St Matthew 21:44 - Ottawa New Testament Penteteuch and Psalms 1874

⁴⁴ Owh suh kapungeshing emuh oo‐oo ahsineeng tahpegeshkeshin: ahwagwan dush ween kakezhekahgoogwan, oogahpeseboonegoon.

St Matthew 21:44 Iomraidhean Croise

PSALMS 2:12

Umba oojeemik owh Wagwissemind, koonemah tahgenishkahdeze, kenuhwah dush kedahgebahnahdezeem oonje meekunaung: wuhyebah mah tahpiskunane oonishkahdezewin; shahwandahgoozewug kuhkenuh egewh apanemahjig enewh.

PSALMS 2:9

Kegahoogemahkundahwaug egewh, pewahbikoo oogemah‐suhkuhoon ahyooyun: kegahpegoobeäug debishkoo owh wanahgunekad andoodahwaud oodoonahgunemun.

St Matthew 21:43

Mesuh ewh wanje‐enenuhgoog, Kegahmuhkummegoom suh kenuhwah ewh oodoogemahwewin owh Kesha‐Muhnedoo, tahmeenahwug dush egewh ahneshenahbag kameenewejig enewh oogemahwewine‐meenewinun.

St Matthew 21:45

Uhpe dush kahnoonduhmoowaud egewh keche‐sahsahgewejega‐wenenewug kuhya egewh Phariseeg enewh oodahwajegunun, oogekekandahnahwah wenuhwah kedebahjemegoowaud.

St Matthew 26:24

Owh suh Enene oogwissun mahjah debishkoo anahjemind emuh oozhebeëguning: tahkeche‐kooduggeze suh owh enene kabahtahaud enewh Enene oogwissun nahwuj tahgeooneshenene owh enene wekah negesegoobun.

St Matthew 27:25

Kuhkenuh dush egewh ahnishenahbag oogenuhquatuhwahwaun, oo‐oo dush keëkedoowaud, Mahnoo nenuhwind ningahoodessegoonaun ewh oomesqueem kuhya egewh nenejahnesenahnig.

ST. LUKE 2:34

Kuhya dush owh Simeon oogeshahwanemaun, kuhya oogëenaun enewh oogene Maryun, Benuh, wah‐owh ahbenooje peöonjepuggedenah chepungeshenid kuhya dush nayaub chepuhsegwenid nebewah emuh Israeling; kuhya tahahwe ewh kekenoowahjechegun kamujje‐duhzhinchegahdag;

ST. LUKE 20:18

Ahwagwan dush kapungeshinoogwan emuh ahsineeng tahmahkegunahmah; ahwagwan dush katuhsoone-googwan, oogahpesekahgoon debishkoo peseboojegahzood.

ST. JOHN 19:11

Jesus dush oogenuhquatuhwaun, Kahween kuhnuhga kedahgekushkeäwezese ningood chedoodahweyun, kishpin ishpeming oonjemeenegoosewumbun: me dush wanje-kuhgwahnesuggandahgwudenig oomujje‐ezhechegawin owh kahpuhgedenemauk neyow.

ROMANUN 9:33

Debishkoo azhebeëgahdag, Benuh nindahsah emuh Sioning ewh pukkittashine kuhya nishkeëwa ahzhebik: ahwagwan dush kadabwayanemahgwan kahween tahahgujjeähse.

THESSALONIANUN 2:16

Kenahahmahweyungidwah cheguhnoonemungidwah egewh mayuggezejig chebemahjeïndwahpun: oomooshkenuhtoonahwah ewh tebahegun wanje‐tebahegahdanig oomujje‐ezhewabezewinewaun: magwah dush oopeöodisse-goonahwah keche nebewah ewh nishkahdezewin.

I. PETER 2:8

Kuhya puhkittashine‐ahsin kuhya ahzhebik shaunganduhmoowahjin egewh pakittashinoodungig ewh ekedoowin oonje dabwatunsigwah: mesuh goo kahenahkoonindwah.