St Matthew 5:12 - Ottawa New Testament Penteteuch and Psalms 1874

¹² Oonahnegoozeyook kuhya keche‐moojeganduhmooyook, keche‐enandahgwud muh ewh ketebahuhmahgoowinewah ewede keche‐kezhegoong; Me muh ewh kahezhekooduggeähwaud enewh aunwahjega‐wenenewun kahbemahdezenejin chepwah kenuhwah bemahdezeyag.

St Matthew 5:12 Iomraidhean Croise

GENESIS 15:1

Kahishquahahyaug oonoo Abram oogeöodissegoon oodekedoowin owh Jehovah emuh wazhebahbunduhmoowining, oo‐oo keëgood, Kagoo sagezekan, Abram; neen mah nindow kepuhkuhahquaun, kuhya kekeche‐tebahahmahgoowin.

PSALMS 19:11

Kebuhmeetahgun ookuhgaunzemegoon enewh: keche‐shahwandahgoozewug egewh ganuhwandungig.

PSALMS 58:11

Mesuh kaöonje‐ekedood owh enene, Kagate tebahahmahwahwug egewh manoo‐ezhewabezejig: kagate menoo‐tebahkoonega owh Kesha‐Muhnedoo oomah uhkeeng.

St Matthew 16:27

Tahpeëzhah suh owh Enene oogwissun emuh oopezhegandahgoozewinening oosun chepeweejewegood dush oodangenemun; medush uhpe kameenaud kuhkenuh enewh bamahdezenejin debishkoo anandahgwudenig oodahnookewinene.

St Matthew 6:16

Uhpe dush pakuddaëdezooyagoon, kagoo ween nuhneenuhweengwaëdezookagoon, azhechegawaud egewh anuhmeäkahzoojig: mahnahjengwaëdezoowug muh, pukkuhdaëdezoongin cheëzhenahgoozewaud emuh anahsuhmuhbenid enenewun: Kagate kedenenim, Ahzhe ketakezhekahwahwug.

ST. LUKE 13:34

O Jerusalem, Jerusalem, keen nasudwah egewh aunwahjega‐wenenewug, kuhya pamwahsenuhudwah egewh kahpeëzhenahzhahahmahgooyunin, ahneen duhching keënanduhmaun chemahwunzoomugwah kenejahnesug, debishkoo owh noozha‐pahkahahqua azhemahwunzoomaud enewh oonejahnesun emuh ahnaumeningwegun, kah dush kegeënanduhseem!

ST. LUKE 6:23

Moojegezeyook ewh uhpe kekezheguk, kuhya keche-oonahnegwanduhmook: benuh gooshah, keche‐enandahgwud ewh kameenegooyag ewede keche kezhegoong: me muh oonoo, oosewahbuneen kahdoodahwahnid enewh aunwahjega‐wenenewun.

ST. LUKE 6:35

Kenuhwah dush sahgeïk egewh shaunganemenagoog, kuhya menoodoodahwik kuhya ahweëwag shooneyah ahnahween goo enanduhsewag wetebahahmahgoozeyag; tahkeche‐enandahgwud suh ewh keshahwandahgoozewinewah, kegahoogwissemegoowah dush owh Kache‐ishpandahgoozid: ween muh ooshahwanemaun enewh megwach‐ananduh-senegoon kuhya enewh majeëzhewabezenejin.

OODEZHECHEGAWINEWAH 16:25

Ahyahbetah‐tebekuk dush Paul kuhya Silas keähnuhmeähwaud oogenuhguhmootahwahwaun enewh Kesha‐Muhnedoon: oogenoondahgoowaun dush enewh kabahquahegahzoonejin.

OODEZHECHEGAWINEWAH 5:41

Keühnesahgahuhmoog dush emuh enahsuhmuhbenid enewh kahkekedoo‐wenenewun, oonje moojegezewaud ewh enandahgoozewaud ewh cheähgujjeïndwah oodezhenekahzoowin oonje.

ROMANUN 5:3

Kahween atuh oo‐oo, nemoojegezetahnahnin gooshah ewh kooduggetoowinun: kekanduhmung kootuggetoowin ahnookeemahguk cheminwahdanduhmung;

I. CORINTHIANUN 3:8

Benuh dush pazhegood owh kategad kuhya owh sahgahunjegad: anduhshewaud egewh enenewug tahezhetebahahmahwahwug anandahgwudenig oodahnookeewinewah.

