St Matthew 26:24 - Ottawa New Testament Penteteuch and Psalms 1874

²⁴ Owh suh Enene oogwissun mahjah debishkoo anahjemind emuh oozhebeëguning: tahkeche‐kooduggeze suh owh enene kabahtahaud enewh Enene oogwissun nahwuj tahgeooneshenene owh enene wekah negesegoobun.

St Matthew 26:24 Iomraidhean Croise

GENESIS 3:15

Kuhya ningahenahkoonega chesheenganindeyag keen kuhya equa, kuhya chesheenganindewaud keen kenejahnesug kuhya ween oonejahnesun; ween egoo kegahshahshahgoondebashkaug, kuhya keen kegahshahshahgoodoondenashkahgoon.

PSALMS 55:15

Nishwahnahdezewinun oogahoodissegoonahwah, kuhya ahnahmuhkummig tahezhahwug magwah bemahdezewaud: mujje‐ezhewabezewinun ahyahmahgudoon emuh oowegewaumewaung, kuhya peenjenuh oodaëwaung.

PSALMS 55:23

Oogoo dush ween keen, O Kesha‐Muhnedoo, kegahniswabenaug emuh nishwahnahdezewine wahnekauning.

St Matthew 18:7

Kahgwahnesuhguhkumig suh ewh uhkee oonje mujje‐doodahgawinun! pooch mahween tahtuhgwishenoomahgudoon mujje‐doodahgawinun; kahgwahnesuggeze suh owh enene kaöonjeemahgudenegwan ewh mujje‐doodahgawin!

St Matthew 26:31

Medush uhpe Jesus oo‐oo enaud, Noongoom tebekuk, kenuhwah kuhkenuh kegahoosittahwandaum neen oonje; oo‐oo muh ezhebeëgahda, Ningahpuhkittawah owh mahnishtahneshe‐wenene, egewh dush mahnishtahnishug waqueenoojig tahsuhswashkahwahwug.

St Matthew 26:54

Ahneen dush ween kaëzhedebishkoosagebun enewh oozhebeëgunun, oo‐oo cheweëzhewabuk akedoomahgukkin?

St Matthew 26:56

Kuhkenuh dush oo‐oo keëzhewabud, chetebishkoosag oodoozhebeëgunewah egewh aunwahjega‐wenenewug. Me dush kenuhguhnegood kuhkenuh enewh ookekenooähmahgunun, keoozhemoowun dush.

ST. MARK 14:21

Kagate ezhemahjah owh Enene oogwissun debishkoo anahjemind emuh kechetwah‐oozhebeëguning: tahkeche‐kuhgwahnesugge‐ketemahgeze owh enene, enewh kabahtahegoojin owh Enene oowissun! nahwuj suh tahgeoonesheshene wekah negesegoopun.

ST. MARK 9:12

Oogenuhquatuhwaun dush, oo‐oo keënaud, Kagate netum peëzhah owh Elias, kuhya oodaunjetoonun kuhkenuh uhyeëen; kuhya oozhebeëgahdag, owh enene oogwissun nebewah chewekooduggandung, kuhya cheneshebahpenoodahwind.

ST. LUKE 22:22

Kagate mahjah owh Enene Oogwissun debishkoo enahkoonind: tahkeche‐sunnuggeze suh dush owh enene enewh bahyahtahegoojin.

ST. LUKE 24:46

Oo‐oo dush keënaud, Me oo‐oo azhebeëgahdag, mesuh dush nunduhwandahgoozid owh Christ chekooduggezid, kuhya neboowining cheöonjeähbejebaud nasoogoonuhguddenig:

ST. JOHN 17:12

Magwah ween keweejewugwah emuh uhkeeng, ningeguhnuhwanemaug emuh kedezhenekahzoowining; ewewh dush kahmeezheyun (ningekezhahnaug,) kah dush ahweyah kewuhneähse, owh suh atuh nishwahnahdezewine Wagwissemind, cheöonjedebishkoosag ewh kechetwah‐oozhebëegun.

ST. JOHN 19:24

Oo‐oo dush keëdewug, Kahween ninduhwauj kegahpegoobetoosemin, ahtahdekundahdedaun suh goo, ahwagwan kaähyahmoogwan; chedebishkoosag dush ewh oozhebeëgawin, oo‐oo akedoomahguk, Kemahdahoonedewug enewh nindahgwewinun, kuhya dush ewh nepuhpesuhkoowahgun oogeähtaundekundahnahwah. Mesuh oonoo kahuhyezhechegawaud egewh shemahgunishug.

ST. JOHN 19:28

Me dush Jesus kekandung ahzhuh kuhkenuh ahnooj gagoo kedebishkoosag, chedebishkoosag ewh oozhebeëgun, oo‐oo ekedoo, Nekishkahbahgwa.

OODEZHECHEGAWINEWAH 2:23

Wah‐owh, pagedenegahzood oonje oodenanduhmoowin kuhya kezhah kahenahkoonegagoobunan owh Kesha‐Muhnedoo, kegetuhkoonahwah, kuhya anuhmeähsigoog ooneenjewaun ahyooyag kegeähgwahquahwahwah kuhya kegenesahwah:

OODEZHECHEGAWINEWAH 28:23

Uhpe dush kezhah kahwahweenduhmoowaud kezhik, nebewah kepeëzhahwug emuh andaud; oogewahweendahmoowaun kuhya oogedebahjemootahwaun oodoogemahwewin owh Kesha‐Muhnedoo, kedebahjemaud enewh Jesusun, oonje ootebahkoonegawining owh Moses, kuhya aunwahjegawining, keekezhab kemahjetaud nahnauzh dush egoo keöonahgooshig.

OODEZHECHEGAWINEWAH 4:28

Chetebishkoosittoowaud ewh kuhyet kahenanduhmun kuhya kahenahkoonegayun cheëzhewabuk.

I. CORINTHIANUN 15:3

Ewh suh ahpeche netum kegepuggedenuhmoonenim ewh neen kahmeenegooyaun, owh Christ kenebood kemujje‐ezhewabezewinenahnin oonje, debishkoo ekedoomahguk enewh kechetwah‐oozhebeëgunun;