St Matthew 3:17 - Ottawa New Testament Penteteuch and Psalms 1874

¹⁷ Benuh dush keche‐kezhegoong keönzetahgwud ewh enwawin oo‐oo akedoomahguk, Mesuh wah‐owh ahyahwid suhyahgeüg ningwis kahmenoonahwaïd.

St Matthew 3:17 Iomraidhean Croise

PSALMS 2:7

Ningahwahweendaun ewh enahkoonegawin: oo‐oo ningeïk Jehovah, wingwis suh kedow, noongoom kezheguk kegeöogwissemin.

LEVITICUS 15:15

Sahsahgewejega‐wenene dush oogahpuggedenaun enewh, pazhig mujje‐ezhewabezewine‐meegewawin cheähwung, menuhwah dush pazhig chuhyahgizegahdag meegewawin; sahsahgewejega‐wenene dush tahsahsahgewejega oonje oomujjeëzhewabezewinene anahsuhmeed Jehovah oonje keöonjegahgebun oomenekaun.

St Matthew 12:18

Benuh, nenbuhmeetahgun kahwuhwanahbahmug, owh suhyahgeüg, enewh kache‐menwanemahjin owh ninjechaug; Ningahahtahwah nenjechaug, oogahwahbundahaun ewh quuhyuk‐ezhewabezewin enewh mayuggezenejin.

St Matthew 17:5

Magwah dush kayahbe kekedood, benuh waysayahnuhquud oogeähgahwahtashkahgoonahwah: Benuh dush emuh ahnuhquuhdoong keöonjebahmahgud ewh ahnemetahgoozewin oo‐oo keëkedoomahguk, Mesuh wahowh ningwis kache‐sahgeüg, mesuh manwanemug; bezendahwik suh.

ST. MARK 1:11

Kuhya ewh inwawin kezhegoong keoonzetahgwuk, oo‐oo këekedoomahguk, Keen suh kedow ningwis suhyahgeënaun: mesuh keen kache‐minwanemenaun.

ST. MARK 9:7

Oogeähgwunishkahgoonahwah dush ewh ahnuhquudoong keöonjeähyahmahgud ewh enwawin, oo‐oo ekedoong, Mesuh wah‐owh ningwis suhyahgeüg; mesuh wah‐owh kabezindahwag.

ST. LUKE 3:22

Kuhya kepenauzhewun emuh weyowining owh Keche Oojechaug emuh weyowene‐ezhenahgoozewining debishkoo keche‐oomeemeeng; kezhegoong dush keoonzetahgwud ewh inwawin oo‐oo keëkedoong, Keen suh kedow ningwis suhyahgenaun; keen suh kedow manwanemenaun.

ST. LUKE 9:35

Keöonzetahgwud dush ewh inwawin oonje ahnuhquudoong, oo‐oo keekedoomahguk, Mesuh wah‐owh suhyahgeüg ningwis, me owh kabezinduhwag.

ST. JOHN 5:20

Owh muh Wayoosemind oosahgeäun enewh Wagwissemindjin, oowahbundahaun dush kuhkenuh gagoo ewh ween tebenuhwa azhechegad; nahwuj dush kache‐ahpeetandahgwukin ahnookeewinun oogahwahbundahaun dush ween oonoo, cheöonjemahmahkahdanduhmag.

ST. JOHN 5:37

Kuhya dush owh Wayoosemind kahezhenahzhahood, ween ningedebahjemik. Kah dush wekah kegenoonduhsenahwah ewh oodinwawin, kah dush wekah kegewahbuhmahsewah azhenahgoozid.

EPHESIANUN 1:6

Cheöonje‐keche‐pezhegandahwudenig ewh ooshahwanjegawin, kahoonje‐ezheënung cheminwandahgoozeyung oonje owh kache‐sahgeïnd.

COLOSSIANUN 1:13

Owh kahpuggedenenung kedebandahgoozeyungoobun emuh azhemushkahwezemahguk ewh puhsuhgish‐tebekud, kuhya kahezheäunjeënung emuh oodoogemahwewinening enewh suhyahgeähjin Oogwissun:

II. PETER 1:17

Oogemeenegoon mahween enewh Kesha‐Muhnedoon Wayoosemindjin kechetwahwandahgoozewin kuhya peshegandahgoozewin, uhpe kepeöodissegood oo‐oo doowah inwawin keöonzetahgwudenig emuh oonje kechetwah peshegandahgoozewining, Mesuh wah‐owh Ningwis suhyahgeüg, me suh manwanemug.

I. JOHN 5:9

Kishpin oodahpenuhmoowungwah oodebahjemoowinewah enenewug, oodebahjemoowin Kesha‐Muhnedoo nahwuj kechetwahwandahgwudene; mesuh oodebahjemoowin Kesha‐Muhnedoo, kahenahjemaud enewh Oogwissun.

REVELATION 14:2

Ningenoondaun dush inwawin ewede keche‐kezhegoong kahoonzetahgwuk, anwawamahguk debishkoo matwajewungin nebewah nebeen, kuhya anetahgoozid keche‐ahnemekee: kuhya ningenoondaun oodinwawinewah egewh matwawajegajig muhtwawatoowaud enewh oomuhtwawajegunewaun: