St Matthew 2:12 - Ottawa New Testament Penteteuch and Psalms 1874

¹² Emuh enahbunduhmoowening keöonjeähyahwangwahmemegoowaud enewh Kesha‐Muhnedoon nayaub chenaunzekahwahsegwah enewh Herodun, ningooje enuhkuhkayah keëneëzhekewawug ewh anduhnuhkewaud.

St Matthew 2:12 Iomraidhean Croise

GENESIS 31:24

Kesha‐Muhnedoo dush oogenaunzekahwaun Labanun Syriaing duhzhe enenewun emuh enahbunduhmoowining tabekuddenig, oo‐oo dush keënaud, Aungwahmezin cheënahsewud Jacob wanesheshing gamah kuhya mahyahnahduk.

EXODUS 1:17

Egewh dush ween gahtenewaquag oogekoosahwaun Kesha‐Muhnedoon, kah dush keëzhechegasewug kahezhekuhgaunzoomegoowaud enewh Egypt duhzhe keche‐oogemaun, oogebemahjeähwaun suh goo enewh quewezansun.

St Matthew 1:20

Magwah oonoo uhyeëen nahnahgahdahwandung, benuh oogepenaunzekahgoon oodangenemun owh Tabanengad emuh enahbunduhmoowining, akedoonid, Joseph wagwesemik owh David, kago ween shahgwanemookan cheöodahpenuhmahzooyun owh Mary kewedegamahgun, ewh muh kakishkingin Keche oojechaugoong oonje mahkunene.

St Matthew 2:13

Uhpe kahmahjahwaud, enuh owh Joseph oogenahgoozetahgoon enewh oodangenemun owh Jehovah emuh enahbunduhmoowening akedoonid, Oonishkaun kuhya oodahpen owh ahbenooje kuhya enewh oogeen, ewede dush Egypting ezhenezhemoon, medush ewede kaduhnezeyun peenish egoo petahjemootoonaun: owh muh Herod oogahnundoonawaun enewh ahbenoojeün wenesaud.

St Matthew 2:19

Uhpe dush kahnebood owh Herod, benuh Jehovah oodangenemun oogepenahgoozetahgoon enahbunduhmoowining owh Joseph emuh Egypting.

St Matthew 2:22

Uhpe dush kahnoondung ewh oogemahwenid enewh Archelausun emuh Judæaing, kenahbishkahwaud enewh oosun Herod, keähgushke weëzhaud emuh; Ahnoo ween goo keweenduhmahgood enewh Kesha‐Muhnedoon emuh enahbunduhmoowening, keëzhepuhka emuh enuhkayah Galileeïng.

St Matthew 27:19

Uhpe dush kahwuhwanuhbid emuh tebahkoonewawine‐ahpuhbewining, wewun kepemejedwawun, oo‐oo akedoonid, Kagoo ningood doodahwahkan owh manoo‐ezhewabezid enene; nebewah gooshah mahbuh ningeöonjekootuggandum noongoom kezheguk emuh enahbunduhmoowining.

ST. LUKE 2:26

Kuhya dush oogewahweendahmahgoon enewh Keche‐Oojechaugwun, chewahbunduhsig ewh neboowin, chepwah wahbuhmaud oo‐Christemun owh Jehovah.

OODEZHECHEGAWINEWAH 10:22

Oo‐oo dush keëkedoowug, Cornelius menissenoo‐oogemah, manoo‐ezhewabezid enene, kuhya quasaud enewh Kesha‐Muhnedoon, manwahjemegood dush kuhkenuh enewh Jewyun, oogeëgoon dush enewh kachetwahwezenejin angenun chenundoomik ewede andaud cheëzhahyun, cheöonjenoondung enewh ekedoowinun kaëkedooyun.

OODEZHECHEGAWINEWAH 4:19

Peter dush kuhya John oogenuhquatuhwahwaun oo‐oo keënahwaud, Kishpin oonisheshinoogwan emuh enahsuhmuhbid owh Kesha‐Muhnedoo ahwahshema chebezindahgooyag dush ween azhebezinduhwungid owh Kesha‐Muhnedoo, nahnahgahdahwanduhmook.

OODEZHECHEGAWINEWAH 5:29

Me dush Peter kuhya egewh ahnind apostleüg kenuhquatuhmoowaud oo‐oo keëkedoowaud, Enandahgwud suh nahwuj chebezinduhwungid owh Kesha‐Muhnedoo dush ween egewh enenewug.

I. CORINTHIANUN 3:19

Oomah mahween uhkeeng duhzhe nebwahkahwin kuhkebahdezewin ahwun anahsuhmid owh Kesha‐Muhnedoo. Oo‐oo muh ezhebeëgahda, Ootuhkoonaun enewh nabwahkahnejin emuh tebenuhwa ookuhkuhyanezewinewaung.

HEBREWUN 11:7

Dabwayanduhmoowin suh Noah kezhah kahwahweendahmahgood Kesha‐Muhnedoon enewh uhyeëen muhshe kahwahbunduhsingin, kesagezid kahoonje‐oozhetood ewh keche‐nahbequaun cheöonje‐bemahjeïndwah kuhkenuh dabandahgoozejig emuh oowegewauming; me suh oo‐oo keëzhechegad kahoonje‐nahneboondung uhkee, kuhya kahoonje‐debandung ewh quuhyuk‐ezhewahbezeëgoozewin wanjeemahguk emuh dabwayanduhmoowining.

HEBREWUN 8:5

Egewh bameetungig ewh ahnuhmeä‐weguhmig kahezhechegahdag debishkoo azhenahgwuk ewh keche‐kezhegoong duhzhe uhyeëe, debishkoo Moses kahkuhgaunzoomegood enewh Kesha Muhnedoon uhpe wahoozhetoogoobunan ewh puhpuhgeewuhyaune‐ahnuhmeä‐weguhmig, oo‐oo keëgood, Aungwahmezin cheëzhenahgootooyun kuhkenuh enewh uhyeëen debishkoo azhenahgwuk ewh kahwahbundahegooyun emuh wahjewing.