St Matthew 24:14 - Ottawa New Testament Penteteuch and Psalms 1874

¹⁴ Kuhya dush maunduh oogemahwewine‐minwahjemoowin tahwahweenjegahda anegookookummegaug uhkee chedebahjemootahwindwah kuhkenuh ahnooj azheweenzoojig ahneshenahbag; medush ewh uhpe chewuhyaquahkummeguk.

St Matthew 24:14 Iomraidhean Croise

St Matthew 10:7

Anepahbahmahdezeyag, debahjemooyook, oo‐oo kaekedooyag, Pashoo peähyahmahgud ewh Keche‐kezhegoong oonje oogemahwewin.

St Matthew 18:19

Menuhwah kedenenim, Keshpin neezheyag, nuhyanzh dush goo mahmahwe enanduhmag oomuh uhkeeng wagoodoogwan kanundooduhmoowagwan, mesuh kadoodoonag ewh Noos keche‐kezhegoong ayaud.

St Matthew 24:3

Magwah nuhmuhduhbid emuh wahjewing ewh Olives, oogepenaunzekahgoon enewh ookekenooahmahgunun anduhzhe‐nezhekawezid, oo‐oo keëkedoonid, Weenduhmooweshenaum, ahneen uhpe oonoo kaëzhewabuk? ahneen dush kaëzhekekenoowahjechegunewung uhpe wepetuhgwishenun, kuhya weëshquah‐uhkeewung?

St Matthew 24:6

Kegahnoondaum suh ewh megahding kuhya muhtwamegahding; aungwahmezeyook, kagoo megooshkahdandunkagoon: nundahwandahgwud muh kuhkenuh chetebishkoosag, kah dush muhshe wuhyaquahsasenoon.

St Matthew 4:23

Jesus dush kepahbahezhah emuh mezewa Galileeïng, kuhgequad emuh oosynagogueoomewaung kuhya tebahdoodung ewh oogemahwewine minwahjemoowin, kuhya kenoojemootood ahnooj enahpenawinun kuhya ahkoosewinun magwa ahneshenahbang.

St Matthew 9:35

Jesus dush oogepahpahezhahnun kuhkenuh enewh oodanahwun kuhya oodanaunsun, pahpahkekenooahmahgad emuh oodahnuhmeä‐weguhmegoowaung, kuhya kepahpahtebahdoodung ewh oogemahwine‐menwahjemoowin, kuhya kepahpahnoojemootood kuhkenuh ahkoosewinun uhya kuhkenuh nuhnepenezewinun.

ST. MARK 13:10

Enahkoonegam suh goo ween ewh minwahjemoowin chedebahjemootahwindwah kuhkenuh ahnooj azheweenzoojig ahnishenahbag chepwah oo‐oo ezhewabuk.

ST. LUKE 2:1

Kepuhgummeähyah dush uhpe oonoo kezheguddoon, keënahkoonega owh Cæsar Augustus, kuhkenuh akeewejig cheoozhebeëgahzoowaud.

ST. LUKE 24:47

Ewh ahnuhwanindezoowin kuhya chewabenegahdag mujje‐ëzhewabezewin oodezhenekahzoowin oonje, chewahweenduhmoowindwah kuhkenuh pukkaun azheweenzoojig ahnishenahbag, cheöonjemahjetaung emuh Jerusaleming,

ST. LUKE 4:5

Uhpe dush owh mujje‐muhnedoo kahezheweenaud emuh kache‐ishpahdenahnig wahjewing, kazhetena dush oogewahbundahaun kuhkenuh uhkeeng duhzhe oogemahwewinun.

OODEZHECHEGAWINEWAH 1:2

Peenish ewh kezheguk uhpe keëzheöodahpenind ewede ishpeming, kahishquah‐kuhgaunzoomaud emuh Keche‐Oojechaugoong enewh apostleün, kahwahwanahbuhmahjin:

OODEZHECHEGAWINEWAH 11:28

Pazhik dush Agabus azhenekahzood kepuhsegwe, Keche‐Oojechaugwun kahoonjewahweenduhmahgad, wepukkuddakummegaug emuh anegookookummegaug uhkee: oo‐oo suh kepuggumme‐ahyahmahgud uhpe ookezhegudoomun owh Claudius Cæsar.

