St Matthew 22:44 - Ottawa New Testament Penteteuch and Psalms 1874

⁴⁴ Owh Tabaningad oo‐oo oogeënaun enewh Tabanemejin, Nuhmuhbuhbin emuh nekechenikaung kaähpeech ezheügwah egewh shaunganemikig ewh chetuhtuhkookahnudwah?

St Matthew 22:44 Iomraidhean Croise

GENESIS 3:15

Kuhya ningahenahkoonega chesheenganindeyag keen kuhya equa, kuhya chesheenganindewaud keen kenejahnesug kuhya ween oonejahnesun; ween egoo kegahshahshahgoondebashkaug, kuhya keen kegahshahshahgoodoondenashkahgoon.

PSALMS 110:1

Jehovah oo‐oo oogeënaun enewh Tabanemejin; nuhmuhduhbin emuh nekechenikaung nahnauzh ezheügwah shaunganemikig chetuhkookahnudwah.

PSALMS 21:9

Debishkoo kashahbeketag puhquazhegunekaun, kegahezheäug uhpe nashkahdezeyunin: Jehovah oogahchaugahgoonduhwaug apeech kanishkahdezid, kuhya tahchaugahkezoowug emuh ishkootang.

St Matthew 22:45

Keshpin dush owh David Tabaningad ezhenekahnaud, ahneen dush azheoogwissemahgwan?

St Matthew 26:64

Jesus dush oo‐oo oogeënaun, Kegeëkid suh: pooch kedenenim, Bahmah kegahwahbuhmahwah owh Enene oogwissun nuhmuhduhbid emuh ookechenikaung owh Kache‐mushkahwezid, kuhya petuhgwishing emuh kezhegoong duhzhe ahnuhquudoong.

ST. MARK 16:19

Bahnemah dush kahishquah‐guhnoonaud owh Tabaningad, keche‐kezhegoong keëzheweenah, kenuhmuhduhbe dush emuh ookechenikaung owh Kesha‐Muhnedoo.

ST. LUKE 19:27

Oogoo dush ween shaunganemejig, kahenanduhsegoog cheöogemahkunduhwugwah, peenik kuhya nesik oomah enahsuhmuhbeyaun.

ST. JOHN 20:28

Thomas dush oogenuhquatuhwaun, oo‐oo keënaud, Nindoogemaum kuhya ne‐Kesha‐Muhnedoom.

I. CORINTHIANUN 1:2

Nemahjebeühmahwahnahnig egewh dabandahgoozejig emuh oodahnuhmeäwining owh Kesha‐Muhnedoo ewede Corinthing, egewh dush pahneïndjig oonje Jesus Christ, nandoomindjig chepeenezewaud, kuhya kuhkenuh mezee wahyahweendungig ewh oodoonoozoowin owh Jesus Christ Tabanemenung, wenuhwah kuhya kenuhwind:

I. CORINTHIANUN 15:25

Ween muh nundahwandahgooze cheöogemahwid, peenish egoo ahnahmesit keähsaud kuhkenuh mahgahnegoojin.

PHILIPPIANUN 3:8

Menungakah, wuhnetoowining nindenandaunun kuhkenuh uhyeëen apeeche oonesheshing chekekanemind owh Christ Jesus Tabanemid: me suh owh kahoonje‐wuhnetooyaun kuhkenuh uhyeëen, moong dush nindahpeetandaunun, chekushkeüg owh Christ.

HEBREWUN 1:13

Ahwananun dush enewh angenun wekah oo‐oo keenaud, Nuhmuhduhbin emuh nekechenekaung, peenish egoo cheëzheügwah egewh mahgahnikig chetuhkookahnudwah?

HEBREWUN 1:3

Mesuh owh ayahwid ewh oopezhegandahgoozewinewahsayahzewin, kuhya wanje‐kekandahgwudenig oodezhenahgoozewin, kuhya ganuhwandung kuhkenuh uhyeëen oonje mushkahwezemahgudenig oodëkedoowin, uhpe ween tebenuhwa kahkuhseebeähmoonung kemujje‐ezhewabezewinenahnin, kenuhmuhduhbe emuh ookechenekahning enewh Kachetwahwandahgoozenejin ewede ishpeming.

HEBREWUN 12:2

Guhnuhwahbuhmung Jesus owh kahoozhetood kuhya kahkezhetood kedabwayanduhmoowinenaun; owh oonje ewh moojegezewin anahsuhmuhyeëe kahahtahmahwindebun, keöodahpenuhmahzood ewh ahzhedayahtikoo‐kooduggetoowin, kebahbahmanduhsig ewh ahgujjewin, noongoom dush nuhmuhduhbid emuh ookechenekaunewunenig oodoogemah‐wuhbewin owh Kesha‐Muhnedoo.

REVELATION 19:19

Ningewahbuhmah dush owh ahwasee, kuhya egewh uhkeeng duhzhe keche‐oogemaug, kuhya ooshemahguneshemewaun mahwunjeëdenid wemegahnahnid enewh pamoomegoonejin papazhegookunzheen, kuhya enewh ooshemahgunishemene.