining.

St Matthew 17:20

Jesus dush oo‐oo oogeënaun, Me suh ewh dabwayanduhsewag: kagate suh kedenenim, Keshpin ahyahmag dabwayanduhmoowin debishkoo anegookoomenahguk ewh oozahwunushke‐menekaun, kegahedahnahwah oo‐oo wahjewh, Oomah oonjemahjaun kuhya ewede ezhaun; tahezhahmahgud dush, kah dush gagoo kedahpwahnuhwetoosenahwah.

St Matthew 18:18

Kagate kedenenim, Wagoodoogwan kaminjemah-pedoowagwan edush oomuh uhkeeng tahminjemahpejegahda ewede keche‐kezhegoong; Wagoodoogwan edush kaähbahahmoowagwan oomuh uhkeeng tahahbahegahda ewede keche‐kezhegoong.

St Matthew 18:3

Oo‐oo dush keëkedoo, Kagate kedenenim, Keshpin aunjeëgoosewag, kuhya ahbenoojeëeng ezhewabezesewag, kahween kegahpeendegaseem emuh keche‐kezhegoong oonje oogemahwewining.

St Matthew 19:23

Jesus dush oo‐oo oogeënaun enewh ookekenooähmahgunun, Kagate kedenenim, ahgahwah tahpeendega owh kache‐tebenuhwawezid enene emuh keche‐kezhegoong duhzhe oogemahwewining.

St Matthew 19:28

Jesus dush oo‐oo oogeënaun, Kagate kedenenim, kenuhwah kahnoopenuhzheyag, emuh aunj‐bemahdezewining, uhpe kawuhwanuhbid owh Enene oogwissun emuh pazhegandahgwudenig oodoogemahwewin, kuhya kenuhwah kegahnuhmuhduhbim emuh metahswe‐ahshe‐neezh oogemahwuhbewining, chetebahkoonagwah egewh metahswe‐ahshe‐neezh anduhswayuggezejig Israelitug.

St Matthew 21:21

Jesus dush oogenuhquatuhwaun oo‐oo keënaud, Kagate kedenenim, Keshpin ahyahmag ewh dabwayanduhmoowin, kuhnuhga dush ahgoonwayanduhsewag, kahween atuh oo‐oo kegahtaëzhechegaseem kahdoodahwug owh figoomenahgahwunzh, keshpin dush oo‐oo eduhmag oo‐oo wahjewh, Kegahmahjewenegoo kuhya kegahpahkoobewabenegoo emuh kechegummeeng: mesuh goo kaëzhewabuk.

St Matthew 21:31

Ahwanan oogoo neezh kahezhechegad ewh oodenanduhmoowinene oosewaun? oo‐oo dush oodegoon, Owh suh netum. Jesus dush oo‐oo ooodenaun, Kagate kedenenim, Egewh mahwunjechega‐wenenewug kuhya egewh pazhigwahdezejig equawug tahpeendegawug emuh oodoogemahwewining owh Kesha‐Muhnedoo chepwah kenuhwah peendegayag.

St Matthew 23:36

Kagate suh kedenenim, Kuhkenuh oonoo uhyeëen oogahoodissegoonahwah oogoo noongoom bamahdezejig.

St Matthew 24:2

Jesus dush oogenuhquatuhwaun, oo‐oo keënaud, Kah nuh ween kewahbunduhsenahwah kuhkenuh oonoo? kagate kedenenim, Kahween kuhnuhga pazhik ahsin tahoogedahbikesinsenoon, kuhkenuh suh goo tahneswabenegahdawun.

St Matthew 24:47

Kagate kedenenim, Oogahmeenegoon enewh cheoogemahkundung kuhkenuh ooduhyeemene.

St Matthew 25:12

Oogenuhquatuhwaun dush oo‐oo keënaud, Kagate kedenenim, Kahween kekekanemesenoonim.

