St Matthew 26:61 - Ottawa New Testament Penteteuch and Psalms 1874

⁶¹ Oo‐oo keëkedoowaud, Mahbuh keëkedoo, nekushketoon chebahnahjetooyaun ewh ookeche‐ahnuhmeä‐weguhmig owh Kesha‐Muhnedoo, nesoo‐kezhik dush menuhwah cheoozhetooyaunbaun.

St Matthew 26:61 Iomraidhean Croise

GENESIS 19:9

Oo‐oo dush keëkedoowug, Ekookahbahwin. Menuhwah dush oo‐oo keëkedoowug, Mahbuh pazhig enenewish kepeëzhah oomah wanebik cheähyaud, noongoom dush enandum chetebahkoonenung; noongoom dush ahwahshema kegahmujje‐doodahgoo wenuhwah dush ween. Oogequaushkoonoodahwahwaun dush enewh enenewun Lotun, pashoo dush kepeëzhahwug wepugooshkahmoowaud ishquaundam.

St Matthew 12:24

Uhpe dush egewh Phariseeg kahnoonduhmoowaud, oo‐oo keëkekoowug, Kahween oosahgejewabenahseen enewh mujje‐muhnedoon, enewh suh ween Beëlzebubun oodoogemahmewaun mujje‐muhnedoog oowedookahgoon.

St Matthew 26:62

Owh dush keche‐sahsahgewejega‐wenene kepuhsegwe, oo‐oo dush keënaud enewh Jesusun, Kah nuh ningood kenuhquatunse? wagoonan oo‐oo anahmemikwah oogoo?

St Matthew 26:71

Uhpe uhnesahgahung emuh tasecheguning, oogewahbuhmegoon menuhwah pazhig ooshkenegequan, oo‐oo keënahnid enewh emuh ayahnejin, Kuhya wah‐owh oogeweejewaun enewh Jesusun Nazareth duhzhe enenewun.

St Matthew 27:40

Oo‐oo dush keëkedoowaud, Keen banahjetooyun ewh keche‐ahnuhmeä‐weguhmig, nesoo kezhig menuhwah ahyaunjetooyun, bemahjeëdezoon Keshpin suh wagwissemegoowunan owh Kesha Muhnedoo, ahzhedayahtigoong peoonjenesaunduhwan.

St Matthew 27:5

Oogeähpuggenaun enewh shooneyaun emuh ahnuhmeä‐weguhmigoong, kemahjah dush, kuhya kekebena‐wabenedezoo.

ST. MARK 14:58

Ningenoondahwahnaun ekedood Ningahbahnahjetoon maunduh ahnuhmeä‐weguhmig ooneenjemaung kahoonje‐oozhechegahdag, uhnenesoogoonuhguk ningahkezhetoon bakahnuk ooneenjemaung kaoonje‐oozhechegahdasenook.

ST. MARK 15:29

Egewh dush anebemoosajig oogebahpenuhdahwahwaun, kewawabequanewug, oo‐oo dush keëkedoowaud, Ahah Benuh keen banahjetooyun ewh ahnuhmeä‐weguhmig, kuhya nasoogoonuhguk nayaub wazhetooyun,

ST. LUKE 23:2

Oogemahje‐bahtahmahwaun dush, oo‐oo keëkedoowaud, Ningemekahwahnaun wah‐owh enene wuhnishemaud enewh ahnishenahban, kuhya kenahahmahwaud chemeenahsewemind oogemah‐shooneyaun enewh Cæsarun, ekedood ween tebenuhwa cheähwid Christ keche‐oogemah.

ST. JOHN 9:29

Nekekandahmin ewh Kesha‐muhnedoo keguhnoonaud enewh Mosesun: wah‐owh dush kahween nekekanduhsemin tebe wandahdezegwan.

OODEZHECHEGAWINEWAH 17:18

Ahnind dush nebwahkah‐wenenewug Epicureänug, kuhya Stoickug, oogeähgoonwatahwahwaun. Ahnind dush keëkedoowug, Ahneen kaëkedood mahbuh kakebahje‐kezhwad? menuhwah dush ahnind, Enootahgooze debishkoo debahjemaud mayuggezenejin muhnedoon, oonje kedebahjemootahwaud Jesusun, kuhya ewh ahbejebahwin.

OODEZHECHEGAWINEWAH 18:13

Oo‐oo keëkedoowaud, Mahbuh oowekoojeäun enewh enenewun cheëzheähnuhmeätuhwahnid enewh Kesha‐Muhnedoon ewh azhesinsenook tebahkoonegawin.

OODEZHECHEGAWINEWAH 22:22

Oogebezindahwahwaun dush nahnaunzh oo‐oo keëkedood, me dush uhpe keähshequawaud, oo‐oo keëkedoowaud, Ahwus mahjeweezh mahbuh enenewish uhkeeng oonje, kah muh ahpeetandahgoozese chebemahdezid.