St Matthew 21:5 - Ottawa New Testament Penteteuch and Psalms 1874

⁵ Weenduhmahwik Zion oodahnun, Benuh, kekeche‐oogemaum kepenaunzekaug, shawanjegad, pamoomegood enewh mamaungeshan, kuhya mahnesheensun mamaungesha oonejahnesun.

St Matthew 21:5 Iomraidhean Croise

GENESIS 49:10

Oogemah‐suhkuhoon kahween tahmahjahmahgussenoon emuh Judah uhyaud, kah kuhya owh tabahkoonegad emuh oojeengwuning, peenish tuhgwishing Shiloh; mesuh wuhowh kapenaunzekahgood enewh ahnishenahban.

PSALMS 9:14

Cheöonjewahbundahewayaun kepezhegandahgoozewin emuh ishquaundamewung oodoodanahwun owh Zion oodahnun. Ningahmoojegezetaun ewh kebemahjeëwawin.

NUMBERS 24:19

Emuh Jacobing tahoonjebah owh kamushkuhwezeed, oogahjahgenuhnaun dush enewh ashkonemindjin emuh oodanaung.

St Matthew 11:29

Oodahpenahmahdezooyook nenahbekahwahgun, bezinduhweshig dush azhekekenooahmahgayaun; nenookahdiz muh kuhya nendahbussanim emuh nendaïng: kegahmekahnahwah dush aunwabewin emuh kejechaugoowaung.

St Matthew 2:2

Oo‐oo dush keëkedoowaud, Ahneende ahyaud owh kahnegid oodoogemahmewaun egewh Jewyug? nengewahbuhmahnaun suh oodahnungoomun ewede wahbunoong, cheshahgushkeetuhwungid dush nepeöonje‐ezhahmin.

St Matthew 2:6

Kuhya keen Bethlehem ayahyun emuh Juda duhzhe uhkeeng kahween ahpeche noondaush kedahpetandahgoozese apetandahgoozewaud egewh Juda duhzhe oogemaug, keen muh ahyahyun tahoonjebah owh oodahkawegemah katebanemaud nendahneshenahbamun Isralun.

St Matthew 21:6

Kemahjahwug dush egewh kekenooahmahgunug, keëzhechegawug dush ewh kahezhegahgaunzemegoowaud enewh Jesusun.

ST. LUKE 24:27

Emuh dush keöonjemahjaud Mosesun kahezhebeëganid, kuhya aunwahjega‐wenenewun kahezhebeëganid, oogewahweenduhmahwaun emuh kuhkenuh ewh kechetwah‐oozhebeëguning ween tebenuhwa kahenahjemind.

ST. JOHN 1:49

Nathanaël dush oogenuhquatuhwaun oo‐oo enaud, Rabbi, keen suh kedoogwissemik owh Kesha‐Muhnedoo; keen suh kekeche‐oogemahkundahwah owh Israel.

II. CORINTHIANUN 10:1

Benuh dush neen Paul tebenuhwa kepahgoosanemenenim oonje oobakahdezewining kuhya oonookah-dezewining owh Christ, neen katemahgahbuhmenahgoozeyaun uhpe abeeyaunin anduhzhe ahyahyag, noongoom ahbesewaun nekeche nechewiz guhnoonenuhgoog:

DEUTERONOMY 17:16

Kah dush ween ooguhbahtuhyenooähseen oopahpazhigoogunzheemin, kahween kuhya nayaub ooguhezhekewawenahseen ewede Egypting enewh ahnishenahban, oonje ewh webahtuhyenooäud papazhigoogunzheen: oo‐oo mah kegeëgoowah Jehovah, Kah wekah menuhwah ewede kegahezhekewaseem.