St Matthew 25:40

Owh dush keche‐oogemah oogahnuhquatuhwaun oo‐oo cheënaud, Kagate kedenenim, ewh menik oo‐oo kahdoodahwag kuhnuhga pazhik kache‐noondaush‐ahpetandahgoozid nejekewa neen suh kegedoodahwim.

St Matthew 25:45

Medush chenuhquatuhwaud oo‐oo cheëkedood, Kagate kedenenim, Ewh menik kahdoodahwahsewag kuhnuhga pazhik kache‐noondaush‐ahpetandahgoozid oogoo anduhchewaud, neen suh goo kah kegedoodahweseem.

St Matthew 5:26

Kagate suh kedenin, Kah kuhnuhga ewede kegahpeöonje‐sahgahunse, bahmah atuh kekezhekuhmun kuhkenah menik mazenuhegayun.

St Matthew 6:16

Uhpe dush pakuddaëdezooyagoon, kagoo ween nuhneenuhweengwaëdezookagoon, azhechegawaud egewh anuhmeäkahzoojig: mahnahjengwaëdezoowug muh, pukkuhdaëdezoongin cheëzhenahgoozewaud emuh anahsuhmuhbenid enenewun: Kagate kedenenim, Ahzhe ketakezhekahwahwug.

St Matthew 6:2

Uhpe dush keen mahgewayunin, kagoo ween ahnookeekan chenegaune‐muhtwawatoong ewh pootahjegun, azhechegawaud ween goo egewh anuhmeäkahzoojig, emuh oodahnuhmeä‐weguhmegoowaung kuhya emuh oomeekunahwaung, cheöonjekechetwahwanemegoowaud enewh enenewun: Kagate kedenenim ahzhe ketakezhekuhwahwug.

St Matthew 8:10

Uhpe dush Jesus kahnoondung, kemahmahkahdandum, oo‐oo dush oogeënaun enewh nwahpenuhnegoojin, Kagate kedenenim, kah nahnauzh nengemekunse oo‐oo menik dabwayanduhmoowin, kahween kuhnuhga emuh Israëling.

ST. MARK 10:15

Kagate kedenenim, Ahwagwan ahbenoojeïng kaezheöodahpenunsegwan ewh oodoogemahwewin owh Kesha‐Muhnedoo, kahween tahpeendegase emuh.

ST. MARK 10:29

Jesus dush kenuhquatum oo‐oo keëkedood, Kagate kedenenim, Kuhkenuh egewh kahnuhguhdungig ewh oowegewaumewah, enewh wejekewaëwaun, gamuh oodahwamahwaun gamuh oosewaun, gamuh oogeewaun, gamuh oowedegamahgunewaun, gamuh oonjahnesewaun, gamuh ooduhkeemewaun, neen oonje, kuhya oonje minwahjemoowin,

ST. MARK 11:23

Kagate kedenenim, Ahwagwan kaëduhmoogwan maunduh wahjewh, Tahmahjewechegahda kuhya tahahpuggechegahda emuh kechegumeeng; ahgoonwayanduhsig dush emuh oodaïng, tabwayandung dush ween cheweëzhewabuk debishkoo ekedood; kagate oogahahyaun wagoodoogwan nandooduhmoogwan.

ST. MARK 12:43

Uhpe dush kahnundoomaud enewh ookekenooähmahgunun, oo‐oo oodenaun, Kagate kedenenim, Mahbuh katemahgezid shegah oogeähpuggenaun nahwuj nebewah dush ween kuhkenuh kahahpuhgejegajig emuh shooneyah‐ahtahsoo‐weguhmigoong:

ST. MARK 13:30

Kagate kedenenim, Kahween tahchaugenasewug oogoo noongoom bamahdezejig, bahnemah atuh kedebishkoosag kuhkenuh oonoo.

ST. MARK 14:18

Magwah dush kahnuhmuhduhbewaud kuhya wesenewaud, Jesus oo‐oo keëkedoo, Kagate kedenenim, Pazhig suh kenuhwah wahdoopuhmeyag ningahbahtahik.

