St Matthew 28:6 - Ottawa New Testament Penteteuch and Psalms 1874

⁶ Kahween oomuh ahyahse; keähbejebah, debishkoo kahekedoopun. Umba pewahbunduhmook emuh shangeshingebun owh Tabaningad.

St Matthew 28:6 Iomraidhean Croise

St Matthew 12:40

Debishkoo muh nesoo‐kezhik kuhya nesoo‐tebik keähyaud owh Jonas emuh oomesudaung owh mesahmag; me nahsaub kuhya ween owh Enene oogwissun nesookezhik kuhya nesoo‐tebik cheähyaud emuh oodaëwung ewh uhkee.

St Matthew 16:21

Me dush ewh uhpe Jesus kemahje‐wahbundahaud enewh ookekenooähmahgunun, ewh cheweëzhaud ewede Jerusaleming, kuhya nebewah chekooduggeëgood enewh katezenejin kuhya keche‐sahsahgawejega‐wenenewun kuhya oozhebeëga‐wenenewun, kuhya chenesind, kuhya dush nasoogoonuhguk cheähbejebahind.

St Matthew 17:23

Oogahnesegoon dush, kuhya nasoogoonahguk tahahbejebahah. Kekeche‐kushkanduhmoog dush.

St Matthew 17:9

Magwah dush penesahkewawaud oonje wahjewing, Jesus oogeäungwahmemaun oo‐oo ekedood, Kagoo ahweyah weenduhmahwahkagoon kahwahbunduhmag, nahnauzh egoo keähbejebaud owh Enene oogwissun.

St Matthew 20:19

Oogahpuhgedenahmahwahwaun enewh mayuggezenejin cheneshebahpenoodahwahnid, kuhya chepuhzhunzhawahnid, kuhya cheähgwahquahwahnid: uhnenesoogoonahgudenig dush tahahbejebah.

St Matthew 27:63

Oo‐oo dush keëkedoowaud, Oogemah, nemequandahmin, mahbuh wuhyazhingashkid kahekedood, magwah kayahbe bemahdezid, Bahmah nasoogoonahguk ningahahbejebah.

ST. MARK 16:6

Oo‐oo dush oodenaun enewh equawun, Kagoo sagezekagoon, kenundahwahbuhmahwah owh Jesus Nazarething duhzhe‐enene, kahahgwahquahegahzood: keähbejebah; kahween oomuh ahyahse; wahbunduhmook emuh keähsahwaud.

ST. MARK 8:31

Kuhya dush oogemahje‐kuhgekemaun, owh enene oogwissun nundahwandahgoozid nebewah chekooduggandung, kuhya chewabenegood enewh katezenejin, kuhya enewh keche‐sahsahgewejega‐wenewun, kuhya oozhebeëga‐wenenewun, kuhya chenesind, nesoogoonahguddenig dush cheähbejebaud.

ST. LUKE 24:12

Kepuhsegwe dush owh Peter, kepeendega‐buhtoo emuh chebaguhmigoong; kahühnenahwataud, oogewahbundaunun dush wahbishkeginoon ningooje atagin, kemahjah dush, mahmahkahdandung emuh oodaïng oonoo uhyeëen kahezhewabudenig.

ST. LUKE 24:23

Uhpe dush mekunsigwah ewh weyowene, kepeëzhahwug, keëkedoowaud, ewh kewahbuhmahwaud angenun, kahegoowahjin ewh bemahdezid.

ST. LUKE 24:44

Oo‐oo dush oogeënaun, Mesuh oonoo ekedoowinun kahenenuhgoog, magwah kahweejewenenuhgoog, chenundahwandahgwuk kuhkenuh chetebishkoosag wazhebeëgahdagin emuh ootebahkoonegawining owh Moses, kuhya emuh Psalm‐muzzeneëguning, keënahjemegooyaun.

ST. JOHN 10:17

Mesuh wanjesahgeïd owh Noos, puhgedenuhmaun ewh ninbemahdezewin, nayaub dush cheöodahpenuhmaun.

ST. JOHN 2:19

Jesus dush oogenuhquatuhwaun, oo‐oo keënaud, Bahnahjetooyook maunduh kechetwah‐weguhmig, nasoogoonuhguk dush ningahmahyahwenaun.

OODEZHECHEGAWINEWAH 2:24

Enewh Kesha‐Muhnedoo kahahbejebahahjin, kahahbahung kahezhetuhkoobenegood ewh wahsuhgandahgwuk neboowin, kah muh ween keënandahgoozese cheminjemenegoopun.