St Matthew 19:21 - Ottawa New Testament Penteteuch and Psalms 1874

²¹ Jesus dush oo‐oo oogeënaun, Keshpin nunduhwanduhmun chekeche‐quuhyuk‐wahdezeyunbun, mahjaun ahweähtahwahgan enewh ketebenuhwawezewinun, meezh dush egewh katemahgezejig, kegahahyaun dush tebenuhwawezewin emuh keche‐kezhegoong; penoopenuhzheshin dush.

St Matthew 19:21 Iomraidhean Croise

GENESIS 17:1

Uhpe dush Abram kahshaungusse‐meduhnuh dussoo‐pepoon‐uhgezid ahshe shaungusswe, oogewahbuhmaun Jehovahun, oo‐oo dush keëgood, Neen nindow owh mahyahmahwe‐mushkahwezid Kesha‐Muhnedoo; bemoosan anahsuhmeyaun, kuhya quuhyuk ezhewabezin.

GENESIS 6:9

¶ Mesuh oo‐oo kahezhebemahdezid Noah; Kequuhyukwahdeze owh Noah kuhya kekeche‐minwandahgooze emuh oobemahdezewining, Noah dush oogewedoosamaun enewh Kesha‐Muhnedoon.

PSALMS 37:37

Nahnahguhduhwahbum quuhyuk azhewabezid, kuhya guhnuhwahbum owh manoo‐ezhewabezid: emuh pezaunezewining tahezhemahjah owh enene.

St Matthew 16:24

Medush uhpe owh Jesus oo‐oo keënaud enewh ookekenooähmahgunun, Keshpin suh ahweyah wepenoope-nuhzhegwan, tahahgoonwatahdezoo suh, kuhya dush oogahoodahpenaun oodahzhedayahtegoom, ningahnoopenuhnik dush.

St Matthew 19:20

Oo‐oo dush oogeëgoon enewh ooshkenahwan, Kuhkenuh oonoo ningeguhnuhwandaunun pahahkoo‐ooshkenegesheweyaun: Wagoonash kayahbe nwaundasayaun?

St Matthew 19:22

Uhpe dush owh ooshkenuhwa kahnoondung ewh ekedoowin, kemahjah keche‐kushkandung: kebahtuhyenuhdenewun muh ootebenuhwawezewinun.

St Matthew 19:28

Jesus dush oo‐oo oogeënaun, Kagate kedenenim, kenuhwah kahnoopenuhzheyag, emuh aunj‐bemahdezewining, uhpe kawuhwanuhbid owh Enene oogwissun emuh pazhegandahgwudenig oodoogemahwewin, kuhya kenuhwah kegahnuhmuhduhbim emuh metahswe‐ahshe‐neezh oogemahwuhbewining, chetebahkoonagwah egewh metahswe‐ahshe‐neezh anduhswayuggezejig Israelitug.

St Matthew 4:19

Oogeënaun dush, Noopenuhzheshig, kegahahnoonenim dush chepeenduhunagwah egewh enenewug.

St Matthew 5:48

Wahweengazeyook azhewahweengazid owh Koosewah keche‐kezhegoong ayaud.

St Matthew 8:22

Jesus dush oo‐oo oogeënaun, Noopenuhzheshin; mahnoo ween egewh naboojig oogahningwahwahwaun ooneboomewaun.

St Matthew 9:9

Ewede dush kahoonjemahjaud owh Jesus, uhnebemoosad dush, oogewahbuhmaun pazhik enenewun Matthew azhenekahzoonejin, nuhmuhduhbenid emuh anduhzhe‐mahwunjechegahdag ewh oogemah‐shooneyah: oo‐oo dush oodenaun, Noopenuhzheshin. Kepuhsegwewun dush, kenoopenuhnegood.

ST. MARK 10:21

Uhpe dush Jesus wuhyahbuhmaud oogesahgeäun, oo‐oo dush oogeënaun, Pazhik suh kayahbe kenoondashkaun: mahjaun, ahtahwagan kuhkenuh enewh ketebenuhwawezewinun, meezh edush egewh katemahgezejig, kegahahyaun dush ewh tebenuhwawezewin ewede keche‐kezhegoong; peëzhaun dush, oodahpin ewh ahzhedayahtik, kuhya dush noopenuhzheshin.

