St Matthew 21:15 - Ottawa New Testament Penteteuch and Psalms 1874

¹⁵ Uhpe dush egewh keche‐sahsahgewejega‐wenenewug kuhya egewh oozhebeëga‐wenenewug kahwahbunduhmoowaud enewh mahmaundahwejegunun kahezhechegad, kuhya ahbenoojeün pepahgenid emuh ahnuhmeä‐weguhmigoong, oo‐oo ekedoonid, Mahnoo Hosanna enewh wagwissejin owh David; kenishkahdezewug.

St Matthew 21:15 Iomraidhean Croise

St Matthew 20:24

Uhpe dush egewh metahswe kahnoonduhmoowaud, oogenishkanemahwaun enewh neezh wawejekewaïndenejin.

St Matthew 21:23

Uhpe dush kahpeendegad emuh keche‐ahnuhmeä‐weguhmigoong, magwah dush kekenooähmahgad oogepenaunzekahgoon enewh keche‐sahsahgewejega‐wenenewun kuhya ooketezemewaun egewh ahneshenahbag, oo‐oo ekedoonid, Wagoonan ewh kushkeäwezewin wanjeëzhechegayun oonoo? Ahwanan dush kahmeenik oo‐oo kushkeawezewin?

St Matthew 21:9

Egewh dush waqueenoojig ahnishenahbag nahgahnejig, kuhya egewh nwahpenungig, kepepahgewug, oo‐oo keëkedoowaud, Hosanna enewh wagwessejin owh David! shahwandahgooze suh owh pahtuhgwishing emuh oodezhenekahzoowining owh Jehovah: mahnoo Hosanna keche-eshpeming!

St Matthew 22:42

Oo‐oo keëkedood, Ahneen ayenanuhmag owh Christ? ahwananun wagwissemegoojin? oo‐oo dush oogeënahwaun, David suh.

St Matthew 26:3

Medush kemahoonjeëdewaud egewh keche‐sahsahgewejega‐wenenewug, kuhya egewh oozhebeëga‐wenenewug, kuhya ooketezemewaun egewh ahneshenahbag emuh oodoogemah‐weguhmigoong keche‐sahsahgewejega‐wenene Caiaphas kahezhenekahzood.

St Matthew 26:59

Egewh dush keche‐sahsahgewejega‐wenenewug, kuhya egewh katezejig, kuhya egewh mahyahwunjeëdejig, oogenundahwandahnahwah ewh kuhkenuhwishke‐tebahjemoowin cheoonje‐nesahwaud enewh Jesusun;

St Matthew 27:1

Uhpe dush kahwahbung, kuhkenuh keche‐sahsahgewejega‐wenenewug kuhya ooketezemewaun egewh ahneshenahbag kekahkekedoowug chenesahwaud enewh Jesusun:

St Matthew 27:20

Egewh dush keche‐sahsahgahwejega‐wenenewug kuhya egewh katezegig oogegahgaunzoomahwaun enewh ahneshenahban chenundoodahmahganid enewh Barabbasun, chenishewuhnahjeähnid dush ween enewh Jesusun.

St Matthew 9:27

Uhnemahjaud dush Jesus, oogenoopenuhnegoon neezh enewh kakepeengwanejin enenewun, kepepahgemegood, oo‐oo keëgood, Shahwanemeeshenaum, keen wagwisemik owh David.

ST. MARK 11:18

Egewh dush oozhebeëga‐wenenewug kuhya egewh keche‐sahsahgewejega‐wenenewug oogenoondahnahwah, kekuhnoonindewug dush chenesahwaud: oogekoosahwaun muh, kuhkenuh muh egewh ahnishenahbag oogemahmahkahdandahnahwah ewh ookekenooähmahgawin.

ST. LUKE 20:1

Kepuhguhmeahyahmahgud dush uhpe pazhik oonoo kezhegudoon, magwah kekekenooähmahwaud enewh ahnishenahban emuh ahnuhmeä‐weguhmigoong, kuhya dush kedebahdoodung ewh minwahjemoowin, enewh dush keche‐sahsahgewejega‐wenenewun, kuhya oozhebeëga‐wenenewun, kuhya enewh katezenejin kepenaunzekahgood,

ST. LUKE 22:2

Kuhya dush egewh keche‐sahsahguhwejega‐wenenewug kuhya egewh oozhebeëga‐wenenewug oogenundahwandahnahwah kaëzhechegawaud chenesahwaud; oogekoosahwaun muh enewh ahnishenahban.

ST. LUKE 22:66

Uhpe dush wuhyahbunenig, egewh ahnishenahbag ooketezemewaun kuhya egewh keche‐sahsahguhwejega‐wenenewug, kuhya egewh oozhebeëga‐wenenewug kepemahoonjeëdewug kuhya oogeëzhewenahwaun emuh kahduhzhe‐kahkekedoowaud, oo‐oo dush keëkedoowaud,

ST. JOHN 11:57

Egewh dush keche‐sahsahgewejega‐wenenewug kuhya egewh Phariseeg keënahkoonegagwahpun, kishpin ahweyah kekanemaud debe anduhnezegwan, chedebahjemood, cheoonjetuhkoonahwaud.

ST. JOHN 12:19

Egewh dush Phariseeg oo‐oo keëzheguhnoonindewug, Kewahbundahnahwah nuh ewh kuhnuhga gagoo kushketoosewag? benuh, oonoopenuhnegoon kuhkenuh enewh bamahdezenejin.

ST. JOHN 4:1

Uhpe dush owh Tabaningad kakandung enewh Phariseen ahzhuh kenoonduhmenid, owh Jesus nahwuj nebewah oozheäud kuhya baptizooweäud enewh kekenooähmahgunun dush ween owh John,

ST. JOHN 7:42

Kah nuh ween ekedoomahgussenoon ewh kechetwah‐muhzeneëgun, cheoondahdezid owh Christ oonje David oomenewining, kuhya emuh Bethlehem azhenekahdag oodanaung, emuh kahduhzhe‐ahyahgoobunan owh David?