St Matthew 3:7 - Ottawa New Testament Penteteuch and Psalms 1874

⁷ Uhpe dush wuhyahbuhmaud nebewah enewh Phariseen kuhya enewh Sadduceen benaunzekumenid ewh oobaptizooëwawin, oogeënaun, Oh kenuhwah kenabegoong wandahdezeyag, ahwanan kahahyaungwahmenenag cheöozhinduhmag ewh nishkahdezewin kapetuhgweshenoomahguk?

St Matthew 3:7 Iomraidhean Croise

GENESIS 3:15

Kuhya ningahenahkoonega chesheenganindeyag keen kuhya equa, kuhya chesheenganindewaud keen kenejahnesug kuhya ween oonejahnesun; ween egoo kegahshahshahgoondebashkaug, kuhya keen kegahshahshahgoodoondenashkahgoon.

St Matthew 12:24

Uhpe dush egewh Phariseeg kahnoonduhmoowaud, oo‐oo keëkekoowug, Kahween oosahgejewabenahseen enewh mujje‐muhnedoon, enewh suh ween Beëlzebubun oodoogemahmewaun mujje‐muhnedoog oowedookahgoon.

St Matthew 12:34

Kenuhwah mujje‐kenabegoong wandahdezeyag, ahneen kaëzhekushketooyag magwah mujje‐ezhewabezeyag chemenoo‐kekedooyag? anushkenag muh oodaëmah mesuh azhekekedoomahguk oodoonemah.

St Matthew 15:12

Me dush kepenaunzekahgood enewh ookekenooähmahgunun, oo‐oo dush keëgood, Kekekandaun nuh ewh keöosittuhwanduhmoowaud egewh Phariseeg, uhpe kahnoonduhmoowaud ewh kedekedoowin?

St Matthew 16:1

Egewh Phariseeg kuhya egewh Sadduceeg kepeëzhahwug, kuhgwajeähwaud kenundoodahmahwahwaud chewahbunduhmoowaud kezhegoong oonje kekenoowahjechegun.

St Matthew 16:6

Jesus dush oo‐oo oogeënaun, Benuh mewetooyook oodoombesechegunewah egewh Phariseeg kuhya egewh Sadduceeg.

St Matthew 22:15

Medush keähwekahkekedoowaud egewh Phariseeg, chenuhgwuhnahwahwaud emuh oodekedoowining.

St Matthew 22:23

Me dush ewh uhpe kezheguk kepenaunzekahgood enewh Sadduceen oo‐oo akedoonejin, Kah gagoo ahwunsenoon ewh ahbejebahwin, oogeguhgwajemegoon dush.

St Matthew 22:34

Uhpe dush egewh Phariseeg kahnoonduhmoowaud ewh kewuhnemaud enewh Sadduceen, kepemahwunjeëdewug.

St Matthew 23:33

Kanabegooweyag, mujje‐kenabegoong pahoondahdezeyag, ahneen kaëzheöozhinduhmag ewh mujje‐ishkootawine‐nahneboomegoowin?

St Matthew 5:20

Neen suh kedenenim, kishpin ahwahshema enandahgoosenook ewh quuhyuk kedezhewabezewenewah anandahgwudenig ween quuhyuk oodezhewabezewenewaun egewh oozhebeëga‐wenenewug kuhya egewh Phariseeg, kah bahbahbesh kegahpeendegaseem emuh keche‐kezhegoong oogemahwewening.

ST. MARK 12:13

Oogeëzhenahzhahwahwaun ahnind Phariseen kuhya ahnind Herodianun, chenuhgwahnahnid emuh oodekedoowining.

ST. MARK 12:18

Oogepenaunzekahgoon dush enewh Sadduceen, kahween tahahbejebahseem, akedoonejin; oogekuhgwajemegoon dush, oo‐oo keëgood.

ST. MARK 8:15

Oogeäungwahmemaun dush, oo‐oo keëkedood, Aungwahmezeyook, chemeewetooyag ewh oodoombesechegunewaun egewh Phariseeg, kuhya oodoombesechegun owh Herod.

ST. LUKE 16:14

Egewh Phariseeg oogenoondahnahwah kuhkenuh oonoo uhyeëen, sahgeähwaud shooneyah oogekau njbah-peähwaun.

ST. LUKE 18:11

Owh Pharisee‐wenene kenebahwe oo‐oo ezheähnuhmeäud emuh oodaïng, Kesha‐Muhnedoo, kemuhmooyahwahmin, ewh azhewabezesewaun debishkoo ahnind enenewug azhewabezewaud, makundwajig, quuhyuk azhewabezesegoog, pazhigwahdezejig, kuhya wah‐owh mahwunjechega‐wenene azhewabezid.

