St Matthew 20:8 - Ottawa New Testament Penteteuch and Psalms 1874

⁸ Uhpe dush wanahgooshenig, owh dabandung ewh shoowemene‐ketegaun oodenaun enewh oomezhenahwamun, Nundoom egewh anookejig, tebahahmow ewh keähnookewaud, egewh eshquauj kahpeähoonindjig oonjemahje‐tebahahmahgan nahnauzh egewh netum kahahnoonindjig.

St Matthew 20:8 Iomraidhean Croise

GENESIS 15:2

Abram dush oo‐oo keëkedoo, Jehovah Kasha‐Muhnedooweyun, wagoonash kameezheyun, oonje oonejahnesesewaun, kuhya owh ganuhwandung newegewaum me suh mahbuh Eliziezer Damascusing duhzhe wenene?

GENESIS 43:19

Oogenaunzekahwahwaun dush pashoo enewh ganuhwanduhmenejin Joseph oowegewaum, kuhya oogeguhnoonahwaun emuh ishquandamewung wegewaum.

LEVITICUS 19:13

¶ Kahween kegahwuhyazhemahse keejeduhnuhkewamahgun, kah kuhya kegahkeemoodemahse: kahween kegahguhnuhwanduhse ootebahahmahgoowin owh anookeetauk kuhpa tebik nahnauzh chewahbung.

St Matthew 20:7

Oo‐oo dush oodegoon, Kah suh ahweyah nindahnoonegoosenaun: Oo‐oo dush oodenaun, Kuhya kenuhwah ezhahyook emuh shoowemene‐ketegauning; quuhyuk suh kegahtebahahmahgoom.

St Matthew 20:9

Uhpe dush kahpeëzhahwaud gagah pangeshemoonenig kahpeähnoonindjig, anduhchewaud oogeöodahpenahnahwah papazhik shooneäuns.

St Matthew 25:19

Bahmah dush wekah ketuhgwishenoon enewh oodoogemahmewaun oogoo buhmeetahgunug, oonundoodahmahwaun dush ewh tebahahmahgoowin.

St Matthew 25:31

Uhpe petuhgwishing owh Enene oogwissun emuh oopeshegandahgoozewining, pewejewegood dush kuhkenuh enewh kachetwahwezenejin oodangenemun, me ewh uhpe kawawanuhbid emuh oopezhegandahgoozewine oodoogemah‐wuhbewining.

ST. LUKE 10:7

Me dush emuh wegewauming cheduhnezeyag, meejeyag kuhya menequayag enewh egoo uhyeëen kaähshummegooyagoon: kagate muh ahpeetandahgooze owh ahnooke‐wenene chetebahahmahwind. Kagoo papuhkaunuk wegewauming ezhekoozekagoon.

ST. LUKE 12:42

Keëkedoo dush owh Tabaningad, Ahwanan dush ahyaungwahmezid buhmeetahgun kuhya nabwahkaud, kapuhgedenuhmahgood enewh oodoogemahmun cheguhnuhwanemaud oobuhmeetahgunene chemuhmeenaud oomeejimene uhpe tabishkoosanegin?

ST. LUKE 8:3

Kuhya Joannah, wewun owh Chusa ooguhnuhwanjega‐wenenemun owh Herod, kuhya Susanna, kuhya nebewah ahnind, kahmeenahjig enewh ootebenuhwawezewinewaun.

II. CORINTHIANUN 5:10

Kuhkenuh muh kegahkekandahgoozemin emuh anahsuhmeähyahnig Christ ootebahkoonewa‐wuhbewining, kuhkenuh bamahdezejig cheöodahpenuhmoowaud enewh ezhechegawinun kahezhechegawaud emuh weyowemaung, kishpin menoo‐ezhewabudenegwan gamuh mujje‐ezhewabudenegwan.

DEUTERONOMY 24:15

Ewh kezhiguk keühnookeed kegahmeenah ootebuhuhmahgoowin, kahween kuhya owh keezis tahpungeshemoose ezheühtanig; ketemahgeze mah, kuhya ookecheühpetandaun: koonemah gooshuh oodahbebahgemaun enewh Jehovahun keen oonje, kemujjeëzhechega cheënanemegooyunbun dush.

ENEWH TITUSUN 1:7

Owh muh makuhdawekoonuhya tahquuhyuk‐ezhewabeze, debishkoo ooguhnuhwanjega‐wenenemun Kesha‐Muhnedoo; kahween tahkechetwahwanemoose, kahween tahwuhka‐wegedahzoose, kahween oogahnetuh‐menequaseen shoowemin‐ahboo, kahween tahnetuh‐pukkittaöowase, kahween oogahnunduhwanduhseen ewh mahyahnahduk oondezewin:

HEBREWUN 9:28

Me suh nahsaub owh Christ ahbeting kepuggedenegahzoo chepemoonduhmoowaud nebewah bamahdezenejin oomujje‐ezhewabezewinene; egewh dush nanduhwahbuhmahjig, menuhwah ahbeting oogahwahbahmahwaun penahgoozenid pemoonduhsenig mujje‐ezhewabezewin cheöonje‐shahwandahgoozing.

I. PETER 4:10

Debishkoo anduhshid enene azhemeenind ewh meenegoowin, mesuh kaëzhemuhmeenindeyag mamashquaud, debishkoo manoo‐ganuhwanjegajig ganuhwandungig ewh papukkaun anuhnookeemahgudenig ooshahwanjegawin Kesha‐Muhnedoo.