St Matthew 2:11 - Ottawa New Testament Penteteuch and Psalms 1874

¹¹ Uhpe dush kahpeendegawaud emuh wegewauming, oogewahbuhmahwaun enewh ahbenoojeün emuh ahyahnid kuhya oogeene Maryun, keöojecheengwasawug kuhya keshahgushketahwahwaud. Uhpe dush kahkedenuhmoowaud ooduhyeemewaun, oogemeenahwaun enewh meegewawenun, oozahwe‐shooneyah kuhya menoo‐mahgoojegunun.

St Matthew 2:11 Iomraidhean Croise

GENESIS 43:11

Oo‐oo dush oogeëgoowaun oosewaun Israelun, Kishpin suh nanduhwandahgwudoogwan ahbitakummig oo‐oo cheëzhewabuk oo‐oo ezhechegayook; oodahpenuhmook emuh kedoonahgunewaung kache‐oonesheshingin meenewinun emuh uhkeeng wanjegingin, mahjetuhwik dush owh enene ewh meegewawin, punge mushkeke, kuhya punge ahmoo‐sinsebahquud, menoomahgoojegunun, kuhya puhgaunun, kuhya keche-puhgaunun.

PSALMS 2:12

Umba oojeemik owh Wagwissemind, koonemah tahgenishkahdeze, kenuhwah dush kedahgebahnahdezeem oonje meekunaung: wuhyebah mah tahpiskunane oonishkahdezewin; shahwandahgoozewug kuhkenuh egewh apanemahjig enewh.

PSALMS 45:8

Kesahgetoon quuhyukezhewabezewin kuhya kegesheengandaun mujje‐ezhewabezewin mesuh dush Kesha‐Muhnedoo keKesha‐Muhnedoom kahoonjenoomenik nahwuj nebewah moojegezewine noomenegun dush ween keejekewayug.

PSALMS 72:10

Tarshishing duhzhe oogemaug kuhya egewh wagemahkundunjig enewh menisun oogahpeetoonahwah meegewawinun: Shebaïng kuhya Sabaïng duhzhe oogemaug oogahpeetoonahwah puggedenegawinun.

PSALMS 72:15

Tahbemahdeze, kuhya tahmeenah Shebaïng duhzhe oozahwah‐shooneyah: uhpena tahahnuhme-atuhmahwah, kuhya anduhsoo‐kezheguk tahnuhguhmootuhwah.

PSALMS 95:6

Umba shahgushketahwahdah kuhya neseepuggezoodah; cheöojecheengwuhnetahwung owh Jehovah kahoozheënung.

EXODUS 30:23

Oodahpenuhmahzoon dush kuhya nahgahnandahgwukkin menoomahgoochegunun, ewh wanezheshing myrrh naunwauk dussoo shekel menik, kuhya owh manoomahgoozid misquuhnuhgak ahbetuh ewh menik, neezhwauk suh goo uhshe nahnemeduhnuh dussoo shekel, kuhya ewh manoomahgwuk calamus neenzhwauk uhshe nahnemeduhnuh dussoo shekel menik,

EXODUS 30:34

¶ Jehovah dush oo‐oo oogeënaun enewh Mosesun, Oodahpenuhmahzoon manoomahgwukkin menoomahgoochegunun, stacte, kuhya onycha, kuhya galbanum; oonoo manoomahgwukkin menoomahgoochegunun kuhya dush ewh wanezheshing menoomahgwahkezegun: papazhig dadebishkoo tahuhpetenegwudoon:

LEVITICUS 6:15

Oogahmahmoon edush ningootabaunane nj ewh pahsaug buhquazhegun, kuhya ewh pemeda, kuhya kuhkenuh menoomahgoojegun emuh meejime‐meegewawining atag, kuhya oogahchahgezaun emuh sahsahgewejegun‐ahbikoong chemenoomahgwuk, cheöonjemequanjegahdag, anahsuhmeed owh Jehovah.

