St Matthew 23:4 - Ottawa New Testament Penteteuch and Psalms 1874

⁴ Ootahkoobetoonahwah muh mewunekaunun kache-koosegwungin kuhya sanuggukkin chepemoonduhming, pemewunaähwaud dush enewh enenewun, wenuhwah dush ween kah kuhnuhga ooneenjewaung enanduhsewug cheoombenuhmoowaud.

St Matthew 23:4 Iomraidhean Croise

St Matthew 23:23

Kekuhgwahnesuggandahgoozeem kenuhwah, oozhebeëga‐wenenewedoog kuhya Phariseewedoog anuhmeäkahzooyag! ketebahegam muh ewh mint kuhya anise kuhya cummin, uhpe tabahahmahgayagoon enewh makuhdawekoonahya‐tebahahmahgoowin, kah kuhya kedezhechegaseem enewh kachetwahwandahgwukin emuh tebahkoonegawining atagin, ewh quuhyuk tebahkoonewawin, kuhya shahwanjegawin, kuhya ewh dabwayanduhmoowin: oonoo suh kedahgeëzhechegam, kah dush kedahgeäunwakunsenahwah enewh ewede ahnind.

St Matthew 23:3

Kuhkenuh dush anenagwah cheguhnuhwanduhmag guhnuhwanduhmook kuhya ezhechegayook; oodezhechegawinewaun suh atuh kagoo ezhechegakagoon: kekedoowug muh, kahween ezhechegasewug.

ST. LUKE 11:46

Oo‐oo dush keëkedoo, Kuhya këkuhgwahnesuhgandahgooseem kenuhwah tabahkoonega‐weneneweyag! kepemoonduhahwaug muh egewh enenewug enewh quasegwungin mewunekaunun, kah kuhnuhga pazhik keneenjewaun ketaungenunsenahwah enewh mewunekaunun.

OODEZHECHEGAWINEWAH 15:10

Wagoonash dush wanjekuhgwatebanemag Kesha‐Muhnedoo, chenahbekahwagwah egewh kekenooahmahgunug ewh nahbekahwahgun kahkushketoosigwah kooseminahbuneeg chepemewetoowaud kuhya kenuhwind kahkushketoosewung?

OODEZHECHEGAWINEWAH 15:28

Oogeminwandaun suh owh Keche‐Oojechaug kuhya nenuhwind ningeminwandahmin, chepemoondahegoosewag nahwuj kwasegwungin mewunekaunun, me dush atuh oonoo nandahwandahgwukkin uhyeëen;

GALATIANUN 6:13

Kah suh dush wenuhwah kakenoowahje‐kishkezhegahzoojig ooguhnuhwanduhsenahwah ewh tebahkoonegawin; kenunduhwanemegoog dush chekekenoowahje‐kishkezhegahzooyag ewh chemuhmequahzoowaud oonje enewh keweyausewah.

I. JOHN 5:3

Me muh oo‐oo‐oosahgeëwewawin Kesha‐Muhnedoo, cheguhnuhwanduhmoowung ookuhgequawinun: kah dush sunnuggussenenewun ookuhgequawinun.

REVELATION 2:24

Kedenenim dush kenuhwah, kuhya ahnind ayahjig emuh Thyatiraïng, menik ayaunsegoog maunduh kuhgequawin, kahkekanduhsegoog enewh ookeemoodezewinun Satan, debishkoo akedoowaud. Kah dush kegahpemoonduhesenoonim kagoo pakaunuk pemoonjegawin.