II. CORINTHIANUN 4:17

Ewh muh nuhyaungung nekoodugganduhmoowinenaun, ahjenuh atuh ayahmahguk, nekushketuhmahgoonaun ahwahshema kache‐koosegwung kuhya kuhyahgega‐ahyahmahguk pezhegandahgoozewin;

PHILIPPIANUN 1:29

Kenuhwah muh kemeenegoom oonje owh Christ, kahween atuh chedabwayanemag, kuhya dush chekooduggetooyag ween oonje;

PHILIPPIANUN 2:17

Aahe, kishpin sahsahgewejegang neyow ewh oonje ahnookeetuhmaun kedabwayanduhmoowinewah, nemoojegez, kuhya keweeje‐moojegezeminenuhgoog kenuhwah kuhkenuh.

COLOSSIANUN 1:24

Neen noongoom mwahjegezeyaun oonje kooduggetooyaun kenuhwah oonje, nemooshkenuhtoonun dush menik kahnoondasanig ookooduggetoowinun owh Christ emuh neweyausing oonje ween ooweyow, me suh ewh ahnuhmeähwin:

COLOSSIANUN 3:24

Kekanduhmag dush wemeenenag Tabaningad ewh tebahahmahdewine tebandahsoowin: kebuhmeetahwahwah muh Tabaningad Christ.

THESSALONIANUN 2:15

Mesuh egewh kahnesahjig enewh Tabaninganejin Jesusun, kuhya tebenuhwa oodaunwahjega‐wenenemewaun, kuhya kahkooduggeëyummingedjig; kah dush oominwanemegoosewaun enewh Kesha‐Muhnedoon, kuhya oosheenganemahwaun kuhkenuh enenewun:

HEBREWUN 10:34

Kegeweedookahwim suh magwah kekebahquahegahzooyaun, kegemoojegezim dush uhpe kahmuhkummegooyag enewh ketebenuhwawezewinewah, kekekanduhmag ewh ahyahmag ewede keche‐kezhegoong nahwuj wanesheshing kuhya kahgenig kaduhgoomahguk tebenuhwawezewin.

HEBREWUN 11:26

Ahwahshema kekechetwahwandung ewh cheneshebahpenuhduhwind oonje enewh Christun dush ween enewh tebenuhwawezewinun emuh Egypting anduhgoogin: oogenunduhwandaun gooshah ewh shahwandahgoozewine‐tebahahmahgoowin

HEBREWUN 11:33

Oogoo oonje ewh dabwayanduhmoowin kahmahmauzhetoojig enewh oogemahwewinun, keähnooketuhmoowaud ewh quuhyuk‐ezhewabezewin, keöodahpenuhmoowaud enewh wahweendahmahgoowinun, kekebahquuhuhmoowahwaud enewh mezhebesheen oodoonene,

HEBREWUN 11:6

Kah ween ahweyah oogahminwanemegooseen enewh Kesha‐Muhnedoon kishpin ahyaunsig dabwayanduhmoowin: owh mahween pahnaunzekahwaud enewh Kesha‐Muhnedoon nundahwandahgooze chedabwayanemaud ahyahnid, kuhya cheshahwanemahnid enewh wahweenga nandoonaëgoojin.

JAMES 1:2

Nejekewaëdoog, moojeganduhmook uhpe pangeshinagoon emuh ahnooj kuhgwatebanemegoowining;

JAMES 5:10

Kekenoowahbuhmik, nejekewaëdoog, egewh aunwahjega‐wenenewug kahkekedoojig emuh oodezhenekahzoowining owh Tabaningad, cheöonje‐soongummunduhmag enewh kooduggetoowinun, kuhya cheshuhshebanduhmag.

I. PETER 4:13

Oonahnegwanduhmoog dush ween oonje weeje‐kooduggetoomag Christ: uhpe dush kepenahgwudenig oopeshegandahgoozewin, chemoojegezeyag kuhya emuh keche‐bahpenanduhmoowining.