ST. MARK 2:14

Anebemoosad dush, oogewahbuhmaun enewh Leviün oogwissun owh Alpheus, nuhmuhduhbenid emuh mahwunjechega‐weguhmigoong, oo‐oo enaud, Noopenuhzheshin. Kepuhsegwewun dush kenoopenuhnegood.

ST. MARK 8:34

Uhpe dush kahnundoomaud enewh ahnishenahban kuhya enewh ookekenooahmahgunun, oo‐oo oogeënaun, Ahwagwan kawenoopenuhzhegwan mahnoo suh oogahahgoonwayandaun tebenuhwa weyow, kuhya oogahoodahpenaun oodahzhekayahtikoom, ningahnuhnoopenik dush.

ST. LUKE 12:33

Ahtahwayook enewh keduhyeemewaug, kuhya shahwaninga‐meegewayook; oozhetahmahdezooyook shooneyah‐mushkemoodoon kabahnahduhsenoogin, kuhya ahsunjegoon ewede keche‐kezhegoong kanoonda‐chahgenegahdasenoogig kaduhzhe‐peendegasig ahweyah kamoodishkid, kuhya kaduhzhe‐bahnahjechegasig ooguhwase.

ST. LUKE 14:33

Ahwagwan dush kenuhwah anduhcheyag kawabenunsegwan kuhkenuh enewh ooduhyeemun, kahween ningahookekenooähmahgunesenun.

ST. LUKE 16:9

Kedenenim dush neen, Oozhetuhmahdezooyook suh egewh kaweejekewayanemagoog ewh maje‐ezhewabuk mammon; uhpe dush noondasayag cheöodahpenenagwahpun emuh kahgega‐duhnuhkewining.

ST. LUKE 18:22

Uhpe dush Jesus kahnoondahwaud, oo‐oo oogeënaun, Kayahbe suh pazhik kenoondasa; ahtahwahgan kuhkenuh ketebenuhwawezewinun, meezh edush egewh katemahgezejig, kegahahyaun edush tebenuhwawezewin ewede keche‐kezhegoong, penoopenuhzheshin dush.

ST. LUKE 5:27

Kahishquahkummeguk oonoo kesahguhum, kuhya dush oogewahbuhmaun pazhig mahwunjechega‐wenenewun, Levi kahezhenekahzoonejin, nuhmuhduhbenid emuh mahwunjechega‐weguhmigoong; oo‐oo keënaud, Noopenuhzheshin.

ST. LUKE 6:40

Owh kekenooähmahgun kahween ahwahshema apeetandahgoozese dush ween enewh kakenooähmahgoojin: kuhkenuh dush kache‐nebwahkahjig tahahpeetandahgoozewug apeetandakgoozenid enewh kakenooahmahgoowahjin.

ST. LUKE 9:23

Oo‐oo dush oogeënann kuhkenuh, Kishpin ahweyah wenoopenuhzhid, mahnoo tahahgoonwayanindezoo, oogahoodahpenaun dush oodahzhedayahtikoom anduhsoo‐kezhegudenig, nigahnoopenuhnik dush.

ST. JOHN 10:27

Nemahnishtahnishemug oobezindahnahwah ewh nindinwawin, nenesittahwenahwaug dush, kuhya nenoopenuhnegoog.

ST. JOHN 12:26

Kishpin ahweyah buhmetuhwid, mahnoo ningahnoopenuhnik; emuh dush neen anduhzhe‐ahyahyaun, mesuh kaähyaud owh nebuhmeetahgun; kishpin ahweyah buhmetuhwid, mesun enewh Noos kakechetwahweähjin.

OODEZHECHEGAWINEWAH 2:45

Oogeähtahwahganahwah dush ootebenuhwawezewinewah kuhya ooduhnookahjegunewah, kemuhmeenahwaud dush kuhkenuh enenewun, ewh azhemuhnazenid.

HEBREWUN 10:34

Kegeweedookahwim suh magwah kekebahquahegahzooyaun, kegemoojegezim dush uhpe kahmuhkummegooyag enewh ketebenuhwawezewinewah, kekekanduhmag ewh ahyahmag ewede keche‐kezhegoong nahwuj wanesheshing kuhya kahgenig kaduhgoomahguk tebenuhwawezewin.