St Matthew 27:42 - Ottawa New Testament Penteteuch and Psalms 1874

⁴² Bakahnezenejin ween oogebemahjeäun; ween dush kahween ookushketooseen chebemahjeëdezood. Kishpin ahyahwegwan Israel oo keche‐oogemahmun, ahzhedayahtekoong tahpeoonjenesaunduhwa, ningahdabwatahwahnaun dush.

St Matthew 27:42 Iomraidhean Croise

St Matthew 2:2

Oo‐oo dush keëkedoowaud, Ahneende ahyaud owh kahnegid oodoogemahmewaun egewh Jewyug? nengewahbuhmahnaun suh oodahnungoomun ewede wahbunoong, cheshahgushkeetuhwungid dush nepeöonje‐ezhahmin.

St Matthew 27:37

Emuh dush debishkoo ooshtequahnening oogejuhyeëe oogeähtoonahwah maunduh oozhebeëgawin kahezhe-ahnahmemind, WAH‐OWH JESUS OODOOGEMAHMEWAUN EGEWH JEWYUG.

St Matthew 27:40

Oo‐oo dush keëkedoowaud, Keen banahjetooyun ewh keche‐ahnuhmeä‐weguhmig, nesoo kezhig menuhwah ahyaunjetooyun, bemahjeëdezoon Keshpin suh wagwissemegoowunan owh Kesha Muhnedoo, ahzhedayahtigoong peoonjenesaunduhwan.

St Matthew 27:41

Kuhya dush egewh keche‐sahsahgewejega‐wenenewug kuhya egewh katezejig, oogebah‐penuhduhwahwaun keëkedoowaud,

ST. MARK 15:31

Me dush kuhya egewh keche‐sahsahgewejega‐wenenewug kebahpenuhdahwahwaud mahmahwe dush egewh oozhebeëga‐wenenewug, oo‐oo dush keëdewaud, Oogebemahjeäun suh enewh bakahnezenejin; ween dush tebenuhwa kahween ookushketooseen chebemahjeëdezood.

ST. MARK 15:32

Mahnoo owh Christ Israel oodoogemahmun, noongoom tahpeöonje‐nesaunduhwa emuh ahzhedayahtekoong, cheöonjewahbunduhmung kuhya dush chetabwatahmung Egewh dush kahtuhgoo‐ahgwahquahoondjig oogebahpenoodahwahwaun.

ST. LUKE 19:38

Oo‐oo keëkedoowaud, Shahwandahgooze owh Keche‐oogemah tagwishing emuh oodezhenekahzoowining owh Tabaningad, pezaunewawin ewede keche‐kezhegoong, kuhya wahwezhanduhmoowin ewede keche ishpeming.

ST. LUKE 23:35

Egewh dush ahnishenahbag kenebahwewug, kuhya keguhnuhwahbuhmahwaud. Kuhya dush oogemaug mahmahwe oogebahpenuhdahwahwaun, oo‐oo keëkedoowaud, Oogebemahjeäun bakahnezenejin, mahnoo tahbemahjeëdezoo, kishpin ahyahwegwan owh Christ, Kesha‐Muhnedoo kagegenahjin.

ST. LUKE 23:37

Oo‐oo dush keëkedoowaud, Kishpin kagate keche‐oogemahkundahwudwahnan egewh Jewyug, bemahjeëdezoon.

ST. JOHN 1:49

Nathanaël dush oogenuhquatuhwaun oo‐oo enaud, Rabbi, keen suh kedoogwissemik owh Kesha‐Muhnedoo; keen suh kekeche‐oogemahkundahwah owh Israel.

ST. JOHN 12:13

Oogeöodahpenahwaun enewh palm‐menahgahwunzhe‐oodikwaunun, kesahguhahmoog dush cheähwenuhquashkahwahwaud, oo‐oo dush keëzhe‐pepahgewaud, Hosannah! Tahwahwezhanemah owh pahezhaud emuh oodezhenekahzoowining owh Tabaningad, ookeche‐oogemahmun owh Israel.

ST. JOHN 12:47

Kishpin dush ahweyah noondung enewh nindekedoowinun, dabwayandunsig dush, kahween neen nenahne-boomahse: kah muh nimpeöonjeëzhahse chenahneboonduhmaun ewh uhkee, chebemahjeügwah atuh egewh akeewejig.

ST. JOHN 9:24

Menuhwah dush oogenundoomahwaun enewh kahkuhkepeengwanepuneen, oo‐oo dush oogeënahwaun Meezh owh Kesha‐Muhnedoo ewh mahmooyahwawin, Ninkekanemahnaun suh wah‐owh enene chemujje‐ezhewabezid.

OODEZHECHEGAWINEWAH 4:14

Wahyahbuhmahwaud dush enenewun kahnoojemoonejin weejekahbahwetahgoowaud, kahween oogekushketoosenahwah ningood cheähgoonwatuhmoowahpun.