St Matthew 4:10 - Ottawa New Testament Penteteuch and Psalms 1874

¹⁰ Jesus dush oogeënaun, Ahwus Mahjaun Satan! ezhebeëgahda muh, Kegahoojecheengwuhnetuhwah owh Jehovah keKesha‐Muhnedoom, ween atuh kegahbuhmeetuhwah.

St Matthew 4:10 Iomraidhean Croise

PSALMS 109:6

Uhpe tabahkoonind mahnoo tahnahneboomah: kuhya mujje‐ezhewabezewining tahenandahgwudene oodahnuhmeäwin.

EXODUS 23:25

Kegahbuhmeetuhwahwah dush owh Jehovah Ke‐Kesha‐Muhnedoomewah, kegahshuhwanduhmauk dush enewh kebuhquazhegunemun, kuhya ewh kenebeem; kegahekoonuhmoon kuhya ahkoozewin emah nahwuheëe uhyahyun.

St Matthew 16:23

Kequakekahbahwe owh Jesus, oogeënaun dush enewh Peterun, Ahwus nepekwunaung ezhaun Satan! kenishkeh gooshah: kahween kepahbahmanduhsenun ooduhyeemun owh Kesha‐Muhnedoo, enewh atuh ooduhyeemewaun egewh enenewug.

ST. MARK 1:13

Ewede dush buhquuhduhkummig keähyah nemeduhnuh‐duhsoogoon, kekuhquatebanemegood enewh Satanun: keweejewaud enewh ahwaseeyun; kebuhmetahgood enewh angenun.

ST. LUKE 10:18

Oo‐oo dush oogeënaun, Ningewahbuhmah owh Satan debishkoo wahwahsuhmoowining, keche‐kezhegoong cheöonjepungeshing.

ST. LUKE 11:18

Kishpin dush owh Satan megahdezood, ahneen kaëzheminjemoosenenig oodoogemahwewin? Kedekedoom mahween, owh Beëlzebub wedookahwid, wanjesahgeje‐wabenugwah egewh mujje‐muhnedoog.

ST. LUKE 13:16

Mahbuh dush oodahnissun owh Abraham, enewh mujje‐muhnedoon kahmenjemahpenegoojin metahswe‐ahshe nishwahswe pepoon, kah nuh ween enandahgoozese cheähbahoond ewh keminjemahpenahgahzood magwah aunwabe‐kezhegudenig.

ST. LUKE 22:3

Me dush mujje‐muhnedoon kepeendegashkahgood owh Judas Iscariot azhenekahzood, pazhik egewh metauswe‐ahshe‐neezh kekenooähmahgunug.

ST. LUKE 22:31

Oo‐oo dush keëkedoo owh Tabaningad, Simon, Simon, benuh, Satan kenunduhwandum chetebanemenag cheëzheshahbooshkahsenag debishkoo buhquazheguning:

ST. LUKE 4:8

Jesus dush oogennhquatuhwaun oo‐oo keënaud, Ahwus nepequunaung ezhaun, Satan: ezhebeëgahda muh, Kegahoojecheengwunetahwah owh Jehovah Kekesha‐Muhnedoom, ween dush atuh kabuhmeetuhwud.

ST. JOHN 13:27

Kahmeenind dush ewh ahpunjegun oogepeendegashkahgoon Satanun. Jesus dush oo‐oo oodenaun, Nuhmunj suh wahezhechegawunan, waweeb ezhechegan.

OODEZHECHEGAWINEWAH 26:18

Chepahkahkoonuhmoowudwah ooshkinzhegoowaun, kuhya oonje quakeüdwah debandahgoozewaud puhsuhgish tebekudoong chedebandahgoozewaud emuh wahsayahzewining, kuhya debanemegoowaud enewh Satanun chedebanemegoowaud enewh Kesha‐Muhnedoon, chewabenuhmoowindwah oomujje‐ëzhewabezewinewah, chedebandahsoowaud emuh anduhzhe‐debandahsoowaud egewh kahmenooëzhewabezeïndjig, dabwayanemewaud oonje.

OODEZHECHEGAWINEWAH 5:3

Peter dush keëkedoo, Ananias, ahneeshwin owh Satan kemooshkinatood ewh keda chekuhkenuhwishketuhwud owh Keche‐Oojechaug, ningooche cheähsud ahnind shooneäun menik kahenuhgindag ewh ketegaun?

I. CORINTHIANUN 5:5

Chepuggedenuhmoowag owh Satan wah‐owh ooweyow, cheöonje‐bahnahdudenig ooweyaus, chebemahjeëmind oojechaugwun uhpe ookezhegudoom owh Tabaningad Jesus.

I. CORINTHIANUN 7:5

Kagoo keemoodekagoon mamashquaud, kishpin atuh nuhyazh mahmahwe enanduhmag wanebik, cheöonje‐puggenedezooyag emuh keëquishemoowining kuhya ahnuhmeähwining; nayaub dush menuhwah wedegandeyook, koonemah kedahgekuhgwatebanemegoowah owh mujje‐muhnedoo chewepezhigwahdezeyag.

II. CORINTHIANUN 11:14

Kah suh mahmahkahdandahgwussenoon; pooch egoo owh Satan ezhenahgoozeëdezoo debishkoo azhenahgoozewaud egewh wahsayahzewining anduhnuhkeejig angenug.

II. CORINTHIANUN 12:7

Cheöonje‐kechetwahwanemoosewaunbaun ashenuk enewh wahbunduhegoowinun, ningepuggedenuhmahgoo ewh menasuhgahwunzh emuh neweyausing, oobuhmetahgunun owh Satan chemegahzhid, oonzaum nebewah cheoonje‐kechetwahwanemoosewaun.

II. CORINTHIANUN 2:11

Cheöonje‐shahgoojeësenoowung owh mujje‐muhnedoo: kah suh nindoonanemahsemin azhekuhkuhyanezid.

DEUTERONOMY 10:20

Kegahkoosah Jehovah keKesha‐Muhnedoom; me owh kabuhmetahwud, me ewh kuhya owh kaminjemenud, oodezhenekahzoowin kuhya kaweenduhmun uhpe wahmushkuhwekeezhwayunin.

JAMES 4:7

Puggedenedezooyook dush chedebanemenag Kesha‐Muhnedoo. Ahgoonwatuhwik Mujje‐Muhnedoo, kegahoozhemigoowah dush.

I. PETER 5:9

Mesuh owh kameegahnag soongekahbahweyag emuh dabwayanduhmoowining, kekanduhmag oonoo nahsaub koodugganduhmoowinun cheëzhekoodugganduhmoowaud egewh kejekewaëwaug oomah uhkeeng ayahjig.