OODEZHECHEGAWINEWAH 17:31

Oogewahweendaun muh ewh kezhik, uhpe katebahkoondung ewh uhkee emuh quuhyukezhewabezewining oonje-enewh enenewun kahwuhwanahbuhmahjin; me ewh kahenahjemootahwaud kuhkenuh enenewun, ewh keähbejebahaud enewh.

OODEZHECHEGAWINEWAH 17:6

Uhpe dush kahmekahwahsigwah, oogeëzheweenahwaun enewh Jasonun kuhya ahnind wejekewaëmaun emuh anahsuhmuhbenid enewh wagemahkundemenejin keche‐oodanah, oo‐oo keëzhepepahgewaud, Egewh kahquakesetoojig ewh uhkee zhuhyegwah kepetuhgwishenoog oomah;

OODEZHECHEGAWINEWAH 19:27

Kahween dush atuh nuhneezahnuhsenoon maunduh kedahnookewinenaun chebahnahduk; kuhya dush begoo ookeche‐ahnuhmeä‐weguhmig owh kachetwahwezid muhnedooqua Diana chenishwuhnahdudenig, kuhya chebahnahdudenig, ookechetwahwezewin owh anuhmeätuhwind emuh anegookwaug Asia kuhya anegookookummegaug uhkee.

OODEZHECHEGAWINEWAH 20:25

Benuh dush, nekekandaun, kenuhwah kuhkenuh kahpahpahkuhgeekemenenuhgoog ewh oodoogemahwewin owh Kesha‐Muhnedoo, kah wekah menuhwah kegahwahbuhmeseem.

ROMANUN 10:18

Nindekid suh dush, Kah nuh ween kenoondahgasewug? Aahe, kagate, oodinwawinewah mezewa uhkeeng ketabishkahne, kuhya oodekedoowinewah nahnauzh egoo ewede wuhyaquahkummegaug oo‐oo uhkee.

COLOSSIANUN 1:23

Kishpin minjemanduhmag ewh dabwayanduhmoowin soongekahbahweyag, kuhya mushkahwegeyag kuhya quakeëgoosewag ewh oonje ahpanemooyag minwahjemoowin kahnoonduhmag, kuhya kahdebahjemootuhwindwah kuhkenuh kahoozheïndjig oomah uhkeeng ayahjig; me suh ewh bameetuhmaun neen Paul;

COLOSSIANUN 1:6

Ewh kahoodissegooyag debishkoo azheähyahmahguk mezewa oomah uhkeeng; kuhya netuhwuggetoomahguk ewh meenewinun, debishkoo azhenetuhwuggetoomahguk emuh keyowewaung, uhpe ewh kezheguk mahyahje-noonduhmag, kuhya mahyahje‐kekanduhmag ewh ooshahwanjegagawin owh Kesha‐Muhnedoo emuh dabwawining:

HEBREWUN 1:6

Menuhwah dush, uhpe paundeguhnaud enewh oonetumoozhahnun oogwissun oomah uhkeeng, oo‐oo ekedoo, Mahnoo kuhkenuh enewh Kesha‐Muhnedoo oodangenemun oogahoojecheengwuhnetahgoon.

HEBREWUN 2:5

Kah muhoogepuggedenuhmoowahseen enewh angenun chedebanduhmenid ewh kapetuhgwishenoomahguk uhkee ewh dabahdooduhmaung.

REVELATION 14:6

Ningewahbuhmah dush menuhwah pahzhik angen pemesad emuh nahwuhyeëe kezhegoong, ahyaud ewh kahgega‐minwahjemoowin chedebahjemootuhwaud enewh anduhnuhkenejin emuh uhkeeng, kuhya kuhkenuh enewh ahnishenahban, kuhya papukkaun azheweenzoonejin, kuhya papukkaun anwanejin, kuhya bamahdezenejin,

REVELATION 16:14

Mesuh mujje‐muhnedoog oojechaugoowaun, kemahmaundahwejegawug, oodezhahnahwaun dush kuhkenuh uhkeeng duhzhe keche‐oogemaun, ahwemahwunjeähwaud enewh chemegahzoonid, uhpe oomegahdewine‐kezhegudoom owh Mahyahmahwe‐mushkahwezid Kesha‐Muhnedoo.

REVELATION 3:10

Oonje keguhnuhwanduhmun ewh neminwahdanduhmoowine‐ekedoowin, kuhya neen kegahguhnuhwanemin uhpe tagwishenoomahguk kuhgwatebanjegawin, mezewa oomah uhkeeng kaëzhekuhgwatebanemindwah kuhkenuh uhkeeng ayahjig.