ST. MARK 14:25

Kagate kedenenim, Kahween menuhwah ningahmenequase ewh shooweminahboo, bahnemah atuh kezheguk nayaub kamenequayaun emuh oodoogemahwewining owh Kesha‐Muhnedoo.

ST. MARK 14:30

Jesus dush oo‐oo oodenaun, Kagate kedenin, noongoom kezheguk noongoom suh tebekuk, chepwah neezhing mesittahgoozid nahba‐pahkahahqua, nesing kegahahgoonwayanim.

ST. MARK 14:9

Kagate kedenenim, Tebe kawahweenjegahdagwan maunduh minwahjemoowin emuh anegookookuhmegaug uhkee, oo‐oo dush wah‐owh kahezhechegad tahduhzhinjegahdane cheoonje‐mequanemind.

ST. MARK 3:28

Kagate kedenenim, Egewh enenewug oonejahnesewaun tahwabenahmahwahwug kuhkenuh mujjeëzhewabezewinun kuhya kuhkenuh mujje‐kezhwawinun kaëzhe-mujje‐kezhwawaud:

ST. MARK 6:11

Ahwagwan kaoodahpenesenoowagwan, kuhya kabezindoosenoowagwan, uhpe ewede oonje‐mahjahyag, puhpuhwesittaneyook ewh weyuggussa chedebahjemindwah ewh azhewabezewaud. Kagate kedenenim, puhbanug tahdoodahjegahda Sodom gamuh Gomorrah uhpe tabahkoonega‐kezheguk, dush ween ewh oodanah.

ST. MARK 8:12

Ween dush kekeche‐oodunnahmoo emuh oojechaugoong, oo‐oo dush ekedood, Ahnishwin oogoo noongoom bamahdezejig nunduhwanduhmoowaud kekenoowahjechegun? kagate kedenenim, Kahween tahmeenahsewug kekenoowahjechegun oogoo noongoom bamahdezejig.

ST. MARK 9:1

Oo‐oo dush oogeënaun, Kagate kedenenim, Ahnind oomuh nahbahwejig kahween tahneboosewug, chepwah wahbunduhmoowaud oodoogemahwewin owh Kesha Muhnedoo emuh mushkahwezewining chetuhgwishinoomahguk.

ST. MARK 9:41

Ahwagwan suh kamenenoowagwan pazhik menequahjegauns nebe, emuh nindezhenekahzoowining, oonje debandahgoozeyag emuh Christing, kagate kedenenim, kahween oogahwuhnetooseen ootebahahmahgoowin.

ST. LUKE 11:51

Ewh oomesqueem owh Abel nahnauzh edush oomesqueem owh Zacharias, kahduhpenad emuh nesuhwuheëeng anduhgoog ewh sahsahgewejegun‐ahbik kuhya ewh kechetwah‐ahnuhmeä‐weguhmig; kagate kedenenim, Tahnunduhwanduhmahwahwug oogoo noongoom bamahdezejig.

ST. LUKE 12:37

Shahwandahgoozewug suh oogoo buhmeetahgunug owh oogemah kamekahwahjin ahkahwahbenid, uhpe pahtuhgwishing: kagate kedenenim, tahkechepezoo kuhya oogahnuhmuhduhbeäun chewesenenid, tahpeëzhah dush chebuhmeetuhwaud.

ST. LUKE 13:35

Benuh, kenuhguhdahmahgoom kewegewaumewah pezheshigwuhtag: kedenemin suh dush, Kahween menuhwah kegahwahbuhmeseem, nahnauzh egoo uhpe cheëkedooyag, Shahwandahgooze owh pahezhaud emuh oodenoozoowining owh Jehovah.

ST. LUKE 16:17

Nahwuj tahwanepunud chemahjahmahgukebun ewh kezhig kuhya ewh uhkee dush ween ewh chepungesingebun kuhnuhga punge ewh tebahkoonegawin.

