St Matthew 27:51 - Ottawa New Testament Penteteuch and Psalms 1874

⁵¹ Benuh dush, ewh kebuhgoojegun emuh keche‐ahnuhmeä‐weguhmigoong oogejuhyeëe keoonjetaushkegesa peenish egoo nesuhyeëe; kecheengwamahgud dush ween ewh uhkee, ketaushkebekesawun dush enewh ahzhebikoon;

St Matthew 27:51 Iomraidhean Croise

PSALMS 18:15

Kewahbunjegahdanoon enewh tuhkeebeen, kuhya enewh minjemoosechegunun wanje‐minjemoosing maunduh uhkee ketawahbunjegahdanoon uhpe kenuhneebikingayun, O Jehovah: apeech kenishkahje‐pootahjegayun.

PSALMS 18:7

Kenuhningishkahmahgud ewh uhkee kuhya kecheengwakummegah: pooch enewh wahjewun kekeche‐nuhningishkahmahgudoon, kuhya kemahmahjemahgudoon oonje kenishkahdezid owh Kesha‐Muhnedoo.

EXODUS 40:21

Oogepeendeguhtoon dush ewh mukkuk emah puhpuhgewuhyaune‐ahnuhmeäwegummegoong, kuhya oogeühgoodoon ewh kebuhgoojegun dabandahgwuk emah uhgwuhnuheguning, kuhya oogeühgwuhnuhaun ewh debahjemoowine‐mukkuk; kahezhekuhgaunzoomaud suh goo Jehovah enewh Mosesun.

LEVITICUS 16:2

Jehovah dush oo‐oo oogeënaun Mosesun, Kuhnoozh kekahnis Aaron, moonzhug chepeendegasig emuh akoo kechetwahwandahgwuk ahgwuhjeëng ahgoodag kebahgoojegun anahsuhme‐ahyaug ewh shahwanjega‐ahgwedubewin, oogijuhyeëe kechetwah‐mukkukoong atag; cheöonjeneboosig: neen mah ningahduhniz emuh ahnuhquudoong oogij‐keche-twahmukkukoong.

LEVITICUS 21:23

Kahween tahpeendegase emuh ahgoodag kebuhgoojegun, kah kuhya pashoo oogahpenaunzekunseen sahsahgewejegunahbik, oonje kuhyundahwezesig; oodahgeweenetoon nindahnuhmeä‐weguhmigoomun neen mah Jehovah nekechetwahwetoonun enewh.

NUMBERS 4:5

¶ Uhpe dush muhyahjeeshkahmuhguk ewh kuhbashewin, Aaron tahpeëzhah, kuhya enewh oogwissun, oogahnesenah-nahwah dush ewh kebuhgoojegun agwuhnuhewamuhguk, kuhya oogahuhgwuhnuhahnahwah ewh debahjemoowine‐kechetwah‐muhkuk ewh uhyoowaud:

St Matthew 27:54

Uhpe dush owh menesenoo‐oogemah, kuhya enewh kahweejewahjin, ahkahwahbuhmahwaud enewh Jesusun, kahwahbunduhmoowaud ewh uhkee checheengwamahguk, kuhya oonoo kahezhewabukin, kekeche‐sagezewug, oo‐oo keëkedoowaud, Kagate wah‐owh wagwissemegoobunan enewh Kesha‐Muhnedoon.

St Matthew 28:2

Benuh dush, kekeche‐cheengwakummegah: Tabaningad muh oodangenemun keche‐kezhegoong kepeoonje-nahzhewun, ketuhtebe‐wabenung ewh ahsin emuh ishquaundaming, keoogeduhbid edush.

ST. MARK 15:38

Kuhya dush ewh kebuhgoochegun emuh ahnuhmeä‐weguhmigoong ketaushkekesaishpeming oonje, peenish egoo metushkuhkummig.

ST. LUKE 23:45

Ketebikahbuhmenahgooze dush owh kezhike‐keezis, kuhya dush ewh kebuhgoojegun emuh keche‐ahnuhmeä‐weguhmigoong ketaushkekesa.

ST. LUKE 23:47

Uhpe dush owh menesenoo‐oogemah kahwahbundung ewh kahezhewabuk, oogepezhegandahgooäun Kesha‐Muhnedoon, oo‐oo keëkedood, Kagate suh menoo‐ezhewabezegoobun mahbuh.

HEBREWUN 6:19

Ewh ahpanemoowin azheähyahmung debishkoo poonekunjeguning wanjepoonekunjegahzood oojechaugoomah, wanesheshing kuhya manjemoosing, kuhya paundegamahguk emuh peenjuhyeëe agoodag ewh kebuhgoojegun;

HEBREWUN 9:3

Menuhwah dush peenjuhyeëeng agoodag ewh menuhwah pazhik kebuhgoojegun, ewh ahnuhmeä‐weguhmig mahyahmahwe‐kechetwahwandahgwuk azhenekahdag;

REVELATION 11:13

Me goo uhpe tebahegun kekeche‐cheengwakummegaug, ahnind dush keche‐oodanah kekahwesamahgud, kuhya kecheengwakummegaug uhkee keöonje‐neboowug neezhwahcheeng metauswauk egewh enenewug: egewh dush kahishkoonindjig kesagezewug, kuhya oogepeshegandahgooähwaun enewh keche‐kezhegoong duhzhe Kesha‐Muhnedoon,

REVELATION 11:19

Kenesahkoonegahdane suh ookeche‐ahnuhmeä‐weguhmig Kesha‐Muhnedoo ewede keche‐kezhegoong: kewahbunjegahdane dush emuh ookeche‐ahnuhmeä‐weguhmigoong ewh ookekindewine‐muhkukkoom: keähyahwug dush wahwahsuhmoog, kuhya inwawinun, kuhya ahnemekeeg, kuhya kecheengwakummegah, kuhya kekeche‐sasagun.