NUMBERS 7:14

Pazhig oozahweshooneyah‐amequaun medahswe shekelug apetenegwuk, mwaushkenag menoo‐mahgwahkezegun:

NUMBERS 7:86

Enewh oozahweshooneyah‐amequaunun medahswe uhshe neenzh keduhchenoon, kemooshkenawun ewh menoomahgwahkezegun, medahsoo shekel papazhig keühpetenegwudoon, me owh shekel uhyahbuhjeïnd emuh kechetwah wegewauming tabuhegang: kuhkenuh owh oozahweshooneyah dabandahgoozid emuh amequauming ningoodwauk ahshe neeshtuhnuh dussoo shekel keduhche.

St Matthew 1:18

Oo‐oo suh keëzhenege owh Jesus Christ: Uhpe enewh oogeen Maryun kahkekekwabahnegoonid Josephun, chepwah wedegandewaud, kekekandahgooze keähyahwaud ahbenoojeyun oonje enewh Keche‐oojechaugwun.

St Matthew 12:46

Magwah kahguhnoonaud enewh ahneshenahban, benuh, oogeen kuhya weejekewayun ahwahjeeng kenebahwewun, nunduhwanemegood ewh cheguhnoonegood.

St Matthew 14:33

Egewh dush peendonug kahahyahjig oogepeshahgushketahwahwaun, oo‐oo keëkedoowaud, Kagate suh goo kedow oogwissun owh Kesha‐Muhnedoo.

St Matthew 2:10

Uhpe dush kahwahbuhmahwaud enewh ahnungoon, kemoojegezewug emuh keche‐moojegezewining.

St Matthew 2:2

Oo‐oo dush keëkedoowaud, Ahneende ahyaud owh kahnegid oodoogemahmewaun egewh Jewyug? nengewahbuhmahnaun suh oodahnungoomun ewede wahbunoong, cheshahgushkeetuhwungid dush nepeöonje‐ezhahmin.

ST. LUKE 2:16

Medush kepewaweebishkahwaud, kemekahwahwaud dush enewh Maryun, kuhya Josephun, kuhya ahbenoojeün shingeshinenid emuh anduhzhe‐wesenenid ahwahkaunun.

ST. LUKE 2:38

Kepeendega dush kuhya ween ewh uhpe, oogemahmooyahwahmaun dush enewh Tabaninganejin, kuhya dush kewahweenduhmahwaud kuhkenuh enewh nanduhwahbunduhmenejin ewh shahwandahgoozewin emuh Jerusaleming.

ST. JOHN 19:39

Kepeëzhah dush kuhya owh Nicodemus, owh wahyashkud kahpenaunzekahwaud enewh Jesusun magwah tebekudenig, oogepeeton dush ewh myrrh kuhya aloes tahgoonegun, koonemah ningoodwauk tebahbishkoojegun.

REVELATION 19:10

Ningeöojecheengwuhnesa dush emuh oosittaung cheshahgushketuhwug. Oo‐oo dush ningeïk, Kagoo benuh ezhechegakan: keeje‐buhmeetahgun muh nindow, kuhya pazhik egewh kejekewaüg ayahjig oodebahjemoowin Jesus. Shahgushketow Kesha‐Muhnedoo; chedebahjemind suh owh Jesus mesuh anuhnookeemahgak ewh aunwahjegawin oonje Oojechangoomaung.

REVELATION 5:8

Uhpe dush kahoodahpenung ewh muzzeneuhegun, egewh newin ahwaseeyug kuhya egewh neezhtuhnuh ahshe newin katezejig kepungeshinoog anahsuhmid Mahnishtahnisheens, kuhkenuh tuhkoonuhmoowaud enewh muhtwawajegunun, kuhya oozahwah‐shooneäh oomoodansun mwaushkenanig enewh menoomahgoojegunun, mesuh enewh oodahnuhmeähwinewaun egewh manoo‐ahnuhmeähjig.