St Matthew 23:23 - Ottawa New Testament Penteteuch and Psalms 1874

²³ Kekuhgwahnesuggandahgoozeem kenuhwah, oozhebeëga‐wenenewedoog kuhya Phariseewedoog anuhmeäkahzooyag! ketebahegam muh ewh mint kuhya anise kuhya cummin, uhpe tabahahmahgayagoon enewh makuhdawekoonahya‐tebahahmahgoowin, kah kuhya kedezhechegaseem enewh kachetwahwandahgwukin emuh tebahkoonegawining atagin, ewh quuhyuk tebahkoonewawin, kuhya shahwanjegawin, kuhya ewh dabwayanduhmoowin: oonoo suh kedahgeëzhechegam, kah dush kedahgeäunwakunsenahwah enewh ewede ahnind.

St Matthew 23:23 Iomraidhean Croise

LEVITICUS 27:30

Kuhkenuh muhyahjegingin emuh uhkeeng menik katebahahmahwindebun sahsahgewejega‐wenene kishpin mane kaunewegwan gamuh kahmenewungwan Jehovah oodebandaun ahweyah, ahpeche oodebandaun Jehovah.

St Matthew 12:7

Keshpin kekanduhmagoobun azhenessettootahgwuk ewh ekedoowin, Nenundahwandaun shahwanendewin, kahween ewh sahsahgewejegawin, kahween kedahgebahtahmahsewaug egewh majeëzhechegasegoog.

St Matthew 23:13

Kekuhgwahnesuggezeem kenuhwah, oozhebeëga‐wenenewedoog kuhya Phariseewedoog, anuhmeäkahzooyag! kekebahquahahmahwahwaug muh egewh enenewug ewh keche‐kezhegoong duhzhe oogemahwewin; kah muh kepeendegaseem kenuhwah, kah dush kepuggedenuhmah-wahsewaug egewh wahpeendegajig chepeendegawaud.

St Matthew 9:13

Ahwenunduhkekanduhmook suh oo‐oo azhenesettootahgwuk, Nenunduhwandaun ewh shahwanendewin, kah dush ween ewh sahsahgewejegawin; kah suh ween ninpeöonjeëzhahse chenundoomugwah egewh manoo‐ezhewabezejig cheäunwanindezoowaud majeëzhewabezejig atuh.

ST. LUKE 11:42

Kekuhgwahnesuhgandahgooseem kenuhwah Phariseeweyag! kedezhetebahahmahgam emuh ahnuhmeähwining ewh manoo‐mahgwuk ahnebeshun, kuhya pahbahmanduhsewag ewh tebahkoonegawin kuhya oosahgeëwawin owh Kesha‐Muhnedoo: kedahgeëzhechegam suh oonoo, enewh bakahnukkin dush ween kahween kedahkuhbekunsenahwaun.

ST. LUKE 18:12

Neezhing nekeëkwishim ningoo‐aunwabe‐kezhig, pazhik suh nemeegewa anduhsoo metahching kuhkenuh nekushkechegunug.