St Matthew 24:3 - Ottawa New Testament Penteteuch and Psalms 1874

³ Magwah nuhmuhduhbid emuh wahjewing ewh Olives, oogepenaunzekahgoon enewh ookekenooahmahgunun anduhzhe‐nezhekawezid, oo‐oo keëkedoonid, Weenduhmooweshenaum, ahneen uhpe oonoo kaëzhewabuk? ahneen dush kaëzhekekenoowahjechegunewung uhpe wepetuhgwishenun, kuhya weëshquah‐uhkeewung?

St Matthew 24:3 Iomraidhean Croise

St Matthew 13:36

Me dush kepuhgedenaud enewh ahneshenahban owh Jesus, kepeendega dush emuh wegewauming; oogepenaunzekahgoon dush ookekenooähmahgunun, oo‐oo keëgood, Weenduhmooweshenaum azhenesettootahgwuk ewh ahwajegun kahdebahduhdoomun enewh mujje‐mezhushkoon emuh ketegauning.

St Matthew 13:49

Me suh kaëzhewahbuk uhpe eshquah‐uhkeewung; tahpeëzhahwug egewh angenug, pühkayeëe cheähsahwaud enewh maje‐ëzhewabezenejin emuh dush ween ahyahnid enewh manoo‐ezhewabezenejin.

St Matthew 15:12

Me dush kepenaunzekahgood enewh ookekenooähmahgunun, oo‐oo dush keëgood, Kekekandaun nuh ewh keöosittuhwanduhmoowaud egewh Phariseeg, uhpe kahnoonduhmoowaud ewh kedekedoowin?

St Matthew 16:27

Tahpeëzhah suh owh Enene oogwissun emuh oopezhegandahgoozewinening oosun chepeweejewegood dush oodangenemun; medush uhpe kameenaud kuhkenuh enewh bamahdezenejin debishkoo anandahgwudenig oodahnookewinene.

St Matthew 16:28

Kagate suh kedenenim, Ahnind suh ahyahwug oomah nahbahwejig kataungoonduhsegoog ewh neboowin, nahnauzh chewahbuhmahwaud enewh Enene oogwissun peëzhahnid emuh oodoogemahwandahgoozewining.

St Matthew 17:19

Egewh dush kekenooähmahgunug oogepenaunzekahwahwaun enewh Jesusun kenezhekawezenid, oo‐oo dush keënahwaud, Ahneshwin nenuhwind kekushkeähsewungid chesahgeje‐wabenungid?

St Matthew 21:1

Uhpe pashoo ahneduhnezewaud emuh Jerusaleming ahzhe anetuhgwishenoowaud emuh Bethphageïng, emuh wahjewing Olives azhenekahdag, medush uhpe Jesus keähnoonaud neezh enewh ookekenooähmahgunun.

St Matthew 24:27

Debishkoo muh ewh ahnemekee‐wahwahsuhmoowin wahbunoong peoonjebahmahguk, uhneëzhesuhgahtag nahnauzh ewede ninguhpaünnoong; mesuh nahsaub kaëzhewabuk uhpe tagwishing owh Enene oogwissun.

St Matthew 24:30

Medush ewh uhpe chewahbunduhmoowaud ookekenoowahjechegun Enene oogwissun ewede kezhegoong; chenuhneenahwanduhmoowaud kuhkenuh egewh ahnooj azheweenzoojig oomah uhkeeng, oogahwahbuhmahwaun dush enewh Enene oogwissun peëzhahnid emuh kezhegoong duhzhe‐ahnuhquuhdoong pegegezenid dush kushkeäwezewin kuhya keche‐peshegandahgoozewin.

St Matthew 24:37

Kahezhewabuk enewh ookezhegudoomun owh Noah, me nahsaub kaëzhewabuk uhpe petuhgwishing owh Enene oogwissun.

St Matthew 24:39

Kahween dush oogekekanduhsenahwah nahnauzh egoo puhgummeshkahgoowaud ewh mooshkuhummoowin kemahjewenegoowaud edush kuhkenuh; mesuh nahsaub kaëzhewabuk uhpe petuhgwishing owh Enene oogwissun.

St Matthew 24:43

Oo‐oo kekandahmook, keshpin owh wawegewaumid kekekandungebun apeech‐tebekuk wetuhgweshingebun owh kamoodishkid, tahgeähkahwahbe, kah dush oodahgepuggedenunseen ewh oowegewaumun chegepegoobejegahdanig.

St Matthew 28:20

Kekenooahmahwik dush cheguhnuhwanduhmoowaud kuhkenuh enewh kahezhekuhgekemenuhgoog; benuh dush, kahgenig keweejewenim, nahnauzh egoo ishquah-uhkewung. Amen.

ST. LUKE 21:7

Oogeguhgwajemahwaun dush, oo‐oo keëkedoowaud, Kakenooähmahgayun, ahneen uhpe kadebishkoosag oonoo uhyeëen? ahneen dush kadezhekekenoowahjechegunewung uhpe zhuhyegwah wedebishkoosag?

OODEZHECHEGAWINEWAH 1:7

Oo‐oo dush oogeënaun, Kahween kenuhwah kedenandahgoozeseem chekekanduhmag enewh kezhegudoon, kahahtood owh Wayoosemind emuh tebenuhwa oomushkahwezewining.

HEBREWUN 9:26

Kishpin mahween oo‐oo azhewabukebun tahgenundahwandahgooze nuhningim chekootuggandung pahahkoo‐oozhechegahdag ewh uhkee: noongoom suh gagah weïshquah‐uhkeewung ahbeting kepenahgooze cheëkoonung mujje‐ezhewabezewin oonje kesahsahgewetood tebenuhwa weyow.