St Matthew 5:15 - Ottawa New Testament Penteteuch and Psalms 1874

¹⁵ Kah suh ween kuhya egewh enenewug oodoonjesuhkuhunsenahwah ewh wahsuhkoonanjegun emuh ahnaum tebahegun cheähtoowaud, emuh suh wahsuhkoonanjegun-ahtekoong, oowahsuhkoonaöogoonahwah dush kuhkenuh emuh wegewauming ayahjig.

St Matthew 5:15 Iomraidhean Croise

EXODUS 25:37

Kegahoozhetoonun dush enewh neenzwahswe wahsuhkoonanjegunnun dabandahgwukkin emah: oogahsuhkuhahnahwaun dush enewh wahsuhkoonanjegunun, chewahsuhkoonag dush emah anahsuhmesing.

NUMBERS 8:2

Kuhnoonzh owh Aaron, oo‐oo dush ezhe, Uhpe sakuhuh-munin enewh wahsuhkoonanjegunun, enewh neenzhwahswe wahsuhkoonanjegunun tahwahsuhkoonawun debishkoo emuh wahsuhkoonanjegun‐ahbikoong.

ST. MARK 4:21

Oo‐oo dush oogeënaun, Oonjepejegahda nuh ewh wahsuhkoonanjegun emuh ahnaume‐tebaheguning cheähchegahdag, gamuh ahnaume‐nebahguning? kah nuh ween emuh wahsuhkoonanjegun‐ahtikoong cheähchegahdag?

ST. LUKE 11:33

Kahween ahweyah, kahsuhkuhungin ewh wahsuhkoonanjegun, emuh kemoodezewining oodahtooseen, gamuh ahnaumuheëe tebahega‐muhkukoong, emuh suh oogejeëe wahsuhkoonanjegun‐ahbikoong, egewh paundegajig chewahbunduhmoowaud wahsayahzewin.

ST. LUKE 11:36

Kishpin dush kuhkenuh anegookwaug keyow wahsayahmahguk, kuhnuhga ahtasenook ewh puhsuhgishkezewin, kuhkenuh tahwahsayahmahgud debishkoo uhpe ewh wahsuhkoonanjegun‐ahbik azhewahsuhkoonamahguk chewahsashkahgooyun.

ST. LUKE 8:16

Kahween ahweyah uhpe kahsuhkuhung wahsahkoonanjegun, ookahdunseen emuh ahnahme‐oonahguning, gamuh ahnahme‐nebahguning, emuh suh wahsuhkoonanjegun‐ahbikoong oodahtoon, kuhkenuh egewh paundegajig cheöonjewahbunduhmoowaud ewh wahsayahzewin.

PHILIPPIANUN 2:15

Chewuhsittahwandahgoozesewag kuhya chemujje-doodahgasewag, oonje oonejahnesemenag owh Kesha‐Muhnedoo, kuhnuhga mujje‐enanemegoosewag, emuh magwa ahyahwaud egewh majeëzhewabezejig kuhya kagaunzetungig bamahdezejig, magwa‐uhyeëeng kewahsayahzeem debishkoo ahnungoog oomah uhkeeng;

HEBREWUN 9:2

Keoözhechegahda mahween ewh puhpuhgeewuhyaune‐ahnuhmeä‐weguhmig, ewh natumesing wegewaum emuh keduhgoomahguk ewh wahsuhkoonanjegun‐ahbik kuhya uhdoopoowin kuhya ewh wahbundahewawine‐buhquazhegun; mesuh oo‐oo kachetwahwandahgwuk ahnuhmeä‐weguhmig azhenekahdag.

REVELATION 2:5

Mequandun dush ween ewh kahoonje‐pungeshinun, kuhya aunuhwanindezoon, kuhya ahnooketun dush enewh natumesingin ahnookewinun; kishpin dush ezhechegasewun waweeb kegahpeöodissin, kuhya ningahmahjetoon kewahsuhkoonanjegun‐ahtikoom, kishpin aunuhwanindezoosewun.