St Matthew 24:5 - Ottawa New Testament Penteteuch and Psalms 1874

⁵ Nebewah muh tahpeëzhahwug emuh nindezhenekahzoowining, oo‐oo cheëkedoowaud, Neen nindowh owh Christ; oogahwuhyazhemahwaun dush nebewah.

St Matthew 24:5 Iomraidhean Croise

St Matthew 24:11

Nebewah dush wuhyazhenga‐aunwahjega‐wenenewug tahpenahgoozewug, oogahwuhyazhemahwaun dush nebewah bamahdezenejin.

St Matthew 24:24

Tahpenahgoozewug wuhyahzhinga‐Christug, kuhya wuhyazhinga‐aunwahjega‐wenenewug, chewahbundahewawaud enewh keche‐kekenoowahjechegunun, kuhya enewh mahmaundahwejegunun; kagah suh chetawuhyazhemahwaud enewh kagegenindjin, kishpin suh enandahgoozenid chewuhyazhememind.

ST. JOHN 5:43

Ningepeëzhah emuh oodezhenekahzoowining owh Noos, kah dush kegeöodahpeneseem: kishpin pakahnezid peëzhaud emuh tebenuhwa oodezhenekahzoowining, mesuh owh kaöodahpenag.

ST. JOHN 8:24

Mesuh kahoonjeënenuhgoog, Kegahneboom emuh kemujje‐ezhewabezewinewaung; kishpin muh dabwayanemesewag ewh ahweyaun, kegahneboom emuh kemujje‐ezhewabezewinewaung.

ST. JOHN 8:28

Jesus dush oo‐oo oogeënaun, Uhpe dush keöombenag owh Enene Oogwissun, me dush kakekanduhmag neen ahweyaun; kah dush gagoo neen tebenuhwa nindezhechegase; debishkoo azhekekenuhahmoowid owh Noos, mesuh azhekekedooyaun.

I. JOHN 2:18

Ahbenoojewedoog, zhuhyegwah weïshquah‐kezhegud: debishkoo dush kahnoonduhmag chewetuhgwishing anti‐Christ, noongoom bahtuhyeïnwug egewh anti‐Christug; mesuh wanje‐kekanduhmung zhuhyegwah cheweïshquah-kezheguk.

I. JOHN 2:22

Ahwanan owh natuh‐kewuhnemood? kah nuh ween owh akedood, Jesus kahween Christ ahwese? Mesuh owh anti‐Christ, owh ahyahgoonwayanemaud enewh Wayoosemindjin kuhya enewh Wagwissemindjin.

I. JOHN 4:3

Kuhya anduhshid oojechaugoomah akedoosig kepeëzhaud Jesus Christ emuh weyausemaung, kahween Kesha‐Muhnedoong oonjebahse; mesuh enewh oojechaugwun anti‐Christ, owh kahnoondahgayag wetuhgwishing, noongoom dush zhuhyegwah ahyah oomah uhkeeng.

REVELATION 13:8

Kuhkenuh dush egewh anduhnuhkeejig emuh uhkeeng oogahoojecheengwuhnetahwahwaun, menik anduhshewaud wazhebeëgahdasenenig oodezhenekahzoowinewaun emuh oobemahdezewine‐muzzenuheguning owh Mahnishtahnisheens kahnesind oonje kahmahje‐oozhetoong ewh uhkee.