St Matthew 26:10 - Ottawa New Testament Penteteuch and Psalms 1874

¹⁰ Uhpe dush Jesus kahkekandung, oo‐oo oogeënaun, Ahneshwin megooshkahjeäg wah‐owh equa? oonesheshin suh ewh kahdoodahwid.

St Matthew 26:10 Iomraidhean Croise

St Matthew 26:11

Kahgenig kedahyahwahwaug egewh katemahgezejig anduhzhe‐ahyahyag; neen dush ween kahween kahgenig kedahyahweseem.

St Matthew 26:9

Tahgeähtahwam muh maunduh noomenegun, nebewah dush shooneyah tahgekushkechegahda, chemeenindwahpun egewh katemahgezejig.

ST. MARK 14:6

Jesus dush oo‐oo keëkedoo, Poonemik! ahneeshwin megooshkahjeäg? ningemenoo‐doodaug oo‐oo kahdoodahwid.

ST. LUKE 8:49

Magwah dush kayahbe kekedood, peëzhahwun pazhik kahbeöonjebahnid emuh andaud owh wagemahkundung ewh ahnuhmeä‐weguhmig, oo‐oo dush keëgood, Ahzhe keneboo kedahnis; kagoo oodummeähkan owh kakenooahmahgad.

II. CORINTHIANUN 9:8

Kuhya ween Kesha‐Muhnedoo enandahgooze chepuggedenuhmoonenag nebewah shahwandahgoozewin; kenuhwah, ahyahmag menik katabesag ahnooj gagoo, chewahnuhdezeyag emuh kuhkenuh menoo‐ahnookewining:

GALATIANUN 1:7

Kahween pukkaun minwahjemoowiu ahwunsenoon; ahnind suh kemegooshkahjeëgoowah wepukkaunesittoowaud ewh oominwahjemoowin owh Christ.

GALATIANUN 5:12

Ahpakish sahgeje‐wabenegahzoowahpun egewh magooshkahjeënagoog.

GALATIANUN 6:17

Kagoo dush menuhwah ahweyah ningahmegooshkahjeëgoose, nepahbahmewetoonun muh emuh neyowing ootahahpissahbahwawinun Tabaningad Jesus Christ.

EPHESIANUN 2:10

Kenuhwind muh keduhwemin ewh oodahnookeewin, keöozheënung emuh Christ Jesusing cheöonje‐menoo‐ezhewabezeyung, kuhyet kahenahkoonegagoobunan Kesha‐Muhnedoo chebemoosayung emuh.

COLOSSIANUN 1:10

Quuhyuk cheëzhebemoosayag emuh kuhkenuh minwanduhmoowining kaëzhebemoosawahpun egewh bameetahwahjig enewh Tabaninganejin, meekoogetooyag kuhkenuh menoo‐ahnookeewinun, ashkum dush kekanemag owh Kesha‐Muhnedoo;

II. THESSALONIANUN 2:17

Kegahmenoodaäëgoowah, kuhya kegahsoonge‐kahbahweëgoowah emuh kuhkenuh menoo‐ekedoowining kuhya menoo‐ahnookeewining.

I. TIMOTHEUSUN 3:1

Dabwamahgud maunduh ekedoowin, Kishpin enene nundahwandung makuhdawekoonuhya oodahnookeewin oonunduhwandaun wanesheshing ahnookeewin.

I. TIMOTHEUSUN 5:10

Kishpin minwahjemind oonje enewh menoo‐ahnookeewinun; kishpin kenetahwuggeäud enewh ahbenoojeeün, kishpin keöodahpenaud enewh mahyahdahwezenejin emuh oowegewauming, kishpin kesebegenahmahwahgwan enewh anuhmeähnejin oosittahne, kishpin keshahwanemahgwan enewh quaduggezenejin, kishpin kemekinduhmoogwan kuhkenuh wanesheshingin anookeewinun.

II. TIMOTHEUSUN 2:21

Kishpin dush ahweyah oonje peenedezood oonoo uhyeëen, me suh owh debishkoo kachetwahwandahgwuk oonahgun kaënandahgoozid, dabandahgwuk emuh ahnuhmeähwining, apeetandahgwuk cheähyood owh wawegewaumid, kuhya wawazhechegahdag emuh kuhkenuh menoo‐ahnookewining cheënahbuttuk.

ENEWH TITUSUN 1:16

Nekekanemahnaun Kesha‐Muhnedoo, inwahzoowug; emuh dush oodahnookeewinewaung oodahgoonwayanemahwaun, kuhgwahnessuggandahgoozewug, kuhya kuhgaunzetuhmoog, kah dush kushkeöosewug chewuhwanahbunduhmoowaud gagoo wanesheshing ahnookewin.

ENEWH TITUSUN 2:14

Owh kahpuggedenedezood kenuhwind oonje, chewabenuhmoonung kuhkenuh mujje‐ezhewabezewinun, chepeeneäud enewh ween katebanemahjin oodahnishenahbamun, chekeche‐minwawezenid emuh menoo‐ahnookeewining.

ENEWH TITUSUN 3:1

Mequanduhme chenuhittuhmoowaud enewh oogemah‐wandahgoozewinun kuhya enewh kushkeawezewinun, chedabwatahwahwaud enewh tebahkoonega‐wenenewun, chekezheetahwaud ewh chemeekinduhmoowaud kuhkenuh enewh wanesheshingin ahnookeewinun,

ENEWH TITUSUN 3:14

Egewh dush wahdookoonungoog tahezhekekenooäh-mahgoozewug cheähnookeetuhmoowaud wanesheshingin ahnookeewinun kamenoo‐enahbuhdukkin, cheähnezheetunsigwah wemekoogewaud.

ENEWH TITUSUN 3:8

Dabwamahgud oo‐oo ekedoowin; nindenandum dush moonzhug chedebahdoodahmun, egewh kahdabwayanemahjig enewh Kesha‐Muhnedoon cheähyaungwahmezewaud chemekinduhmoowaud wanesheshingin ahnookeewinun. Oonesheshinoon suh oonoo uhyeëen kuhya oonoo ahwunoon kaöonje‐oondezewaud enenewug.

HEBREWUN 13:21

Keche‐menoo‐ezhewabezeënag emuh kuhkenuh menoo‐ahnookewining cheähnookeetuhmag ween oodenanduhmoowin, kuhya cheöozhetoomoonag emuh keyowewaung ewh manwandahgwuk emuh ooshkinzhegoong, oonje Jesus Christ; owh kapezhegandahgoozid kahgenig kuhya kahgenig. Amen.

I. PETER 2:12

Cheminwandahgwuk kedezhewabezewinewah emuh anahsuhmewaud egewh mayuggezejig, ahnuhween goo mujje‐duzzhemenagwah debishkoo maje‐ezhewabezejig, uhpe kewahbunduhmoowaud kemenoo‐ezhewabezewinewah, chepeshegandahgooähwaud enewh Kesha‐Muhnedoon, uhpe pagummeähyahmahguk ewh moowuddeshewa‐kezhik,