St Matthew 27:4 - Ottawa New Testament Penteteuch and Psalms 1874

⁴ Oo‐oo dush keëkedoo, Ningemujjeëzhechega kebahtahdooyaun ewh majeëzhechegamahgussenook misque. Oo‐oo dush keëkedoowug, Wagoonan nenuhwind kaöonjebah-manduhmaung e‐ewh? keen suh bahmandun ewh.

St Matthew 27:4 Iomraidhean Croise

PSALMS 94:21

Mahoonjeëdewug chemegahnahwaud enewh oojechaugwun owh manoo‐ezhewabezid: kuhya oonahneboondahnahwah ewh maje‐ezhechegamahgussenook misquee.

EXODUS 12:31

¶ Oogenundoomaun dush Mosesun kuhya Aaronun nebah‐tebik, oo‐oo dush keënaud, Puhsegweeg, emah oonje-mahjahyook anduhzheühyahwaud nindahnishenahbamug, kenuhwah kuhya dush egoo Israel oonejahnesun; mahjahyook edush, buhmeetuhwik Jehovah, kahekedooyag egoo.

EXODUS 9:27

¶ Pharaoh dush keühnooke, kenundoomaud Mosesun kuhya Aaronun, oo‐oo dush keënaud, Ningemujjeëzhechega noongoom; Jehovah quuhyuk‐ezhewabeze, neen dush ween kuhya nindahneshenahbamug nemujje‐ezhewabezemin.

St Matthew 27:19

Uhpe dush kahwuhwanuhbid emuh tebahkoonewawine‐ahpuhbewining, wewun kepemejedwawun, oo‐oo akedoonid, Kagoo ningood doodahwahkan owh manoo‐ezhewabezid enene; nebewah gooshah mahbuh ningeöonjekootuggandum noongoom kezheguk emuh enahbunduhmoowining.

St Matthew 27:54

Uhpe dush owh menesenoo‐oogemah, kuhya enewh kahweejewahjin, ahkahwahbuhmahwaud enewh Jesusun, kahwahbunduhmoowaud ewh uhkee checheengwamahguk, kuhya oonoo kahezhewabukin, kekeche‐sagezewug, oo‐oo keëkedoowaud, Kagate wah‐owh wagwissemegoobunan enewh Kesha‐Muhnedoon.

ST. LUKE 23:22

Menuhwah nesing oo‐oo oogeënaun, Ahneeshwin, wagoonan mujje‐uhyewish kahezhechegad? kahween nemekuhmahwahse ningood keëzhechegad kaöonjenesindebun: ningahpuhzhunzhawah suh goo, me dush chepuhgedenug.

ST. LUKE 23:41

Kenuhwind suh quuhyuk kedoodahgoonaun; anandahgwuk muh kedezhechegawinenahnin kenuhwind kedoodahgoonaun; wah‐owh dush enene kahween ningood kemujje‐ëzhechegase.

ST. LUKE 23:47

Uhpe dush owh menesenoo‐oogemah kahwahbundung ewh kahezhewabuk, oogepezhegandahgooäun Kesha‐Muhnedoon, oo‐oo keëkedood, Kagate suh menoo‐ezhewabezegoobun mahbuh.

ST. JOHN 19:7

Egewh dush Jewyug oo‐oo oogenuhquatuhwahwaun, Nindahyahmin ewh tebahkoonegawin, ewh suh tebahkoonegawin wanjeënandahgoozid chenebood, keënahjindezoo muh, Nindoogwissemik owh Kesha‐Muhnedoo.

OODEZHECHEGAWINEWAH 13:28

Ahnahween goo kemekahmahwahsigwah gagoo kaöonjenesahwahpun, oogenundoodahmahwahwaun enewh Pilateün ewh chenesemind.

ROMANUN 3:19

Nekekandahmin gooshah nuhmunj akedoomahgudoogwan ewh tebahkoonegawin, ewh oodegoonahwah egewh dabandahgoozejig emuh tebahkoonegawining: kuhkenuh enewh oodoonemaunun chekebahkoosinenig, chekekandahgoozewaud mujje‐ezhewabezewaud dush kuhkenuh ayahjig oomah uhkeeng emuh anahsuhmuhbid Kesha‐Muhnedoo.

I. TIMOTHEUSUN 4:2

Kuhkenuhwishkewaud emuh ahnuhmeäkahzoowining; ookekanindezoowinewah kechahgedanig tahnuhsug ewh keshahbeketag pewahbik ahyoong;

ENEWH TITUSUN 1:16

Nekekanemahnaun Kesha‐Muhnedoo, inwahzoowug; emuh dush oodahnookeewinewaung oodahgoonwayanemahwaun, kuhgwahnessuggandahgoozewug, kuhya kuhgaunzetuhmoog, kah dush kushkeöosewug chewuhwanahbunduhmoowaud gagoo wanesheshing ahnookewin.

HEBREWUN 7:26

Kagate suh goo kenunduhwandahgwud oo‐oo doowah keche‐sahsahgewejega‐wenene cheähyahwung, pahnezid, maje‐doodahgasig, wahnezesig, wahdookahwahsig enewh maje‐ezhewabezenejin, ahwahshema ashpandahgoozid dush ween enewh keche‐kezhigoon:

I. PETER 1:19

Ewh atuh kache‐ahpeetandahgwudenig oomisqueem owh Christ, debishkoo mahnishtahnisheens ningood anahpenasig kuhya wahnezesig:

I. JOHN 3:12

Kahween debishkoo Cain kahoonejahnesemegood enewh mujje‐ahyahahwishun, kenesaud edush enewh wejekewaün. Wagoonan dush kahoonje‐nesaud? kemujje‐ezhewabudenig suh oonje ween tebenuhwa oodahnookeewinun, wejekewaün dush oodahnookewinene kemenoo‐ezhewabuddenewun.

REVELATION 11:10

Egewh dush anduhnuhkeejig oomah uhkeeng tahmoojegezewug oonje neboonid, kuhya tahoonahnegoozewug, kuhya tahnuhneendahedewug enewh meegewawinun; oonje mahween oogoo neezh aunwahjega‐wenenewug kekooduggeähwaud enewh anduhnuhkenejin emuh uhkeeng.