St Matthew 2:10 - Ottawa New Testament Penteteuch and Psalms 1874

¹⁰ Uhpe dush kahwahbuhmahwaud enewh ahnungoon, kemoojegezewug emuh keche‐moojegezewining.

St Matthew 2:10 Iomraidhean Croise

PSALMS 105:3

Moojegezeyook oonje pazhegandahgwudenig oodezhenekahzoowin: tahmoojegedaäwug egewh nandoonawahjig Jehovahun.

PSALMS 67:4

Mahnoo ahnooj azheweenzoojig ahnishenabag tahmoojegezewug kuhya tahminwahnegwanduhmoog; emuh quuhyuk tebahkoonegawining kegahezhetebahkoonaug egewh bamahdezejig, kuhya kegahguhnuhwanemaug egewh uhkeeng anduhnuhkeejig.

St Matthew 2:11

Uhpe dush kahpeendegawaud emuh wegewauming, oogewahbuhmahwaun enewh ahbenoojeün emuh ahyahnid kuhya oogeene Maryun, keöojecheengwasawug kuhya keshahgushketahwahwaud. Uhpe dush kahkedenuhmoowaud ooduhyeemewaun, oogemeenahwaun enewh meegewawenun, oozahwe‐shooneyah kuhya menoo‐mahgoojegunun.

St Matthew 2:9

Uhpe dush kahnoondahwahwaud enewh keche‐oogemaun kemahjahwug, Benuh dush enewh ahnungoon kahwahbuhmahwahjin ewede wahbuhnoong keühnenegahnewun nahnauzh egoo keähgoojing emuh debishkoo ahyaud owh ahbenooje.

ST. LUKE 2:10

Angenun dush oogeëgoowaun, Kagoo sagezekagoon. Benuh gooshah, kewahweenduhmoonim kache‐moojegandahgwuk minwahjemoowin, chedebahjemootahwindwah kuhkenuh ahnooj azheweenzoojig ahnishenahbag.

ST. LUKE 2:20

Egewh dush mahnishtahnishe‐wenenewug kekewawug, wahwezhanemahwaud kuhya mahmooyahwahmahwaud enewh Kesha‐Muhnedoon oonje oonoo uhyeëen kahezhenoonduhmoowaud kuhya dush kahezhewahbunduhmoowaud debishkoo kahezhewahweenduhmoowindwahpun.

DEUTERONOMY 32:13

Oogeühsaun emuh uhyishpuhkummegahnig, chemejenid ewh natahwegenenig ketegauning; oogeënanemaun kuhya ahmoo‐seenzebahquud emuh azhebikoong cheöonjewekoon-duhmenid, kuhya pemeda emuh pewahnuhgoo‐azhebikoong;