ST. LUKE 18:17

Kagate kedenenim, Ahwagwan ahbenoojeëeng kaëzheöodahpenunsegwan ewh oodoogemahwewin owh Kesha‐Muhnedoo kah‐bahpish tahpeendegase emuh.

ST. LUKE 18:29

Oo‐oo dush oogeënaun, Kagate kedenenim, Kahween ahweyah kahnuhguhdung oowegewaum gamuh ooketezemun, gamuh wejekewaün gamuh wewun gamuh oodahbenoojeëmun, oonje ewh oodoogemahwewin owh Kesha‐Muhnedoo,

ST. LUKE 23:43

Jesus dush oo‐oo oogeënaun, Kagate kedenin, noongoom kezheguk kegahweejewh emuh oonahnegoozewining.

ST. LUKE 4:24

Keëkedoo dush, Kagate kedenenim, Kahween ahweyah aunwahjega‐wenene bezindahwahse emuh tebenuhwa oodunduhnuhkewining,

ST. JOHN 1:51

Oo‐oo dush oodenaun, Kagate, kagate, kedenenim, Bahnemah kegahwahbundahnahwah ewh kezhik chenesahkoosing, kuhya enewh oodangenemun owh Kesha‐Muhnedoo oombishkahwashkahgood kuhya nesaundahwashkahgood Enene Oogwissun.

ST. JOHN 10:1

Kagate, kagate, kedenenim, Owh paundegasig emuh ashquaundamewung ewh mahnishtahnishe‐weguhmig, ningooje dush enaunduhwad, kemoodishke suh owh, kuhya muhkundwashke.

ST. JOHN 10:7

Me dush menuhwah oo‐oo keënaud owh Jesus, Kagate, kagate, kedenenim, Neen suh nindow oodishquaundamewaun egewh mahnishtahnishug.

ST. JOHN 12:24

Kagate, kagate, kedenenim, kishpin pazhigoomenug ewh mezemenans pungesinsenook emuh uhkeeng kuhya neboomahgussenook, pezheshigwuhta: kishpin dush neboomahguk keche‐mekoogemahgud.

ST. JOHN 13:16

Kagate, kagate, kedenenim, Owh buhmeetahgun kahween ahwahshema ahpetandahgoozese dush ween oodoogemahmun; kuhya owh anoonind kahween ahwahshema ahpetandahgoozese dush ween enewh anoonegoojin.

ST. JOHN 13:38

Jesus dush oogenuhquatuhwaun, Kegahpuggedenaun nuh ewh kebemahdezewin neen oonje? Kagate, kagate, kedenin, Kahween tahnoondahgoozese owh nahba‐pahkahahqua, nahnauzh nesing keähgoonwatahweyun.

ST. JOHN 14:12

Kagate, kagate, kedenenim, Owh duhyabwayanemid, enewh ahnookewinun anuhnookeyaun kuhya ween tahenuhnooke: ahwahshema dush tahkeche‐ahnookee; nindezhahnun muh owh Noos.

ST. JOHN 16:20

Kagate, kagate, kedenenim, Kenuhwah kegahmahwim kuhya kegahwesugguhdamoom, egewh dush akeewejig tahmoojegezewug: kenuhwah dush kegahnuhneenuhwandaum, kenuhneenuhwanduhmoowinewah tahquakenegahda mamashquaud dush cheoönahnegoozeyag.

ST. JOHN 16:23

Ewh dush uhpe kezheguk kahween gagoo kegahnundoodahmahweseem. Kagate, kagate kedenenim, Wagoodoogwan kanundoodahmahwagwan owh Wayoosemind emuh nindezhenekahzoowining, kegahmeenegoowah.