ST. LUKE 7:30

Egewh dush Phariseeg, kuhya egewh tebahkoonega‐wenenewug oogeähgoonwatahnahwah oodenahkoonegawin owh Kesha‐Muhnedoo, wenuhwah tebenuhwa keënahkoonegoowaud, kah muh oogebabtizooweëgoosewaun enewh.

ST. JOHN 1:24

Ke‐Phariseewewug dush egewh kahpeähnoonindjig.

ST. JOHN 8:44

Kenuhwah kedooyoosemahwah owh mujje‐muhnedoo, kuhya ewh uhyenandung owh koosewah kedezhechegam. Wahyashkud kemahje‐neshewa owh, kah dush keähyahse emuh dabwawining, kah muh ookekishkunseen ewh dabwawin. Uhpe kakenuhwishkejin, ooduhzhindaun tebenuhwa ooduhyeemun: netuh‐kuhkenuhwishke muh, kuhya dush oodooyoosemegoon ewh kuhkenuhwishkewin.

ST. JOHN 9:40

Ahnind dush egewh Phariseeg kahweejewahjig oogenoondahnahwah oonoo ekedoowinun, oo‐oo dush keënahwaud, Nekuhkepeengwamin nuh kuhya nenuhwind?

OODEZHECHEGAWINEWAH 15:5

Kepuhsegwewug dush ahnind kahPhariseewejig duhyabwayandungig, keëkedoowaud, chenunduhwandahgwudenig chekekenoowahje‐kishkezhegahzoonid, chekahgaun-zoomemind cheguhnuhwanduhmenid Moses ootebahkoonegawin.

OODEZHECHEGAWINEWAH 20:31

Ahkahwahbeyook, kuhya mequanduhmook, nesoo‐kekenoonoowinun kahween ningeïshquahtahse cheäungwahmemugwah kuhkenuh bamahdezejig tabekukin kuhya kahzhegukkin ewh kemahweyaun.

OODEZHECHEGAWINEWAH 26:5

Egewh kahkekanemejig wuhyashkud, kishpin enanduhmoowahpun chedebahjemewaud, ewh azhewabezewaud kache‐mekindunjig nindahnuhmeähwinenaun Phariseeng ningeëzhewabiz.

OODEZHECHEGAWINEWAH 5:17

Me dush kepuhsegweed owh keche‐sahsahgewejega‐wenene, kuhkenuh enewh kahweejewahjin (kahdebandahgoozejig emuh oodezhetwahwinewaung egewh Sadduceeg) kemooshkenashkahgoowaud ewh nishkahdezewin.

ROMANUN 1:18

Oonishkahdezewin muh owh Kesha‐Muhnedoo wahweenjegahda ewede keche‐kezhegoong oonje azhenishkandung kuhkenuh anegookwahnig oomujje‐ezhewabezewinewah egewh enenewug kabishkungig ewh dabwawin emuh mujjeëzhewabezewining;

ROMANUN 5:9

Ahwahshema dush, ahzhuh keminwandahgoozeyung oonje ewh oomisqueem, kegahbemahjeëgoomin ween oonje chenishkanemegoosewung.

THESSALONIANUN 1:10

Kuhya chepeeäg oogwissun keche‐kezhegoong kaoonjeed, enewh kahahbejebahahjin, me suh Jesus, kahbemahjeënung cheöodissegoosewung ewh nishkahdezewin kapetuhgwishenoomahguk.

HEBREWUN 11:7

Dabwayanduhmoowin suh Noah kezhah kahwahweendahmahgood Kesha‐Muhnedoon enewh uhyeëen muhshe kahwahbunduhsingin, kesagezid kahoonje‐oozhetood ewh keche‐nahbequaun cheöonje‐bemahjeïndwah kuhkenuh dabandahgoozejig emuh oowegewauming; me suh oo‐oo keëzhechegad kahoonje‐nahneboondung uhkee, kuhya kahoonje‐debandung ewh quuhyuk‐ezhewahbezeëgoozewin wanjeemahguk emuh dabwayanduhmoowining.

HEBREWUN 6:18

Neezh uhyeëen cheähyahmung kaäunjechegahdasenoogin, oonje kushketoosig owh Kesha‐Muhnedoo chekewunemoopun, kaöondenuhmung ewh swaungung menoodaäshkahgoowin kenuhwind kahezhenezhemooyung ewh ahpanemoowin kahahtahmahgooyung anahsuhmeyung.

I. JOHN 3:10

Mesuh wanje‐kekandahgoozewaud egewh wanejahnesemegoojig enewh Kesha‐Muhnedoon, kuhya egewh wanejahnesemegoojig enewh Mujje‐Muhnedoon; ahwagwan quuhyuk‐azhewabezesegwan kahween oodoonejahnesemegooseen enewh Kesha‐Muhnedoon, kuhya owh suhyahgeähsig enewh wejekewaün.