St Matthew 23:7 - Ottawa New Testament Penteteuch and Psalms 1874

⁷ Kuhya uhnuhmekahgoowinun emuh ahtaundewining, kuhya Rabbi, Rabbi, cheëzhewenegoowaud enewh enenewun.

St Matthew 23:7 Iomraidhean Croise

St Matthew 11:16

Ahneen dush kaëzheähwaügwah oogoo noongoom bamahdezejig? Tahbeshkoo suh ahbenoojeyug namuhduhbejig emuh ahtaunde‐weguhmigoong, oo‐oo azheguhnoonahwaud enewh wejekewaëwaun.

St Matthew 23:8

Kahween kenuhwah Rabbi, kegahezhewenegooseem: Pazhigoo muh kekekenooahmahga‐wenenemewah, medush owh Christ; kuhkenuh dush kenuhwah kedoowejekewaïndeem.

St Matthew 26:25

Oogenuhquatahgoon Judasun, enewh kahbahtahegoojin, oo‐oo keëgood, Neen nuh, Rabbi? oo‐oo dush oodenaun, Kegeëkid suh.

St Matthew 26:49

Bahbega dush naunzekahwaud enewh Jesusun, oo‐oo keëkedoo, Keduhnemikoon, Rabbi; anegook edush oogeöojemaun.

ST. MARK 10:51

Jesus dush oogenuhquatuhwaun, oo‐oo keënaud, Wagoonan nanduhwanduhmun chedoodoonaunbaun? Owh dush kakepeengwad oo‐oo oogeënaun, Rabouni, ewh suh chewahbeyaunbaun.

ST. MARK 11:21

Peter dush mequandung oo‐oo oodenaun, Rabbi, wahbum owh figoomeezh kahnahneboomudebun, ahzhe meshewahkooze.

ST. MARK 12:38

Magwah dush kekenooähmahgad oo‐oo oogeënaun, Ahkahwahbuhmik egewh oozhebeëga‐wenenewug, minwanduhmoog suh chekuhgaunwabegekoonuhyawaud, kuhya cheähnemikahwindwah emuh anduhzhe‐ahtaunding.

ST. MARK 14:45

Uhpe dush kahtuhgwishing, kazhetena oonaunzekahwaun, oo‐oo dush oodenaun, Rabbi! Rabbi! kuhya dush keoojemaud.

ST. MARK 9:5

Peter dush oogenuhquatuhwaun enewh Jesusun, oo‐oo keënaud, Rabbi, keche oonesheshin oomuh cheduhnezeyung: tuhguh ningahoozhetoonahnin neswe wegewaumun, keen pazhik chedahyun, kuhya dush ween Moses pazhik, kuhya Elias pazhik.

ST. LUKE 11:43

Kekuhgwahnesuggandahgoozeem kenuhwah Phariseeweyag! kesahgetoonahwah muh enewh kache‐ishpandahgwukin ahbeewinun emuh ahnuhmeä‐weguhmigoong, kuhya ahnahmekoodahdewinun emuh ahtaundewining.

ST. JOHN 1:38

Me dush kequakekahbahwid owh Jesus, kewahbuhmaud dush penoopenuhnegood, oo‐oo dush enaud, Wagoonash nanduhwanduhmag? Oo‐oo dush oogeënahwaun, Rabbi, (me suh ahnekenootuhming, Kakenooähmahgayun) ahneende andahyun?

ST. JOHN 1:49

Nathanaël dush oogenuhquatuhwaun oo‐oo enaud, Rabbi, keen suh kedoogwissemik owh Kesha‐Muhnedoo; keen suh kekeche‐oogemahkundahwah owh Israel.

ST. JOHN 11:8

Oo‐oo dush oodegoon enewh kekenooähmahgunun, Rabbi, noomuhyuh kegenunduhpemwahsenuhegoog egewh Jewyug, menuhwah dush kedezhah ewede?

ST. JOHN 20:16

Jesus dush oo‐oo oodenaun, Mary! Kequakekahbahwe dush, oo‐oo oodenaun, Rabboni! mesuh oo‐oo ekedoong kakenooähmahgayun.

ST. JOHN 3:2

Wah‐owh oogepenaunzekahwaun enewh Jesusun magwah tebekudenig, oo‐oo keënaud, Rabbi, nekekandahmin keen ahweyun owh kakenooähmahgad Kesha‐Muhnedoong pahoojebaud, kah muh ahweyah oodahkushketoosenun oonoo mahmaundahwejegunun keen azhechegayun, Kesha‐Muhnedoon atuh weejewegood.

ST. JOHN 3:26

Oogepenaunzekahwahwaun dush enewh Johnun, oo‐oo dush keënahwaud, Rabbi, owh kahweejewud ewede ahgahme‐seebe Jordan, kahdebahjemud, benuh, ween baptizooëwa, kuhkenuh dush oopenaunzekahgoon.

ST. JOHN 4:31

Magwah goo oo‐oo ezhewabuk, enewh ookekenooähmahgunun oogenundoomegoon oo‐oo keëgood, Rabbi, pewesenin.

ST. JOHN 6:25

Uhpe dush kahmekahwahwaud ewede ahgahme‐kechegummee, oo‐oooogeënahwaun, Rabbi, ahneen ahpeech kepeëzhahyun oomah?

ST. JOHN 9:2

Ookekenooähmahgunun dush oogekuhgwajemegoon, oo‐oo keëgood, Rabbi, Ahwanan kahmujje‐ezhechegad, wah‐owh enene, gamuh ooketezemun, ewh kahoonjekuhkepeengwa‐negegoobunan?