St Matthew 22:15 - Ottawa New Testament Penteteuch and Psalms 1874

¹⁵ Medush keähwekahkekedoowaud egewh Phariseeg, chenuhgwuhnahwahwaud emuh oodekedoowining.

St Matthew 22:15 Iomraidhean Croise

PSALMS 2:2

Uhkeeng duhzhe oogemaug uhyeenduhbeëdezoowug, kuhya tabahkoonegajig mahmahwe‐kahkekedoowug: chemeegahnahwaud enewh Jehovahun kuhya enewh oo‐Christemun, oo‐oo dush ekedoowaud.

PSALMS 41:6

Kishpin mahwuddesid, kuhkebahje‐kezhwa: kuhya oonahnahgaddahwandaun kuhkenuhwishkewin emuh oodaïng, uhpe dush kahsahguhung oowahweendaun suh.

PSALMS 57:6

Ahwahshema ishpandahgoozin dush ween kezhigoon, O Kesha‐Muhnedoo: kuhya ahwahshema pezhegandahgoozin dush ween uhkee.

PSALMS 59:3

Benuh suh oodahkahmahwahwaun ninjechaugwun: egewh mashkahwezejig enenewug kemahwunjeëdewug wemegahzhewaud, ahnahween goo kemujje‐ezhechegasewaun kuhya kemujje‐doodahgasewaun, O Jehovah.

St Matthew 12:14

Egewh dush Phariseeg uhpe kahsahgahumoowaud, mahmahwe kekekedoowug ewh kaëzhechegawaud, chenesahwaud.

I. CORINTHIANUN 7:35

Oo‐oo dush nindoonje‐kekid cheöondezeyag kenuhwah; kahween kewepuggedenuhmoosenoonim nuhgwahgun, ewh atuh manwahbuhmenahgwuk, cheöonje‐buhmeetuhwag owh Tabaningad kuhnuhga gagoo nundoomeëgoosewag.

HEBREWUN 12:3

Nahnahgahduhwanemik suh owh kahkeche‐kooduggandung oonje keähzhedakahgood enewh maje‐ezhewabezenejin, cheöonje‐ahnezhetunsewag kuhya cheäunwanjegasewag emuh kedenanduhmoowinewaung.