St Matthew 27:54 - Ottawa New Testament Penteteuch and Psalms 1874

⁵⁴ Uhpe dush owh menesenoo‐oogemah, kuhya enewh kahweejewahjin, ahkahwahbuhmahwaud enewh Jesusun, kahwahbunduhmoowaud ewh uhkee checheengwamahguk, kuhya oonoo kahezhewabukin, kekeche‐sagezewug, oo‐oo keëkedoowaud, Kagate wah‐owh wagwissemegoobunan enewh Kesha‐Muhnedoon.

St Matthew 27:54 Iomraidhean Croise

St Matthew 26:63

Kah dush kekekedoose owh Jesus. Owh dush keche-sahsahgewejega‐wenene oogenuhquatuhwaun oo‐oo keënaud, Kedaungwahmemin ween oonje owh bamahdezid Kesha‐Muhnedoo, cheweenduhmahweyaung keshpin ahyahwewunan owh Christ oogwissun owh Kesha‐Muhnedoo.

St Matthew 27:36

Kenuhmuhduhbewaud dush, keähkahwahbuhmahwaud emuh;

St Matthew 27:40

Oo‐oo dush keëkedoowaud, Keen banahjetooyun ewh keche‐ahnuhmeä‐weguhmig, nesoo kezhig menuhwah ahyaunjetooyun, bemahjeëdezoon Keshpin suh wagwissemegoowunan owh Kesha Muhnedoo, ahzhedayahtigoong peoonjenesaunduhwan.

St Matthew 27:43

Oogeähpanemaun enewh Kesha‐Muhnedoon; mahnoo noongoom oodahbemahjeëgoon, kishpin menwanemegood; keëkedoo muh, Nindoogwesemik owh Kesha‐Muhnedoo.

St Matthew 27:51

Benuh dush, ewh kebuhgoojegun emuh keche‐ahnuhmeä‐weguhmigoong oogejuhyeëe keoonjetaushkegesa peenish egoo nesuhyeëe; kecheengwamahgud dush ween ewh uhkee, ketaushkebekesawun dush enewh ahzhebikoon;

St Matthew 4:3

Uhpe dush kahpeöodesegood enewh kagwajewanejin oogeëgoon, Keshpin suh Kesha‐Muhnedoo wagwesemik, edun oonoo ahseneen chebahquazhegunewung.

St Matthew 8:5

Uhpe dush Jesus kahtuhgweshing emuh Capernauming, oogepenaunzekahgoon enewh menesenoo‐oogemaun, oogepahgoosanemegoon dush.

ST. MARK 15:39

Uhpe dush owh menesenoo‐oogemah debishkoo kahahgwahquahoomind kahnebahwid, kahwahbundung oo‐oo keëzhepepahgenid kuhya keëzheïshquahnuhmoonid, oo‐oo keëkedoo, Kagate suh, Kesha‐Muhnedoo oogwissun ahwegoobun wah‐owh enene.

ST. LUKE 22:70

Kuhkenuh dush keëkedoowug, Keen nuh kedow owh Kesha‐Muhnedoo Oogwissun? Oo‐oo dush oogeënaun, Kenuhwah suh kedekedoom ewh ahweyaun.

ST. JOHN 19:7

Egewh dush Jewyug oo‐oo oogenuhquatuhwahwaun, Nindahyahmin ewh tebahkoonegawin, ewh suh tebahkoonegawin wanjeënandahgoozid chenebood, keënahjindezoo muh, Nindoogwissemik owh Kesha‐Muhnedoo.

OODEZHECHEGAWINEWAH 10:1

Keähyah pazhik enene ewede Cæsareaïng Cornelius azhenekahzood, oomenissenoo‐oogemahmewah egewh shemahgunishug Italianug azheweenzoojig,

OODEZHECHEGAWINEWAH 2:37

Uhpe dush kahnoonduhmoowaud oonoo, kekeche‐megooshkahjedaäwug, oo‐oo dush keënahwaud enewh Peterun kuhya ahnind enewh apostleün, Enenewedoog kuhya wejekewaëmahdoog, Ahneen kaëzhechegayaung?

OODEZHECHEGAWINEWAH 21:32

Kazhetena dush oogeöodahpenaun enewh shemahgunishun kuhya shemahgunishe‐oogemaun, keähputtood dush emuh ahyahwaud: uhpe dush kahwahbuhmahwaud keche mesenenoo‐oogemaun kuhya shemahgunishun, oogepoone‐pukketaähwahwaun enewh Paulun.

OODEZHECHEGAWINEWAH 23:17

Medush owh Paul kenundoomaud pazhik enewh menesenoo‐oogemaun, oo‐oo dush keëkedoo, Ezheweezh mahbuh ooshkenuhwa emuh anduhzhe‐ahyaud owh keche‐menesenoo‐oogemah: gagoo muh ooweweenduhmoowaun.

OODEZHECHEGAWINEWAH 23:23

Oogenundoomaun dush neezh menesenoo‐oogemaun, oo‐oo‐keëkedood, Wuhwazheïk neezhwauk shemahgunishug cheëzhahwaud ewede Cæsareäïng, uhpe nesoo‐tebahegunag tebikuk kuhya bamoomindjig neezhwauswe‐meduhnuh, kuhya shemahgunun ashwejig neezhwauk;

OODEZHECHEGAWINEWAH 27:1

Uhpe dush kahenahkoonegang, cheühneënahsheyaung emuh Italying, oogepuggedenahwaun enewh Paulun kuhya ahnind kabahquahegahzoonejin emuh ooneenjeening pazhik menesenoo‐oogemaun Julius azhenekahzoonejin, Augustus oomenesenoo‐oogemahmun.

OODEZHECHEGAWINEWAH 27:43

Owh dush menesenoo‐oogemah keënandung chebemahjeäud enewh Paulun, kahween oogepuggedenuhmahwahseen cheëzhecheganid; keëkedoo dush, egewh natuhwahduhgahjig netum cheähgwahyahduhgahwaud dush.

ROMANUN 1:4

Keënahjemind dush cheöogwissemegood enewh Kesha‐Muhnedoon emuh mushkahwezewining, kahezheähyahnid Kache‐peenezenejin oojechaugwun, uhpe kahahbejebaud oonje neboowining:

REVELATION 11:13

Me goo uhpe tebahegun kekeche‐cheengwakummegaug, ahnind dush keche‐oodanah kekahwesamahgud, kuhya kecheengwakummegaug uhkee keöonje‐neboowug neezhwahcheeng metauswauk egewh enenewug: egewh dush kahishkoonindjig kesagezewug, kuhya oogepeshegandahgooähwaun enewh keche‐kezhegoong duhzhe Kesha‐Muhnedoon,