ST. JOHN 21:18

Kagate, kagate, kedenin, Uhpe washke‐bemahdezeyunbun, kekeche‐penedezoonahbun, kuhya ananduhmun kegepahbahmoosa: uhpe dush kekekahyun, kegahshebenikan, pakahnezid dush kegahkechepenik, kegahezhewenik dush emuh kaënanduhsewun.

ST. JOHN 3:11

Kagate, kagate suh kedenin, Ninduhzhindahmin ewh kakandahmaung, kuhya nindebahdoodahmin ewh kahwahbunduhmaung; kah dush kedoodahpenunsenahwah nedebahjemoowinenaun.

ST. JOHN 3:3

Jesus dush oogenuhquatuhwaun oo‐oo keënaud, Kagate, kagate, kedenin, Kishpin ahweyah aunjnegesig, kahween oodahwahbunduhseen ewh Kesha‐Muhnedoo oodoogemahwewin.

ST. JOHN 3:5

Jesus dush oogenuhquatuhwaun, Kagate, kagate, kedenin, Kishpin ahweyah negesig emuh nebeeng kuhya emuh Keche‐Oojechaugoong, kahween tahkushketoose chepeendegad emuh Kesha‐Muhnedoo oodoogemahwewining.

ST. JOHN 5:19

Jesus dush oogenuhquatuhwaun oo‐oo keënaud, Kagate, kagate, kedenenim, Kahween owh Wagwissemind ookushketooseen ween tebenuhwa ningood cheëzhechegad, me atuh azhewahbuhmaud enewh Wayoosemindjin cheëzhecheganid; azhecheganegwan muh, mesuh nahsaub azhechegad owh Wagwissemind.

ST. JOHN 6:26

Jesus dush oogenuhquatuhwaun, oo‐oo keënaud, Kagate, kagate, kedenenim, Kahween kedoonjenunduh-wahbuhmeseem, kewahbunduhmag enewh mahmaundahwejegunun, keäumwagwah atuh egewh buhquazhegunug, ketabeseneyag dush wanjenunduhwahbuhmeyag.

ST. JOHN 6:32

Jesus dush oo‐oo oogeënaun, Kagate, kagate, kedenenim, Kahween owh Moses kegemeenegoosewah ewh keche‐kezhegoong oonje buhquazhegun; Noos suh kemeenegoowah ewh quuhyuk keche‐kezhegoong oonje buhquazhegun.

ST. JOHN 6:47

Kagate, kagate, kedenenim, Owh duhyabwayanemid oodahyaun ewh kahgega‐bemahdezewin.

ST. JOHN 6:53

Jesus dush oo‐oo oogeënaun, Kagate, kedenenim, Kishpin meejesewag ooweyaus owh enene oogwissun, menequasewag dush oomisqueem, kahween keduhyaunsenahwah ewh bemahdezewin peenjenuh.

ST. JOHN 8:34

Jesus dush oogenuhquatuhwaun, Kagate, kagate, kedenenim, Kuhkenuh egewh mujje‐ezhewabezewin mahkindungig oodoobuhmeetahgunemegoonahwah ewh mujjeezhewabezewin.

ST. JOHN 8:51

Kagate, kagate, kedenenenim, Kishpin ahweyah guhnuhwandung nindekedoowin, kah wekah oogahwahbunduhseen ewh neboowin.

ST. JOHN 8:58

Jesus dush oo‐oo oogeënaun, Kagate, kagate, kedenenim chepwah kenegid owh Abraham, neen nindow.

I. PETER 1:25

Ewh dush ween oodekedoowin owh Tabaningad kahgenig ahyahmahgudene. Me suh ewh ekedoowin kahwahweendu mahgooyag emuh minwahjemoowining.

REVELATION 20:11

Ningewahbundaun keche oogemah‐wuhbewin wuhyahbishkaug, kuhya owh kahnuhmuhduhbid emuh, keöozhemoomahguk dush uhkee kuhya kezhik emuh anahsuhmid; kah dush ningooje kemekahjegahdasenoon kaähyahmahgukebun.