St Matthew 3:6 - Ottawa New Testament Penteteuch and Psalms 1874

⁶ Kebaptizoomegoowaud dush emuh Jordaning, kahwahweenduhmoowaud enewh oomujjeëzhewabezewenewaun.

St Matthew 3:6 Iomraidhean Croise

PSALMS 32:5

Kegahwahweenduhmoon nemujje‐ezhewabezewin: kah dush ningekahdunse nemujje‐ezhechegawin.

LEVITICUS 16:21

Aaron dush oogahahtoonun nuhyazh ooneenjeen emuh ooshtequaunening enewh bamahdezenejin mesahboozoon, kuhya oogijuhyeëe nebahwenid oogahwahweendaunun kuhkenuh oomujje‐ezhechegawinewaun kuhya ookuh kebahdezewinewaun Israel oonejahnesun, oogahahtoonun dush kuhkenuh emuh ooshtequaunening mesahboozoon, kuhya oogahezhenahzhahwaun ewede bahgwuhduhkummig emuh ooneenjeeng pazhig enene kaähnoonind:

LEVITICUS 26:40

Kishpin wahweenduhmoowaud oomujje‐ezhewabezewinewaun kuhya oosewahpuneen oomujje‐ezhewabezewinene kuhya oomujje‐dooduhmoowinewaun kahmujje‐dooduhwewaud kuhya kemegahzhewaud.

NUMBERS 5:7

Me cheweenduhmoowaud oomujjeëzhechegawinewah ewh kahezhechegawaud: oogahdebuhaun dush nayaub, oomujjeëzhechegawin oonje, ewh kahoodahpenung, kuhya oogahduhgoomeegewan punge uhwushema, oogahmeenaun dush ewh enewh kahmujje‐dooduhwahjin.

St Matthew 3:11

Neen suh kebaptizoomenim nebee ahyooyaun cheäunwanindezoong; owh dush pahnoopenuhzhid ahwahshema mushkahweze neen dush ween, kah suh nindahpetandahgoozese chepemewetoowug enewh oomuhkissinun, mesuh kabaptizooweënag Keche‐oojechaug kuhya emuh ishkootang.

ST. MARK 1:5

Kuhkenuh dush egewh Judea uhkeeng anduhnuhkeejig, kuhya egewh kahoodatoojig emuh Jerusaleming oogenaunzekahwaun, kuhya kuhkenuh oogebaptizooegoowaun emuh Jordan seebing, kewahweenduhmoowaud enewh oomujjeëzhewabezewinewaun.

ST. LUKE 1:16

Oogahquakeäun dush nebewah oonejahnesun owh Israel chebuhmeetuhwahnid enewh Jehovahun Ookesha‐Muhnedoomewaun.

ST. LUKE 3:16

John oogenuhquatuhwaun kuhkenuh, oo‐oo keëkedood, Neen suh kebaptizoominim ewh nebe ahyooyaun; peëzhah dush pazhig ahwahshema‐mashkahwezid neen dush ween, kahween nindahpeetandahgoozese cheähbahahmahwugebun enewh oomukkissinaähbeen: mesuh owh kabaptizoomenag enewh Keche‐Oojechaugwun kuhya ishkootang:

OODEZHECHEGAWINEWAH 1:5

John muh kagate kebaptizooëwa nebe keähyood; kenuhwah dush ween kegahbaptizoomegoom emuh Keche‐Oojechaugoong, kahween nebewah duhsoogoon kayahbe.

OODEZHECHEGAWINEWAH 11:16

Me dush uhpe kemequanduhmaun ewh oodekedoowin owh Tabaningad, oo‐oo keëkedood, John gooshah kebaptizooëwa nebee ahyood; kenuhwah dush kegahbaptizoomegoom enewh Keche‐Oojechaugwun.

OODEZHECHEGAWINEWAH 19:18

Nebewah dush egewh duhyabwayandungig kepeëzhahwug, wahweendahmahgawaud, kuhya kewahbundahewawaud enewh oodezhechegawinewah.

OODEZHECHEGAWINEWAH 22:16

Wagoonash dush wanje‐pezaun‐uhbeyun? puhsegween, chebaptizooëgooyun, kuhseyahbahwetoon dush kemujjeëzhewabezewinun, kewahweenduhmun oodezhenekahzoowin owh Tabaningad.

I. CORINTHIANUN 10:2

Kuhya kuhkenuh kebaptizooëgoozewaud emuh enuhkuhkayah owh Moses emuh ahnuhquudoong kuhya emuh echegummeeng;

COLOSSIANUN 2:12

Kepuggedanemegooyag mahmahwe owh Christ emuh Baptizooëwawining, me suh emuh kahoonje‐weej‐ahbejebahmag oonje dabwayanduhmag oodahnookeewin owh Kesha‐Muhnedoo, kahahbejebahaud enewh oonje neboong.

HEBREWUN 6:2

Kuhya kahezhekekenooähmahgooyung anandahgwuk enewh baptizooweëwawinun, kuhya ewh puggejeneenjenooduhmahding kuhya ewh oodahbejebahwinewah egewh naboojig, kuhya ewh kahgega‐tebahkoonegawin.

HEBREWUN 9:10

Meejim kuhya menequawinun, kuhya ahnooj doowun kesebeginegawinun, kuhya weyausewe‐ezhetwahwinun ahwunoon, kahezhekahgaunzoomindwah chemeekinduhmoowaud nahnauzh debishkoosag cheäunjesing ahnooj gagoo.

JAMES 5:16

Wahweendahmahdeyook mamashquaud enewh kemujje‐ezhewabezewinewaun, kuhya ahnuhmeätuhmahdeyook mamashquaud, cheöonje‐noojemooëgooyag. Keche-mushkahwezemahgudene ewh oodahnuhmeähwin owh quuhyuk‐ezhewabezid kishpin anegook azheähnuhmeäud.

I. PETER 3:21

Kebemahjeëgoonaun suh kenuhwind ewh kahkekenoowahjechegahdag emuh, me suh ewh Baptizooëwawin (kahween ewh wabenuhming ewh weyause‐weenezewin, ewh atuh kuhgwadwawin azhekuhgwadwamahguk menoo‐kekanindezoowin anahsuhmid Kesha‐Muhnedoo), oonje oodahbejebahwin owh Jesus Christ.

I. JOHN 1:9

Kishpin dush wahweenduhmung kemujje‐ezhewabezewinenahnin, ween suh netuh‐dabwa kuhya quuhyuk‐wahdeze chewabenuhmoonung kemujje‐ezhewabezewinenahnin, kuhya cheëkoonuhmoonung kuhkenuh mujje‐ezhewabezewinun.